यूहन्ना 5:19 - Sirmouri

¹⁹ प्रभू यीशू ऐ तिनखे जबाब दिता, “हाँव तुँओं खे ऐक खास बात बुलू, के बैटा आपु किऐ ने करी सक्दा, से सेजो ही करह्; जुण्जो से आप्णें बाबा कर्दे देखो, किन्देंखे के जुण्जे काँम-काज़ बाबा करह् सेजे ही काँम-काज़ बैटा भे करह्।

सिरमौरी नौवाँ नियम

¹⁹ इथपांदी यीशुए तिनुखै बौल़ौ, हांव तुऔं खै साचौ-साचौ बुलू, “हांव यानी पौरमेशवर का बैटा आपी किछै ना कौरे सौकु, सिरफ सैजौई जू पिता पौरमेशवर कै कौरदै बैई दैखु, जिथुकै जिनु-जिनु काम कै सै कौरौ, तिनुखै हांव बै तैशैखैई कौरु।

यूहन्ना 5:19 ပူးပေါင်းရင်းမြစ်များ

मत्ती 26:39

तबे से दाँणिक आगुड़े हुटियों उटमुँल़े खे पड़े, अरह् ऐजी प्रार्थना करी, “हे मेरे पिता जे हऐ सको तअ ऐजा बड़ा दु:ख मुँह गाशी आँणों शा टल़ी दियों, तबे भे जेष्णों हाँव चहाँऊ तेष्णों ने, परह् जेष्णों तुँऐं चहाँव तेष्णों ही हों।”

लूका 21:15

किन्देंखे के हाँव तुँओं खे ऐशो बुलू, के हाँव तुँओं खे ऐशा बोल, अरह् ज्ञाँन-बुद्धी देऊँबा के तुवाँरा बिरूध कर्णों वाल़ा; भे तुवाँरा किऐ बिरूध ने करी सको।

यूहन्ना 10:18

कुँऐ भे मेरी जीयाँन-प्राण मुँह कैई शी आगु ने करी-द्ड़ी सक्दा, परह् मुँऐ आप्णीं जियाँन-प्राँण आप्णीं ही हिछ़या शे भेंट करी लऐं, अरह् मुँखे हजों आप्णीं जीयाँन-प्राण पाँछ़ू लणों का हंक-अधिकार भे बाबा ऐ आपु ही देऐ थुवा; जुण्जा के मुँह बाबा की ही तरफ़ शा भेटी रूवा।”

यूहन्ना 12:49

मुँऐं आप्णी तरफ शो किऐ ने बुली थंई, परह् मेरे बाबा ऐं! जिन्ऐं मुँह डेयाल़ी थुवा; तिन्ऐं ही मुँखे ऐजी अज्ञाँ देऐ थंऐ, के मुँह का बुल्णों पड़ो; अरह् केष्णों बुल्णों पड़ो?

यूहन्ना 12:50

हाँव ऐजो जाँणू ऐं, के तिनकी अज्ञाँ का पाल़्ण करणाँ, अमर-जीवन असो। ईन्देंखे जुण्जो किऐ हाँव बुलू ऐ, सेजो तेष्णों ही बुलू; जेष्णी बाबा ऐं मुँखे बुल्णों की अज्ञाँ देऐ थंऐ।”

यूहन्ना 14:10

कियो तुऐ बिश्वाष कर्दे ने, के हाँव बाबा दा असो, अरह् बाबा मुँह्दा बसा अंदा असो? जुण्जे बचन हाँव तुँओं कैई बुलू, सेजे बचन हाँव आप्णी तरफ शे ने बुल्दा; परह् बाबा मुँह्दा बंसा अंदा असो; अरह् से मेरे जाँणें ही आप्णा काँम-काज़ पुरा करह्।

