यूहन्ना 5:36 - Sirmouri

³⁶ परह् मुँह कैई जुण्जी गुवाऐ-शाज़्त्त असो, सेजी गुवाऐ-शाज़्त्त संत्त-यूहन्ना की गुवाई-शाज़्त शी भे बड़ी असो: किन्देंखे के जुण्जे काँम-काज़ बाबा ऐं मुँह कैई पुरे कर्णों खे देऐ थुऐ थिऐ; सेजे ही काँम-काज़ मेरे बारे दी गुवाऐ-शाज़्त्त दियों, के मुँह बाबा ऐं डेयाल़ी थुवा।

सिरमौरी नौवाँ नियम

³⁶ मुंआगै यूहन्ना दै बौड़ी गवाही औसौ। सैजी टोल जू पिता पौरमेशवरे मुखै पूरै कौरणौ खै दैय राए, सैजी टोल मैरै बारै मुंजी गवाही दैंव जू टोल मोऐं कौरे लोए, सैजी टोल गवाही दैंव कै पिता पौरमेशवरे मुखै भैज राए।

यूहन्ना 5:36 ပူးပေါင်းရင်းမြစ်များ

मत्ती 11:4

प्रभू यीशू ऐ जवाब दिता, “जुण्जो किऐ तुँऐं शुणों, अरह् दे:खो, सेजो ज़ाऐयों, संत्त-यूहन्ना कैई आगू बुले,

लूका 2:49

तबे तेने टंड्कै यीशू ऐं आप्णी माँ खे बुलो, “तुँऐं मुँह, कैई जुह्ऐ लुवा थिया? कियो तुँऐं जाँण्दे ने के मुँखे आप्णें बाबा के भवन दो रंहणों जरूरी असो?”

यूहन्ना 10:25

प्रभू यीशू ऐ तिनखे जबाब दिता, “मुँऐं तअ तुँओं कैई बुली थो; परह् तुँऐं आपु ही बिश्वाष ने कर्दे! बादे काँम-काज़ जुण्जे हाँव आप्णें बाबा के नाँव शे करू; से ही मेरी गुवाऐ-शाज़्त्त दियों।

यूहन्ना 11:37

परह् तिनू मुँझ्शो कई लोगे बुलो, “ईन्ऐं तअ शैड़े की आखी भे खुल्ली थंई, तअ कियो ऐ ऐत्रो भे करी ने सको थिऐ, के ऐजा आदमी मंरदा ही ने?”

यूहन्ना 15:24

जे हाँव तिनके बीच दे सेजे काँम-काज़ ने करदा, जुण्जें कुँऐ ओका ने करी सक्दा; तअ से दोषी-कसूरबार ने बंण्दे थिऐ; परह् ऐबे तिन्ऐं मुँह देखी थुवा, अरह् तिन्ऐ मुँह अरह् बाबा दुईं आरी बंईर करी थुओं।

यूहन्ना 17:4

जुण्जे काँम-काज़ तुँऐं मुँह कैई कर्णो खे देऐ थुऐ थिऐ, सेजे काँम-काज़ पुरे करियों; मुँऐं ईयों धर्त्ती गाशी तुवाँरी महाँ बड़ियाऐ करी थंऐ।

यूहन्ना 2:23

जबे प्रभू यीशू फ़सह के तैयारह् के बख्त्ते यरूशलेम दे थिऐ, तअ तिनके जाँणें बैजाऐ चींह्न-चंम्त्तकार देखाऐ ज़ाँव थिऐ, तबे तिनके नाँव गाशी बैजाऐ लोगें ऐ बिश्वाष करा।

यूहन्ना 3:17

पंण्मिश्वर ऐं आप्णा बैटा संईसारी दा ईन्देंखे ने डेयाल़ी, के से संईसारी खे सजा की अज्ञाँ दियों; परह् तेसी ईन्देंखे डेयाल़ा के संईसारी तेस्के कारण छुट्कारा-मुँक्त्ति पाँव।

यूहन्ना 3:2

से रात्ती के बख्ते प्रभू यीशू कैई आया, अरह् तेने बुलो, “हे रब्बी (हे गुरू जी!) आँमें जाँणों ऐ; के तुँऐं पंण्मिश्वर के बंणाँऐ अंदे गुरू असो! किन्देंखे के तुऐं जुण्जे भे चींह्न-चम्त्तकार देखाँव, तिनू कोऐं भे आदमी ताँव तोड़ी ने देखाऐ सक्दा; जाँव तोड़ी के पंण्मिश्वर तेस्की गंईलो ने हों।”

यूहन्ना 4:34

ईन्दे गाशी प्रभू यीशू ऐ चैले खे बुलो, “जिन्ऐं मुँह डेयाल़ी थुवा; तिनकी हिछ़्या गाशी चाल्णों, अरह् तिनका काँम-काज़ पुरा करणाँ ही मेरा भोजन असो।

यूहन्ना 5:32

परह् ऐक ओका असो, जुण्जा मेरा गुवाह्-शाज़्त्त असो; अरह् हाँव ऐजो जाँणू ऐं के से मेरे बारे दी पाक्की गुवाऐ-शाज़्त्त देंदा जुण्जी साच्चीं असो।

प्रेरितो कै काम 2:22

“हे इस्राएली भाऐ-बंईणों! मेरी ऐजी बातो सुई करियों शुँणों: तुऐं लोग आपु भे जाँणों ऐं; के पंण्मिश्वर ऐं नाँसरत गाँव के यीशू के जाँणें; तुँओं लोगों के बीच दे केत्रै शक्त्ति-शाली, अरह् हरानी कर्णों वाल़े च़ींह्न-चंम्त्तकार देखाऐ थुऐ थिऐ; ईन्दें लई ऐजो साबित्त हऐ ज़ाँव, के नाँसरत गाँव के सेजे यीशू पंण्मिश्वर के ढबे शे ही तुँओं लोगों कैई डेयाल़े थुऐ थिऐ।

1 यूहन्ना 5:9

जे आँमें आदमी की गुवाऐ-शाज़्त माँनी पाँव, तअ तबे पंण्मिश्वर के गुवाऐ-शाज़्त तअ तिन्दे शी आछ़ी अरह् बड़ी असो; किन्देंखे के ऐजी पंण्मिश्वर के गुवाऐ-शाज़्त असो, जुण्जी तिन्ऐं आप्णें बैटे के बारे दी देऐ थऐ।