यूहन्ना 5:10 - Sirmouri

¹⁰ ईन्दें गाशी यहूदी लोगे ऐं अगवाल़ ऐ तेसी चाँग्गै हुऐ अंदे आदमी खे बुलो, “ऐत्त्लो तअ बिषाँव को देस असो, कियो ऐत्त्लो बिछ़ाणाँ थाग्णाँ ठीक असो।”

सिरमौरी नौवाँ नियम

¹⁰ जैसी दूसै ऐजौ सौबै ठुँ हौ सैजौ दूसै विशांव कौ दूस थियु। इथकारिए यहूदी नेता तैसी ठीक हौएयौंदै आदमी कै बौलदै लागै, “मूसा कै कानून कै हिसाब शै ऐलो तौ विशांव कौ दूस औसौ, इथकारिए तैरौ कुटड़ौ टिपणौ ठीक ना आथी।”

यूहन्ना 5:10 ပူးပေါင်းရင်းမြစ်များ

मत्ती 12:10

तेथै ऐक आदमी थिया, जेस्का हाथ शुंका अंदा थिया। तिन्ऐ प्रभू यीशू शा ऐक सुवाल पुछा, “कियों बिषाँव के देसे चाँगा करणा ऋषी-मूसा खे भेटे गुऐ अज्ञाँ-निय्म के हिंसाब शो ठीक असो, के आथी ने?” तिनिऐं सेजा सुवाल ईन्देंखे करा, के तिनू कसूरबार बंणाऐ ज़ाँव।

मरकुस 2:24

ईन्दें गाशी यहूदी भाट-बाँम्ण ऐ प्रभू यीशू खे बुलो, “दे:खो! तुवाँरे चैले बिषाँव के देसे ऐजी टह्ल कैई करह्, जू यहूदी-निय्म के हिसाब शो ठीक ने आथी।”

मरकुस 3:4

प्रभू यीशू ऐ तिनखे बुलो, कियो रे, “बिषाँव के देसे भलो कर्णो ठीक असो, के बुरो कर्णो ठीक असो, निय्म के हिसाब शो ऐतलो पराँण जीवन बचाँणें ठीक असो, के मार्णे ठीक असो”, परह् से बादे झुणें चुप्पी रूऐ।

लूका 13:14

अरह् तेसी यहूदी च़ौत्रें का ढेमेंदार रूशी गुवा; किन्देंखे के प्रभू यीशू ऐ बिषाँव के देसे तियों तिरंऐ चाँग्गी करी, अरह् से लोगो खे बुल्दा लागा; के “छ़: देसो असो, जिन्दा काँम-काज़ कर्णी ठीक असो; ईन्देंखे ईनू ही देसो दे चाँग्गै हंदे आऐ, परह् बिशाँव के देसे चाँग्गै हंदे ने आऐ।”

लूका 23:56

अरह् तिन्ऐं पाछ़ू ज़ाऐयों खुशबू वाल़ी च़ींजो, अरह् सैंन्ट तैयार करो; अरह् बिषाँव के देसे तिन्ऐं अज्ञाँ के मुँताबिक बिषाँव करा।

लूका 6:2

तबे कंई यहूदी भाट-बाँम्ण बुल्दे लागे “तुँऐं ऐजो का करी लो, ऐष्णों बिषाँव के देसे कर्णो यहूदी निंय्म के मुँताबिक शो ठीक ने आथी?”

यूहन्ना 1:19

जबे यहूदी अगवाल़ ऐं यरूशलेम शे याजकों अरह् लेवी लोग संत्त-यूहन्ना नहाँण-कराँणों वाल़े कैई ऐजो पुछ़्दे डेयाल़े, के “तू कुँण असो?” तेने बुलो;

यूहन्ना 5:11

तेने तिनखे जबाब दिता, के “जिन्ऐं मुँह चाँग्गा करी थुवा; तिन्ऐ ही मुँखे ऐजो बुलो, के ‘आप्णा बिछ़ाँव्णा थाग, अरह् ऊडा-पुडा हाँड’।”

यूहन्ना 5:15

तबे तेने आदमी ऐ ज़ाऐयों यहूदी अगवाँल़ कैई बुलो, के जिन्ऐं मुँह चाँग्गा करा, सेजा प्रभू यीशू ही असो।

यूहन्ना 5:16

यहूदी अगवाल़े प्रभू यीशू ईन्देंखे सताँदे लागे, के से ऐष्णें काँम-काज़ बिषाँव के देसे करह् थिऐ।

यूहन्ना 7:23

जबे तुऐं बिषाँव के देसे भे टंडके का खतना करह्, के कंद्दी ऐशो ने हंईयों के ऋषी मूसा के अज्ञाँ निय्म भंग ने हों; तअ तबे तुऐं लोग ईन्देंखे कैई रोष-कुरूध करह्, के मुँऐं बिषाँव के देसे ऐक आदमी चाँग्गा-भला करा?

यूहन्ना 9:16

ईन्दे गाशी किऐ यहूदी भाट-बाँम्णें ऐं बुलो, “सेजा आदमी पंण्मिश्वर की ढबे शा ने आऐ रंई; किन्देंखे के से बिषाँव के देसो का किऐ भे पाल़्ण ने करदा।” अरह् किऐ लोगे ऐ बुलो, “तअ तबे पापी आदमी ऐष्णें चींह्न-चंम्त्तकार किऐ-किऐ देखाऐ सको?” तबे ईयों बातो लई तिनू सोभी लोगो मुँझी भेद्-भाव लई फूट पड़ी।