यूहन्ना 2:19

प्रभू यीशू ऐ तिनखे जबाब दिता, “ईयों देऊँठी ढाल़ी दियों, अरह् हाँव ईयों देऊँठी च़ीज़े के हजो पाछ़ू खह्ड़ी करियों देखाँऊबा।”

यूहन्ना 3:3

प्रभू यीशू ऐ तेस्खे जबाब दिता, के “हाँव ताँव्खे ऐक खास बात बुलू; के जाँव तोड़ी कुँणिंऐ पंण्मिश्वर की तरफ़ शा जन्म ने लों; ताँव तोड़ी से पंण्मिश्वर को राज्य ने देखी सक्दा।”

यूहन्ना 5:21

जेष्णें पंरम-पिता मँरे अँदे ऊबे जीऊँदें करह्, तेष्णे ही बैटा भे जेस्खे जीवन देंणाँ चहाँव तिन खे सदा का अमर-जीवन देऐ दियों।

यूहन्ना 6:38

किन्देंखे के हाँव आप्णी हिछ़या ने, परह् आप्णे डेयाल़्णों वाल़े की हिछ़या पुरी कर्णो खे स्वर्गो शा ऊँदा ऊत्री रूवा;

यूहन्ना 8:28

तबे प्रभू यीशू ऐ तिनखे बुलो, के “जबे तुँऐं आदमी का बैटा ऊगला टाँगले, तअ जाँणी पाह्ले, के ‘हाँव सेजा ही असो’; अरह् हाँव आप्णें आप किऐ ने करदा, परह् हाँव सेजो ही बुलू, जुण्जों बाबा ऐं मुँह कैई शो शिखाँऐ थो।

यूहन्ना 9:4

जिन्ऐं मुँह डेयाल़ी थुवा; तिनकी ताँईऐं आँमों खे ऐजो जरूरी असो, के आँमें देसो के सकाल़ै ही तिनके काँम-काज़ करी दियों; किन्देंखे के सेजी रात्त आँणों वाल़ी असो, जबे कुँऐ आदमी किऐ भे काँम-काज़ ने करी सक्दा।

प्रेरितो कै काम 2:24

परह् पंण्मिश्वर ऐ, तीनू मंऊँत्ती की बैद्णीं शे छुड़ोऐयों पाछू ऊँबे जियाँल़े; किन्देखे के ऐजो मुँष्किल थियों, के से मंऊँत्ती के बषं दे रंह्दे;

रोमियों 6:4

आँमें यीशू मसीया की मऊँत्ती दे नहाँण-नहाँणों शो आँमें भे तिनू आरी ईन्देंखे दाबी थुऐ, के जेशे दाँई यीशू मसीया परमं-पिता पंणमिश्वर की बड़ियाऐ वाल़ी शक्त्ति शे मरे अंदे मुझ्शे ऊबे जीऐं, तेष्णें ही आँमें भे ऐक नुवा जीवन पाऐ थुवा।

रोमियों 8:11

जे तेस्की ही आत्त्मा जिन्ऐं यीशू मरे अंदे मुँझ्शे जीऊँदे करे, से तुँओं दे बसे आँदें असो; तअ जिन्ऐं यीशू मसीया मरे अंदे मुँझ्षा जींऊँदा करा, से तुवाँरे देह्-शरीर भे आप्णी आत्त्मा के जाँणें जुण्जा तुँओं दा बसा अंदा असो, से जियाल़्दा ऐ।

1 कुरिन्थियों 15:12

ईन्देखे जबे मसीया का ऐजा प्रचार करा ज़ाँव, के मसीया मरे अंदे मुझ्शे ऊबे जीऐ, तअ तुँओं मुझ्शे कुऐं लोग कैई बुलो, के मरे अंदे मुझ्शे कुँऐं जीऊँदे ने हंदी?

