यूहन्ना 4:5 - Sirmouri

⁵ तबे: से सामरियों ईलाके के सूखार नाँव के नंगर दे पंह्ईचे; अरह् सेजो नंगर तियों जीम्मीं के नंजीक थियों, जुण्जी जीम्मीं याकूब ऐं आप्णें बैटे यूसुफ़ खे देऐ थंऐ थी।

सिरमौरी नौवाँ नियम

⁵ इथकारिए सै सामरिया प्रदेश दा सूखार शहर दा ओऊवा, जू तियौं जोमीनो कै धोरे औसौ, जिथै याकूबे आपणै बैटै यूसुफ खै दैय राए थै।

यूहन्ना 4:5 ပူးပေါင်းရင်းမြစ်များ

लूका 9:52

प्रभू यीशू ऐ आपु शे आगे आप्णे दूत्त भेजे। के से सामरिया के गाँव दे हुटो, अरह् तिन खे जागा तियार करह्।

यूहन्ना 4:12

तअ कियों तुँऐं अमाँरे बाबा याकूब शे भे बड़े असो? जिन्ऐं आँमों खे ऐजा कुँवाँ देऐ थुवा; से आपु, अरह् आप्णी अलादी कैई शो; अरह् आप्णें बंईच़ीं कैई शो भे ऐसी ही कुँऐं शो पाँणी पियाँव थिऐ?”

यूहन्ना 4:39

तिऐं तिरंई ऐं आप्णी ऐजी गुवाऐ-शाज़्त्त दिती, के “तिन्ऐं मुँह कैई सेजो सब-कुछ, जुण्जो किऐ मुँऐ करी थो थियो, सजो आपु बुलो”; तबे ही तियाँरी ईयों गुवाई-शाज़्त्त के कारण तेसी नंगर के रंहणों वाल़े भहित्ते सामरी लोगे, प्रभू यीशू गाशी बिश्वाष करा।

यूहन्ना 4:6

अरह् तेथै याकूब का कुँवाँ असो, अरह् जबे प्रभू यीशू बाटो पुँडे आँड्दे खह्ड़ी रूऐ थिऐ; तअ तबे से तेसी कुँऐं कैई बिषाँव कर्दे बंऐठी गुऐ, अरह् सेजा तेख्णों दुपारोंह् का बख्त्त थिया।

यूहन्ना 4:8

किन्देंखे के प्रभू यीशू के चैले तेख्णों भोजन खरदोंदे नंगर दे हुटी रूऐ थिऐ।