यूहन्ना 5:30 - Sirmouri

³⁰ “हाँव आपु किऐ ने करी सक्दा, मुँह बाबा कैई शी जैष्णी अज्ञाँ भेटो, हाँव तेष्णा ही फंऐस्ला करू; अरह् मेरा फ़ऐस्ला साच्चा हों, किन्देंखे के हाँव आप्णी हिछ़या ने, परह् आप्णें डेयाल़्णों वाल़े की हिछ़या पुरी केर्णों खे तैयार रंऊँ।

सिरमौरी नौवाँ नियम

³⁰ “हांव आपी शै किछै ना कौरे सौकु; हांव लोगौ का न्याय तैशैकैई कौरु जैशैखै पिता पौरमेशवर मुखै तिनका न्याय कौरणौ कै बौल़ौ। औरौ मैरा न्याय सोही औसौ; जिथुकै हांव आपणै इछा नी, पौरौ आपणै भैजणैवाल़ै कै इछा चोऊं।

यूहन्ना 5:30 ပူးပေါင်းရင်းမြစ်များ

मत्ती 26:39

तबे से दाँणिक आगुड़े हुटियों उटमुँल़े खे पड़े, अरह् ऐजी प्रार्थना करी, “हे मेरे पिता जे हऐ सको तअ ऐजा बड़ा दु:ख मुँह गाशी आँणों शा टल़ी दियों, तबे भे जेष्णों हाँव चहाँऊ तेष्णों ने, परह् जेष्णों तुँऐं चहाँव तेष्णों ही हों।”

यूहन्ना 14:10

कियो तुऐ बिश्वाष कर्दे ने, के हाँव बाबा दा असो, अरह् बाबा मुँह्दा बसा अंदा असो? जुण्जे बचन हाँव तुँओं कैई बुलू, सेजे बचन हाँव आप्णी तरफ शे ने बुल्दा; परह् बाबा मुँह्दा बंसा अंदा असो; अरह् से मेरे जाँणें ही आप्णा काँम-काज़ पुरा करह्।

यूहन्ना 17:4

जुण्जे काँम-काज़ तुँऐं मुँह कैई कर्णो खे देऐ थुऐ थिऐ, सेजे काँम-काज़ पुरे करियों; मुँऐं ईयों धर्त्ती गाशी तुवाँरी महाँ बड़ियाऐ करी थंऐ।

यूहन्ना 18:11

प्रभू यीशू ऐ संत्त-पतरस खे बुलो, “आप्णी तरवार पाछ़ू मियाँनों दी थो! कियों जुण्जा दु:ख्ह का बैलुवा बाबा ऐ, मुँह्खे देऐ थुवा, कियों हाँव तेसी पीऊँ ने?”

यूहन्ना 4:34

ईन्दे गाशी प्रभू यीशू ऐ चैले खे बुलो, “जिन्ऐं मुँह डेयाल़ी थुवा; तिनकी हिछ़्या गाशी चाल्णों, अरह् तिनका काँम-काज़ पुरा करणाँ ही मेरा भोजन असो।

यूहन्ना 5:19

प्रभू यीशू ऐ तिनखे जबाब दिता, “हाँव तुँओं खे ऐक खास बात बुलू, के बैटा आपु किऐ ने करी सक्दा, से सेजो ही करह्; जुण्जो से आप्णें बाबा कर्दे देखो, किन्देंखे के जुण्जे काँम-काज़ बाबा करह् सेजे ही काँम-काज़ बैटा भे करह्।

यूहन्ना 6:38

किन्देंखे के हाँव आप्णी हिछ़या ने, परह् आप्णे डेयाल़्णों वाल़े की हिछ़या पुरी कर्णो खे स्वर्गो शा ऊँदा ऊत्री रूवा;

यूहन्ना 8:28

तबे प्रभू यीशू ऐ तिनखे बुलो, के “जबे तुँऐं आदमी का बैटा ऊगला टाँगले, तअ जाँणी पाह्ले, के ‘हाँव सेजा ही असो’; अरह् हाँव आप्णें आप किऐ ने करदा, परह् हाँव सेजो ही बुलू, जुण्जों बाबा ऐं मुँह कैई शो शिखाँऐ थो।

यूहन्ना 8:42

प्रभू यीशू ऐ तिनखे बुलो, “जे पंण्मिश्वर तुवाँरा बाबा हंदा; तअ तुऐं मुँह आरी प्यार कर्दे, किन्देंखे के हाँव पंण्मिश्वर शा पय्दा हऐ रूवा; हाँव आप्णी हिछ़़या शा ने, परह् पंण्मिश्वर ऐ मुँह डेयाल़ी थुवा।

यूहन्ना 8:50

हाँव आप्णी बड़ियाई की ताँईऐ, ऐत्री मेंह्नत्त-कोशिष ने करदा, होर, ऐक ऐष्णा असो, जुण्जा ऐष्णों‍ चहाँव ऐ; अरह् ईन्देंखे कोशिष करह्; अरह् फ़ंऐस्ला भे से ही करह्।

रोमियों 15:3

किन्देंखे के मसीया ऐ आपु-आप्खे खुशी ने करी, परह् जेष्णों पबित्र-ग्रन्थों दो लिखी थो: के “तेरे चुग्लियारे की चुगली मुँह गाशी भारी पड़ी।”

रोमियों 2:2

आँमें जाँणों ऐं, के ऐष्णी-ऐष्णी काँम-काज़ कर्णो वाल़े, गाशी पंणमिश्वर की ढबे शी सही-सही सजा की अज्ञाँ भेटो।

रोमियों 2:5

परह् तू जाँणी-बुझियों आप्णा मंन जीद्दी-कठूर करे, जिन्दे लई, तू पंणमिश्वर के कुरूध् के देसो खे, जिन्दा पंणमिश्वर का साचा नियाँव पर्गट हंदा, तुँऐं आपु खे पाप कमाऐ लुवा।