यूहन्ना 5:24 - Sirmouri

²⁴ हाँव तुँओं खे ऐक खास बात बुलू, के जुण्जा कुँऐं मेरे बचन शुँण्ला, अरह् जिन्ऐं मुँह डेयाल़ी थुवा, तिन गाशी से बिश्वाष करला, तअ सदा का अमर-जीवन तेस्खे भेट्दा, अरह् तेस्खे सजा की अज्ञाँ ने देंईदी, परह् से मऊँत्ती गाशी जीत्त पाँऐयों, अमर-जीवन दा दाखिल हऐ ज़ाँदा।

सिरमौरी नौवाँ नियम

²⁴ हांव तुऔं खै साचौ-साचौ बुलू, जू मैरा वचन शौणैबा मैरै भैजणैवाल़ै पांदी बिशवाश कौरौ कै पिता पौरमेशवरे मुखै छाड़ै राए, सै सौदा कै जिन्दगी पांव, औरौ तिनुखै सौजा ना भैटदै, पौरौ सै सौदा कै मौत शै बौचै गौवै औरौ आगैई नौवें जिन्दगी दा प्रवेश कौरे पाए।”

यूहन्ना 5:24 ပူးပေါင်းရင်းမြစ်များ

मत्ती 25:46

ऐजे बादे हमेशा की सजा ज़ूगै असो, परह् धर्मी लोग अमर-जीवन दे दाखिल हंदे।”

मरकुस 16:16

अरह् जुण्जे बिश्वाष कर्ले, अरह् नहाँण-नहाँले से मुँक्त्त हंऐयों बंची ज़ाले, परह् जुण्जे बिश्वाष ने कर्ले, से दागी अरह् तिनखे सजा भेटली।

यूहन्ना 11:26

अरह् जुण्जा कुँऐं आदमी जींऊँदा असो, अरह् से मुँह्दा बिश्वाष करह्; से कोदी ने मँर्दी; कियों तू ईयों बातो दा बिश्वाष करे ऐ?”

यूहन्ना 12:44

प्रभू यीशू ऐ धुवाऐयों बुलो, “जुण्जा कुँऐ मुँह गाशी बिश्वाष करह्, से मुँह्दा ने परह् मेरे डेयाल़्णों वाल़े गाशी बिश्वाष करह्।

यूहन्ना 20:31

परह् ईन्दें का बखाँण ईन्देंखे दिया गुवा, जिन्दें लंई तुऐं बिश्वाष करह्; के यीशू ही पंण्मिश्वर का बैटा मसीया असो; अरह् आप्णें ऐसी ही बिश्वाष के कारण तिनके नाँव शा अमर-जीवन पाँव।

यूहन्ना 3:16

“किन्देंखे के पंण्मिश्वर ऐं संईसारी शो ऐत्रो प्यार करो, के तिन्ऐं आप्णा ऐक्लोत्ता बैटा देऐ दिता; किन्देंखे के जुण्जा कुँऐं तिनू गाशी बिश्वाष करला; से नाँष ने हों, परह् से अमर-जीवन पाँव।

यूहन्ना 3:18

“जुण्जा कुऐं बैटे गाशी बिश्वाष करह्, से दोषी-कसूरबार ने बंण्दा; परह् जुण्जा कुँऐं बिश्वाष ने करदा, से दोषी-कसूरबार बंणी गुवा; किन्देंखे के से पंण्मिश्वर के ऐक्लोत्ते बैटे के नाँव गाशी बिश्वाष ने करदा।

यूहन्ना 3:36

जुण्जा कुँऐ बैटे गाशी बिश्वाष करला, अमर-जीवन तेस्का असो; परह् जुण्जा कुँऐं बैटे गाशी बिश्वाष कंरदा भाजी ज़ाँव, तेसी अमर-जीवन ने भेंट्दी; परह् पंण्मिश्वर का रोंष तेसी गाशी बंणाँ अंदा रंह्दा।”

यूहन्ना 4:36

शाख्ह सह्लाणों वाल़े खे धियाड़ी भेट्‍दी, अरह् से सदा के अमर-जीवन खे शाख्ह सलाँव, परह् जैने शाख्ह कंट्ठी कराऐ लंऐ, सेजा जींम्दार बोंणों वाल़ा, अरह् शाख्ह सह्लाणों वाल़ा, ऐजे दुईन्नें मीलियों खुशी-आनन्द मंनाँव।

