यूहन्ना 5:20 - Sirmouri

²⁰ बाबा, बैटे शो प्यार करह्, अरह् जुण्जो किऐ बाबा आपु करह्; सेजो बैटा भे देखों ऐ; अरह् बैटा बाबा शे भे बड़े-बड़े काँम-काज़ करह्, जिन्दें देखियों लोगों के तूरबाँणच़ूटो।

सिरमौरी नौवाँ नियम

²⁰ इथकारिए कै पिता पौरमेशवर जू प्यार मुं आरी कौरौ, औरौ जू-जू काम सै आपी कौरौ, सै सौबै मुखै दिखांव, औरौ हांव इनु दै बै बौड़ै काम तिनु दिखांदा, ताकि तुऔं हैरानी हौंव।

यूहन्ना 5:20 ပူးပေါင်းရင်းမြစ်များ

मत्ती 11:27

“मेरे पिता पंणमिश्वर ऐ मुँखे सब-कुछ देऐ दितो; अरह् कुँऐं बैटा ने जाँण्दा, सिर्फ तेसी पिता ही जाँणों; अरह् कुँऐं पिता ने जाँण्दा सिर्फ सेजा बैटा ही जाँणों; अरह् सेजा जाँणी सको जेसी गाशी बैटा पर्गट कर्णो चहाँव।”

मत्ती 17:5

तेने बुली ही लों थियों, के ऐक ओज्ल़े बांद्ल़े तिनू मैठी दिते, अरह् तेसी बाद्ल़ो मुँझ्शी ऐक धाव पड़ी: “ऐजा मेरा प्यारा बैटा असो, जेस्छ़ा हाँव खुशी असो: ऐस्की शुणों।”

मत्ती 3:17

तेसी बख्त्ते स्वर्गो शी ऐजी अगाष बरंम्बाणीं हऐ, “ऐजा मेरा बैटा असो, जेसी मेरे प्यारा असो, जेस्शा हाँव खुशी असो।”

मत्ती 4:8

प्रभू यीशू शैतान ऐं बेजाऐ ऊगले धारह् गाशी नीऐं, अरह् बादी संईसारी को राज्य, अरह् तिन्दें की चंम्क-दंम्क,

लूका 10:22

मेरे बाबा ऐं मुँह कैई सब-कुछ़ देऐ दितो; कुँऐं ने जाँण्दा के बैटा कुँण असो, परह् सिर्फ बाबा जाँणों: अरह् ना कुँऐ ऐजो जाँण्दा के बाबा कुँण असो; परह् सिर्फ बैटा जाँणों; अरह् सैजा जैस कैई बैटा पर्गट कर्णो चहाँव।”

यूहन्ना 1:18

पंण्मिश्वर कुँणिऐं ने देखी थंई; सिर्फ पंण्मिश्वर के ऐक्लोत्ते बैटे ऐं ही देखी थुवा; जुण्जा आप्णें बाबा की हंगाल़ी दा असो, तेने ही पंण्मिश्वर पर्गट करा।

यूहन्ना 10:32

प्रभू यीशू ऐ तिन कैई शा ऐक सुवाल पुछ़ा, “मुँऐ आप्णें बाबा की तरफ शे तुवाँरे सहाँम्णें कंऐयों भले काँम-काज़ करे; तबे तुँऐं कंसी काँम-काज़ की ताँईऐं मुँह गाशी पंथराँच़ कर्णीं चहाँव?”

यूहन्ना 14:12

“हाँव तुँओं खे ऐक खास बात बुलू: के जुण्जा कुँऐं मुँह्दा बिश्वाष करह्, से सेजे बादे काँम-काज़ करला; जुण्जे काँम-काज़ हाँव करू, परह् से ईन्दें शे भे जादा बड़े-बड़े काँम-काज़ कर्ले; किन्देंखे के ऐबे हाँव बाबा कैई ज़ाँदा लागा।

यूहन्ना 15:15

मुँऐ तुओं दास सेंवक ने, परह् आप्णें दोस्त्त माँनी थुऐ; किन्देंखे के दास सेंवक कैई ऐजा पता ने हंदा, के तेस्का माँलिक का कर्णो वाल़ा असो; परह् मुँऐं तुँओं कैई सेजी बादी बातो बुली थंई, जुण्जी मुँऐ बाबा कैई शी शुँणीं थंऐ।

यूहन्ना 17:26

मुँऐ तुओं तिनू गाशी पर्गट करी पाऐ, अरह् पर्गट करदा रंह्ऊँबा; के जेसी प्यार शो तुऐं मुँह आरी प्यार करी थों, तेष्णों ही प्यार तिन मुँझीं भे बंसी ज़ाँव, अरह् हाँव भे तिन दा बास करू।”

यूहन्ना 3:35

बाबा, बैटे आरी प्यार करह्, अरह् तेने सब-कुछ़ आप्णें बैटे के हाथों दो देऐ दितो।

यूहन्ना 5:21

जेष्णें पंरम-पिता मँरे अँदे ऊबे जीऊँदें करह्, तेष्णे ही बैटा भे जेस्खे जीवन देंणाँ चहाँव तिन खे सदा का अमर-जीवन देऐ दियों।

यूहन्ना 5:25

“हाँव तुँओं खे ऐक खास बात बुलू: के सेजा बख्त्त आँदा लागा, परह् आऐ गुवा; जबे मँरे अँदे लोग पंण्मिश्वर के बैटे की धाव शुँण्ल़े; अरह् जुण्जे सेजी धाव शुँण्ले, तिनखे जीवन भेट्ला।

यूहन्ना 5:29

अरह् जिन्ऐं भलाऐ करी थंऐ, से जीवन दे पाणों खे जींऊँदें हंदे; अरह् जिन्ऐ बुराऐ करी थऐ, से भे सजा पाँणों खे पाछू ऊँबे जीऊँदे हंदे।

2 पतरस 1:17

किन्देंखे के जबे तिनू परमं-पिता पंण्मिश्वर कैई शी आदर-ईज्जत अरह् बड़ियाऐ भेटी, अरह् तियों शक्त्तिशाली बड़ियाऐ मुँझ्शी ऐजी धाव शुणाँई पड़ी, के “ऐजा मेरा पियारा बैटा असो, जैच्छ़ा हाँव बैजाऐ खूशी असो।”