यूहन्ना 4:26 - Sirmouri

²⁶ प्रभू यीशू ऐ तियों खे बुलो, “मुँऐं, जेने ताँव्खे बुली लो; ‘हाँव सेजा ही’ असो।”

सिरमौरी नौवाँ नियम

²⁶ यीशुए तियौंखै बौल़ौ, “मोऐं जू ताखै बौल़ै लौ, हांव ही मसीहा औसौ।”

यूहन्ना 4:26 ပူးပေါင်းရင်းမြစ်များ

मत्ती 16:20

तबे प्रभू यीशू ऐ चैले खे सम्झाऐंयों अज्ञाँ दिती, के कोसी कैई ने बुले, के हाँव मसीया असो।

मत्ती 20:15

कियो ऐजा ठीक नियाँव आथी ने, के हाव आप्णी घंरोऊँच़ी शो जेतोड़ो देंणों चहाऊँ तेत्ती देऊँ? कियों मेरे भले काँम-काज़ कर्णो लई तुँऐं मिंषाऐं रूऐं?’

लूका 13:30

दे:खो, कुछ लोग जुण्जे सोभी शे पाछ़ू दाँई असो; तिनू सोभी शे आगु दाँई करे ज़ाले, अरह् जुण्जे सोभी शे आगु दाँई असो, तिनू सोभी शे पाछ़ू दाँई करे ज़ाले।”

यूहन्ना 13:19

ऐजी सब घट्णाँ घट्णों शो आगे ही मुँऐ तुओं कैई बुली लो, के जबे ऐजी घट्णाँ घटी ज़ाँव; तअ तुँऐं बिश्वाष करह्, के ‘हाँव मसीया असो।’

यूहन्ना 8:24

ईन्देंखे मुँऐं तुँओं खे बुलो, के तुँऐं आप्णे पापे मर्ल़े; किन्देंखे के जे तुँऐं बिश्वाष ने कर्दे, के ‘हाँव सेजा ही असो’, तअ तुँऐं आप्णे पापे आपु मर्दे।”

यूहन्ना 8:28

तबे प्रभू यीशू ऐ तिनखे बुलो, के “जबे तुँऐं आदमी का बैटा ऊगला टाँगले, तअ जाँणी पाह्ले, के ‘हाँव सेजा ही असो’; अरह् हाँव आप्णें आप किऐ ने करदा, परह् हाँव सेजो ही बुलू, जुण्जों बाबा ऐं मुँह कैई शो शिखाँऐ थो।