यूहन्ना 6:40

किन्देंखे के मेरे बाबा के हिछ़या ऐजी असो, के जुण्जा बैटा देखो अरह् तेस्दा बिश्वाष करह्, तेसी अमर-जीवन भेंट्दा; अरह् हाँव तेसी आखरी के देसे हजो जीऊँदा करी देऊँबा।”

यूहन्ना 6:47

हाँव तुँओं खे खास बात बुलू: जुण्जा बिश्वाष करह्; तेसी ही अमर-जीवन भेट्दा।

यूहन्ना 6:50

हाँव ही स्वर्गो शी ऊदी ऊत्री अंदी रोटी असो, के जुण्जा कुँऐ ईयों रोटी खाँव; से मंरदा ने आथी।

यूहन्ना 6:51

हाँव ही स्वर्गो शी ऊदी ऊत्री अंदी जीवन की रोटी असो; अरह् जुण्जा कुँऐं ऐजी रोटी खाँव; से हमेशा जीऊँदी रंह्दा, अरह् जुण्जी रोटी हाँव देऊँबा, सेजी रोटी संईसारी खे जीवन के ऐक भेंट करी अंदी मेरी देह्-शरीर असो।”

यूहन्ना 6:58

ऐजी सेजी रोटी असो, जुण्जी स्वर्गो शी ऊँदी ऊत्री रंई; ऐ तेष्णी रोटी ने आथी, जुण्जी तुवाँरे पुराँणिऐं ऐं खाई थी, तबे भे से मंरी गुऐ; परह् जुण्जा कुँऐं ऐजी रोटी खाँव, से कंद्दी भे मंरी ने सक्दा; किन्देंखे के से संदा जीऊँदीं रंह्दा।”

यूहन्ना 8:51

हाँव तुँओं खे ऐक खास बात बुलू: के जे कुँऐं मेरे बचन का पाल़्ण करह्; तअ तेस्की मंऊँत्त कद्दी ने हंदी।”

रोमियों 8:1

तअ: ऐबे जू मसीया यीशू के असो, तिनू् गाशी पंणमिश्वर की सजा के अज्ञाँ ने आथी। (किन्देंखे के से देह्-शरीर के मंन की बुरी हिछ़ा शे ने, परह् पबित्र-आत्त्मा की हिछ़ा शे चालो।)

1 थिस्सलुनीकियों 5:9

किन्देंखे के पंण्मिश्वर आँमों सजा देणों खे ने, परह् अमाँरे प्रभू यीशू के जाँणें मुँक्त्ति पाँणों खे बंणाऐं थुऐ।

1 पतरस 1:21

तिनू मसीया के जाँणें ही तुँऐं तिनू पंणमिश्वर गाशी बिश्वाष करह्, जिन्ऐं तिनू मरे अंदे मुँझ्शे ऊबे जीयाल़े, अरह् बड़ियाऐं दिती, के तुँवारा बिश्वाष अरह् भूर्षा पंणमिश्वर गाशी हों।

1 पतरस 1:5

जुण्जा बिश्वाष के जाँणें पंणमिश्वर की शक्त्ति, लई ज़ूगौ के आखरी दा पर्गट होंणों खे छुट्कारे खे सुवाँ करियों थऐ थुवा स्वर्गो दा।

1 यूहन्ना 3:14

आँमें जाँणोऐं, के आँमें मऊँत्ती के बष शे दुर्के हऐयों अमर-जीवन दे पंऊँची रूऐ; किन्देंखे के आँमें आपु मुझी ओका ओकी शो पियार थंह्। परह् जुण्जा कुँऐं ओका ओकी शो पियार ने थंह्दा से हजो भे मऊँत्ती की बष दा असो।

1 यूहन्ना 5:1

जैस्का ऐजा बिश्वाष असो, के प्रभू यीशू ही मसीया असो, तअ सेजा पंण्मिश्वर की अलाद असो; अरह् जुण्जा कुँऐं आप्णें परमं-पिता पंण्मिश्वर शो पियार करह्, तअ से तैस्की अलादी आरी भे पियार करह्।