यूहन्ना 4:21 - Sirmouri

²¹ प्रभू यीशू ऐ तियों खे बुलो, “ओ तिरंई! मेरी बातो का बिश्वाष करह्, के सेजा बख्त आँदा लागा, जबे तुँऐं लोग ना तअ ईयों धारह् गाशी, ‘पंरम-पिता पंण्मिश्वर के आरार्धना कर्ले; अरह् ना यरूशलेम दी।’

सिरमौरी नौवाँ नियम

²¹ यीशुए तियौंखै बौल़ौ, “ओए रै बैटमाणिश, मैरी बातौ पांदी बिशवाश कौर, कै सैजा सौमय आन्दा लागै रौआ कै तुऐं ना तौ इथु धारो पांदी पिता पौरमेशवर कै आराधना कौरदै, ना यरूशलेम शहर दै।

यूहन्ना 4:21 ပူးပေါင်းရင်းမြစ်များ

मत्ती 18:20

किन्देखे के जेथै दो के च़ींन मेरे नाँव गाशी कठे हों, तेथै हाँव तिनके बिचो दा हाजिर रंऊँ।”

मत्ती 28:19

ईन्देंखे तुँऐं ज़ाओं, अरह् बादी संईसारी दे ज़ाऐयों गऐर यहूदी के लोग मेरे चैले बंणाँव; अरह् तिनको पिता, पुत्र, अरह् पबित्र-आत्त्मा के नाँव शो नहाँण-नुहाँव,

लूका 21:24

ईनू लोग तरवारी लई माँरी देईले, अरह् ईनू बाँनियों आगू सोभी देशो के लोगो मुँझ़ी नींदे; अरह् यरूशलेम नंगर गऐर यहूदियों के जाँणें घिंजणों खे पाव ज़ाँदो; जाँव तोड़ी के गऐरी यहूदी लोगो का बख्त पुरा ने हऐ ज़ाँव।

यूहन्ना 14:6

प्रभू यीशू ऐ तेस्खे जबाब दिता, “हाँव ही बाट्, सच्चाऐ अरह् जीवन असो; मेरे बीना कुँऐ भे बाबा कैई ने ज़ाँऐ सक्दा।

यूहन्ना 16:2

से तुँओं यहूदी-च़ौत्रें शे आगू गाड़्ले, सिर्फ ऐत्ती ने, परह् सेजा बख्त्त भे आऐ गुवा; जबे तुवाँरी हंत्त्या कर्णों वाल़ा, आप्णें कुँकंर्म खे पंण्मिश्वर की सेवा कर्णी संम्झला।

यूहन्ना 16:32

देखो! सेजी घड़ी आँदी लागी ने, परह् आऐ गऐ; ऐबे तुऐं बादे झुणें खिदर-बिदर हऐयों आपु ही मुँझी ऊल़्झीं ज़ाँदें; अरह् मुँह ऐक्ली छ़ुड़ी देंदे, परह् हाँब ऐक्लीं ने आथी; परह् मेरा बाबा मेरी गंईलो हंदा।

यूहन्ना 4:23

परह् सेजा बख्त आँदा लागा मतल्व आऐ रूआ, जबे साच्चै आरार्धना कर्णो वाल़े भगत्त लोग, आत्त्मा अरह् सच्चाई शी परंम-पिता की आरार्धना कर्ले; किन्देंखे के परंम-पिता पंण्मिश्वर ऐष्णें ही आरार्धना कर्णों वाल़े चहाँव।

यूहन्ना 5:25

“हाँव तुँओं खे ऐक खास बात बुलू: के सेजा बख्त्त आँदा लागा, परह् आऐ गुवा; जबे मँरे अँदे लोग पंण्मिश्वर के बैटे की धाव शुँण्ल़े; अरह् जुण्जे सेजी धाव शुँण्ले, तिनखे जीवन भेट्ला।

यूहन्ना 5:28

ईन्देंखे हराँन ने हुऐ; किन्देंखे के सेजा बख्त्त आऐ पुज़ा, के जै-तोड़े मँरे अँदे लोग खात्ती-कबर दे असो; से तिन की धाव शुँणियों खात्ती-कबर शे बाँईडे आले।

प्रेरितो कै काम 6:14

आँमें ऐसी आदमी ऐजो बुल्दे शुँणीं थुवा, के सेजा ही यीशू नासरी ईयों जागा ढाल़ी देंदा; अरह् सेजी अज्ञाँ-निय्म जुण्जी के ऋषी-मूसा खे भेटी रंऐ थी, से तियों भे बद्ल़ी देंदा; जुण्जी तिन्ऐं आँमों खे देऐ थंऐ थी।”

इफिसियों 2:18

किन्देंखे के तिन्ही के जाँणें आँमों दुन्नै डूँग ऐक पबित्र-आत्त्मा दे मीलियों स्वर्गो के परमं-पिता पंण्मिश्वर कैई पऊँची सको।

इफिसियों 3:14

हाँव ईन्दी के ताँईऐं तेसी परमं-पिता पंण्मिश्वर के साम्णें घुन्डू नुवाँऊ,

1 तीमुथियुस 2:8

ईन्देंखे हाँव ऐशो चहाऊँ, के ढीको मरोद्, बिना घीपी अरह् बिना बाद-बिबाद के आप्णें पबित्र हाथ खह्ड़े करियों प्रार्थना करिया करह्।

1 पतरस 1:17

अरह् जे तुवाँरे ऐक नाँम लोगो के कर्मों के मुताबिक बिना अप्णोंट के नियाँव कर्णो वाल़े पंणमिश्वर खे तुँऐं हे पिता करियों पुकारो, तअ ईयों धर्ती गाशी रंहणों के बख्त भऐ-डर शा आप्णा जीवन बिताव।

प्रकाशितवाक्य 21:22

तेसी नंगर दे मुँऐ किऐ भे देऊँठी ने देखी, किन्देंखे के सर्ब-शक्त्तिमाँन प्रभू पंण्मिश्वर अरह् छ़ैल़्टा तेसी नंगर की देऊँठी थी।