यूहन्ना 3:31 - Sirmouri

³¹ “जुण्जा स्वर्गो शा आँव, से सोभी शा बड़ा असो; अरह् जुण्जा धर्त्ती शा आँव, से धर्त्ती का असो; अरह् से धर्त्ती गाशली ही बातो बुलो; परह् जुण्जा स्वर्गो शा आँव, से सोभी शा बड़ा असो।

सिरमौरी नौवाँ नियम

³¹ “जू स्वर्ग शा आंव सै सौबिदा बौड़ा औसौ, जू धरती पौरैशौ आंव सै धरती का औसौ, औरौ सै धरती कै बातौ बौल़ौ, जू स्वर्गो पौरैशौ आंव, सै सौबिदा ऊबा औसौ।

यूहन्ना 3:31 ပူးပေါင်းရင်းမြစ်များ

मत्ती 28:18

प्रभू यीशू ऐ तिन कैई आऐयों बुलो, “स्वर्गो अरह् धर्ती का बादा हंक-अधिकार मुँखे दिया गुवा।

यूहन्ना 1:15

तिनू देखियों, संत्त-यूहन्ना ऐ ऐजी घोष्णाँ करी; के “ऐ सेजे ही असो! तिन के बारे दो मुँऐ बुलो थियों; के जुण्जा मुँह पाछ़ी आँणों वाल़ा असो, से मुँह शा महाँन असो; किन्देंखे के से मुँह शे आगे भे थिऐ।”

यूहन्ना 1:27

से सेजा ही असो, जुण्जा मुँह पाछ़ी आँणों वाल़ा असो; हाँव तअ तिनकी लात्तों कैई बंईठणों ज़ूगा भे आथी ने, अरह् ना हाँव तिनकी जूत्तै के तंष्में खोल्णों, बानणों ज़ूगा आथी।”

यूहन्ना 1:30

ऐ सेजा ही असो, जेस्के बारे दो मुँऐं बुलो थियों, के ‘ऐक मरोद् मुँह पाछी आँणों वाल़ा असो; अरह् से मुँह शा महाँन असो, किन्देंखे के ऐ मुँह शे आगे भे हाजिर थिऐ।’

यूहन्ना 3:30

ऐजो जरूरी ही असो; के से बड़्दा ज़ाँव, अरह् हाँव घट्दा ज़ाँऊँ।

यूहन्ना 6:33

पंण्मिश्वर की रोटी तअ ऐजी असो; जुण्जी स्वर्गो शी ऊँदी ऊत्रियों ईयों संईसारी खे अमर जीवन दियों।”

यूहन्ना 6:51

हाँव ही स्वर्गो शी ऊदी ऊत्री अंदी जीवन की रोटी असो; अरह् जुण्जा कुँऐं ऐजी रोटी खाँव; से हमेशा जीऊँदी रंह्दा, अरह् जुण्जी रोटी हाँव देऊँबा, सेजी रोटी संईसारी खे जीवन के ऐक भेंट करी अंदी मेरी देह्-शरीर असो।”

यूहन्ना 8:23

प्रभू यीशू ऐ तिनखे बुलो, “तुँऐं धर्त्ती के असो, अरह् हाँव स्वर्गो का असो; तुँऐं संईसारी के असो, अरह् हाँव संईसारी का आथी नें।

प्रेरितो कै काम 10:36

पंण्मिश्वर ऐं इस्राएलियों खे आप्णा आच्छ़ा शुझ़ा दिता, अरह् यीशू मसीया के जाँणें, जुण्जे सोभी के प्रभू! पंण्मिश्वर असो: तिन कैई ही शाँण्त्ति की खुषख्बरी शुँणाँणों खे दिती।

रोमियों 9:5

अमाँरे पुराँणिऐं भे ईन्हीं के असो; अरह् मसीया भी तिन्ही मुँझी पय्दा हुऐं। सेजा मसीया जू सोभी का पंणमिश्वर अरह् ज़ूगौ-ज़ूगौ तोड़ी भागोईत असो। आमीन।

इब्रानियों 9:1

तेसी आगले वाचा दे भे पंण्मिश्वर की आरार्धना अरह् संईसारीक देऊँठी के बारे दे निय्म थिऐ।

1 पतरस 3:22

प्रभू यीशू स्वर्गो दे ज़ाऐयों पंणमिश्वर के सोऐं ढबे बऐठी गुऐ; अरह् स्वर्गदूत्त अरह् अधिकारी अरह् शक्त्तिशाली तिनके बष दे करे गुऐ।

1 यूहन्ना 4:5

जुण्जे लोग संईसारी के हों, तिनकी बात-चीत्त भे संईसारी की ही हों, अरह् संईसारी भे तिनकी ही बातो दा आप्णा मंन लाँव।

प्रकाशितवाक्य 19:16

तेस्के खोट्णों अरह् बाँगणी गाशी ऐजो नाव लिखी थो: “राजाओं का राजा अरह् प्रभूओं का प्रभू।”