यूहन्ना 4:10 - Sirmouri

¹⁰ प्रभू यीशू ऐ तियों खे जबाब दिता, “जे तू पंण्मिश्वर के बरदाँन पंह्छ़याँदी, अरह् ऐजो भे जाँण्दी के ऐजा कुँण असो; ‘जेने मुँह कैई शो पाँणी माँगी लो’, तअ तू तेसी कैई शो माँगदी अरह् से ताँव्खे अमर जीवन को जल देंदा।”

सिरमौरी नौवाँ नियम

¹⁰ यीशुए जोवाब दिया, “तू ना जाणै कै पौरमेशवर ताखै का दैणौ चांव, औरौ तू ऐजौ बै ना जाणै कै कुणै तांव कैईंदु पाणी मांगै लो। जै तू जाणदी तौ तू मुं कैईंदु मांगदै औरौ हांव ताखै पाणी दैंदा जू पाणी जीवन दैंव।”

यूहन्ना 4:10 ပူးပေါင်းရင်းမြစ်များ

लूका 11:13

बुरे हंणों गाशी भे जे तुऐं आप्णे नहाँन्ड़िया खे आच्छ़ी चींजो देणी जाणों, तअ तबे कियों रे, तुवाँरा स्वर्गो का बाबा आप्णें माँगणों वाल़े खे पबित्र-आत्त्मा कैई ने देंदा?”

यूहन्ना 16:3

से ऐजा कुँकंर्म ईन्देखे कर्ले, के तिन्ऐं ना तअ बाबा जाँणीं; अरह् ना तिन्ऐं मुँह जाँणी;

यूहन्ना 17:3

अमर-जीवन ऐजा ही असो, के तुँऐं सिर्फ ऐक साच्चै पंण्मिश्वर असो; जिन्ऐं आप्णाँ बैटा यीशू मसीया जेसी तुऐं डेयाल़ी थुवा, तिनू सेजी बादी जात्ती, अरह् बादे प्राँणीं जाँणों अरह् पंह्छ़ियाँणों।

यूहन्ना 3:16

“किन्देंखे के पंण्मिश्वर ऐं संईसारी शो ऐत्रो प्यार करो, के तिन्ऐं आप्णा ऐक्लोत्ता बैटा देऐ दिता; किन्देंखे के जुण्जा कुँऐं तिनू गाशी बिश्वाष करला; से नाँष ने हों, परह् से अमर-जीवन पाँव।

यूहन्ना 4:14

परह् जुण्जा कुँऐं मेरो दितो अंदो ऐजो जल पीला, तेसी हजो कोद्दी भे च़ीष ने लागदी; अरह् जुण्जों जल हाँव तेस्खे देऊँबा, सेजो जल तेस्दो फट्वाँणी जियों फाट्लो, जुण्जो हमेशा के अमर-जीवन खे बड़्दो रंह्लो।”

यूहन्ना 6:35

प्रभू यीशू ऐ तिनखे जबाब दिता, “जीवन की रोटी हाँव असो! जुण्जा मुँह कैई आँव, तेसी कद्दी भे भूख ने लागदी; अरह् जुण्जा मुँह्दा बिश्वाष करह्, तेसी कद्दी भे च़ीष ने लागदी।

यूहन्ना 6:51

हाँव ही स्वर्गो शी ऊदी ऊत्री अंदी जीवन की रोटी असो; अरह् जुण्जा कुँऐं ऐजी रोटी खाँव; से हमेशा जीऊँदी रंह्दा, अरह् जुण्जी रोटी हाँव देऊँबा, सेजी रोटी संईसारी खे जीवन के ऐक भेंट करी अंदी मेरी देह्-शरीर असो।”

प्रेरितो कै काम 9:11

प्रभू ऐ तेस्खे बुलो, “हेभी ‘सीधी’ नाँव की गल़ी दा ज़ा; अरह् यहूदा के घरह् दा तरसुस का रंहणों वाल़ा, शाऊल का पता ला; से ऐसी बख्त्ते प्रार्थना करदा लागी रूवा।

रोमियों 8:32

जिन्ऐं आप्णा ऐकलता बैटा भे बंचाऐयों थंई ने, परह् तेसी भे अमाँरी पाप शे आँमों बंचाँणों खे बल़ीदाँण करी दिता; तअ ऐत्रों भहितों देणों गाशी भे से कियों आँमों खे सब-कुछ ऐई मुँझी देंदी ने?