2 कुरिन्थियों 4:14

किन्देंखे के आँमें जाँणों ऐ, के जिन्ऐं प्रभू यीशू जियाल़े, सेही आँमों भे प्रभू यीशू के साथी जाणियों ऊबे जियाल़्दे, अरह् तुँवारी गईलो आप्णें साम्णें हाजिर कर्दें।

2 कुरिन्थियों 5:10

किन्देंखे के जरूरी असो, के आँमों सोभी का हाल मसीया के नियाँव के सिगास्णों के साम्णें खुली ज़ाँदा, के ऐक नाँम आदमी आप्णी-आप्णी भली बुरी काँम-काज़ का बद्ल़ा, जू तिन्ऐं देह्-शरीर के जाँणें करी थुवा, तिन्दें का लेखा दियों।

इफिसियों 2:5

अरह् जबे आँमें आँप्णें अपराध दे मँरे अंदे थिऐ, तअ आँमों भे मसीया आरी ऊँबे जियाल़े गुऐ; किन्देंखे के छुट्कारा तुओं खे पंण्मिश्वर की कृपा शा ही भेंटो।

इफिसियों 3:16

के से आप्णी बड़ियाऐ के धन के मुँताबिक तुँओं खे ऐजो दाँण दियों; के तुँऐं तिनके पबित्र-आत्त्मा शे आप्णें भत्ले आछे बिचार दे शक्त्ति पाँऐयों तागतबर बंणदे ज़ाँव,

फिलिप्पियों 3:21

से आप्णी शक्त्ति के तेसी असर के मुँताबिक शे जिन्दे के जाँणें, से बादी चींजो आप्णी बंष दी करी सको; अमाँरी नाँष बाँन देह्-शरीर का रूप बद्ल़ियों, आप्णी बड़ियाऐ की देह्-शरीर के जैष्णें बंणाऐं देंदे।

फिलिप्पियों 4:13

जू मुँखे तागत दियों, तिन्दे खे हाँव सब-कुछ करी सकू।

कुलुस्सियों 1:11

तिनके बड़ियाऐं के शक्त्ति के मुँताबिक शे हर तेरह् की तागत शे बलवाँन हंदे ज़ाव, ऐथै तोड़ी के खुशी आरी हर तरेह् शे सबैर, अरह् संह्ऐनशील्ता देखाऐं सको।

कुलुस्सियों 1:16

किन्देंखे के तेसी के जाँणें बादी चींजो के रंचणाँ हऐ, स्वर्गो की, अरह् धर्ती की, देखी भाँव ना देखी, का सिगाँस्ण, अरह् का हंक-अधीकार, राजा भाँव हाकम सब-कुछ़ तिनकी ही ताँईऐं बंणाँऐं थुओ।

1 थिस्सलुनीकियों 4:14

किन्देंखे के जे आँमें बिश्वाष करह्, के प्रभू यीशू मंरे अरह् ऊबे जीऐ, तअ तेष्णे ही पंण्मिश्वर तिनू भी ऊबे जीयाल़्दे जू प्रभू यीशू गाशी बिश्वाष करियों मंरी रूऐ।

1 पतरस 3:18

किन्देंखे के मसीया ऐ भी अमाँरे पापों की ताँईऐं ऐकी बंई दु:ख भूगा, मतल्व जू बै-कसूर थिऐ, तिन्ऐं आँमों पापियों की ताँईऐं ऐकी बई मंऊँत्त कबूल करी, जू आँमों पंणमिश्वर के साम्णें नीयों, शरीर के भाव शे तअ से माँरी गुऐ, परह् पबित्र-आत्त्मा के भाव शे तिनू ऊबे जीयाल़े गुऐं।

प्रकाशितवाक्य 2:23

हाँव तिनके नहाँन्ड़िया माँरी देऊँबा; तबे बादी कलीसियाऐं जाँणी पाली, के दिल अरह् मंन का पर्ख्णो वाल़ा हाँव ही असो, अरह् हाँव तुँओं मुँझी शे ऐकी नाँमों खे तिनके काँम-काज़ के मुँताबिक बद्ल़ा देऊँबा।