यूहन्ना 5:7 - Sirmouri

⁷ तेने बीमाँर आदमी ऐ जबाब दिता, “हे महाँराज! मेरा कुँऐं ने आथी; जुण्जा के मुँह ऐथू पाँणी झ़िकाल़्दे ही ऐसी ढाबों दा पाँव; ईन्देंखे मेरे पंह्चिणों शा आगे कुँऐ ओका ही आदमी ऐसी ढाबो दा पड़ो, अरह् चाँग्गा हंऐ ज़ाँव।”

सिरमौरी नौवाँ नियम

⁷ तैसी बीमार आदमीए यीशु खै जोवाब दिया, “ओए रै प्रभु मुंकैई कुणिए बै आदमी ना आथी, कै जोबै पाणी हिंजाल़ौ, तौ मुखै कुण्डो उदा उतरणो कारिए मैरी मौदद कौरौ, हांव कुण्डो उदा जाणौ कै कौचिश कौरु पौरौ कुणिए ना कुणिए हमैशा मुं दा औगौड़ियौ तिथै हौटै जांव।”

यूहन्ना 5:7 ပူးပေါင်းရင်းမြစ်များ

यूहन्ना 5:2

यरूशलेम दा भैंड़ कुवाड़ कैई ऐक कुँन्ड असो, जिन्देंखे इब्रानी भाषा दा बेतहसदा बुली; अरह् तेसी कुँण्डं दे पाँच ढाब असो।

यूहन्ना 5:3

तेसी कुँण्ड बाऐरे बैजाऐ बीमार रूगी लोग जैष्णें के शैड़े, लगड़े, अरह् शुके अंदें अंग वाल़े फालरे ऐसी भोर्षे दे पड़े अंदे रंह थिऐ, के (ऐसी कुँण्ड को पाँणी कंबे झ़िकाल़ो ज़ाँव;

यूहन्ना 5:4

किन्देंखे के प्रभू का दूत्त बख्ह्त्तो-बख्ह्त्तो गाशी तेसी कुँण्डं दा आऐयों सेजो पाँणी झ़िकाल़ो थिया, अरह् तेसी पाँणी के झ़िक्दे ही, जुण्जा आदमी सोभी शा आगे तेसी पाँणी मुँझ़ी ज़ाँव थिया; से भाँव कोसी भे रोग-बीमाँरी शा दु:ख्ही हों थिया, से तेख्णीं ही चाँग्गा हऐ ज़ाँव थिया)

यूहन्ना 5:6

प्रभू यीशू ऐ तेथै ऐक आदमी पड़ा अंदा देखा, अरह् ऐजो जाँणियों, के ऐजा आदमी बैजाऐ बख्तो शा ऊँबा ईथै पड़ा अंदा असो; अरह् तिन्ऐं तेच्छ़ो पुछो, “कियों तू चाँग्गों हंणों चहाँऐ ऐं?”

रोमियों 5:6

किन्देंखे के जबे आँमें कंंमजोर हे थिऐ, तबे मसीया ठीक बख्तो गाशी पापी लोगो की ताँईऐं मरे।

1 कुरिन्थियों 9:24

कियों तुँऐं जाँण्दे ने के रेस-दऊँड़ दे तअ बैजाऐ दऊँड़ो, परह् ईनाँम ऐके झोंणाँ नियों? परह् तुँऐं भे तियों रेस-दऊँड़ दे तिऐं दऊड़ो जू जित्ती ज़ाँव।