1 कुरिन्थियों 1:30

परह् तेस्की ही ढबे शे तुँऐं मसीया यीशू के असो, जू पंणमिश्वर की ढबे शा आँमों खे ज्ञाँन बंणा, मतल्व धर्म, अरह् पबित्रता, अरह् मुँक्त्ति;

1 कुरिन्थियों 10:4

अरह् सभिऐं ऐक ही आत्त्मिक पाँणी पियों, किन्देंखे के से बादे झुणें तियों आत्त्मिक कऐड़ी शो नींक्ल़ो अंदो पाँणी पियों थिऐ, जुण्जी कऐड़ तिन्की गईलो-गईलो चालो थी; अरह् सेजी आत्त्मिक कऐड़ मसीया थिया।

2 कुरिन्थियों 9:15

पंण्मिश्वर का, तिनके तेसी दाँण खे जिन्दें का बखाँण ने हऐ सक्दा। धन्यबाद हों।

इफिसियों 2:8

पंण्मिश्वर की कृपा ऐ बिश्वाष के जाँणें, तुओं लोगों खे छ़ुट्कारा दिता; परह् ऐजा तुवाँरे कोसी आच्छ़े पुँन का फ़ल़ ने आथी; परह् ऐजा पंण्मिश्वर का बरदाँन असो;

इब्रानियों 6:4

किन्देंखे के जिन्ऐं ऐकी बई पंण्मिश्वर का ज्ञाँन, अरह् तिनका त्तैज-प्रकाष देखी पाया; अरह् जेने स्वर्गो के बरंदाँन का सुवाद चाखी पाया, से पबित्र-आत्त्मा का हिस्सेदार बंणी गुवा।

1 यूहन्ना 5:20

आँमें ऐजी सच्चाऐ जाँणों ऐ, के पंण्मिश्वर का बैटा आऐ, अरह् आँमों खे ऐजी संम्झ दिती जू सच्चाऐ असो, आँमें तियों जाँणों, अरह् तिन्दें अट्ल़ पाक्के मंन दे बंणें रंह्, जू सच्चाऐ असो, मतल्व तिनके बैटा मसीया प्रभू यीशू शे ही सोतिखे पंण्मिश्वर अरह् सदा-सदा का अमर-जीवन असो।

प्रकाशितवाक्य 21:6

तबे तिन्ऐ मुँखे हजो बुलो, “सब काँम-काज़ खत्त्म हऐ गुवा; हाँव, अल्फ़ा अरह् ओमेगा असो, मतल्व शुरू अरह् अंन्त्त असो। हाँव च़ीषै खे जीवन-जल के फ़ट्वाँणीं शो, ऐई मुँझ़ी पाँणीं पीयाँऊबा।

प्रकाशितवाक्य 22:17

पबित्र-आत्त्मा अरह् दुल्ह्नं ईनू दुई की ऐजी ही बिनन्त्ति असो; “आओ!” जेने शुँणीं लुओं, से भे बुलो; “आओ!” सेजा जुण्जा च़ींषा असो से भे पीयों, अरह् जुन्जा कुँऐ हिछ़ुक असो, से भे ऐई मु़ँझ़ी दाँण भेट्णों के रूप दो जीवन को जल मुँझ़्शो पीयों।

प्रकाशितवाक्य 7:17

किन्देंखे के बीच, के सिंगाँस्हणों गाशी बंईठा अंदा छ़ैल़्टा तिनका चराईया हंदा; से तिनू जीवन के जल के फटवाँणीं तोड़ी नींदा पंण्मिश्वर तिनकी आखी शे बादे आशुओं आगू घुष्दा”।