यूहन्ना 3:27 - Sirmouri

²⁷ तबे संत्त-यूहन्ना नहाँण-कराँणों वाल़े आप्णें चैले खे जबाब दिता, “जाँव तोड़ी आदमी खे स्वर्गो शो ने दियों ज़ाँव, ताँव-तोड़ी तेसी किऐ ने भेट्दो।

सिरमौरी नौवाँ नियम

²⁷ यूहन्नाए जोवाब दिया, “कुणजाई बै आदमी तांव तौड़ी किछै ना पाए सौकौ, जांव तौड़ी पौरमेशवर तैसी स्वर्ग शै ना दैंव।

यूहन्ना 3:27 ပူးပေါင်းရင်းမြစ်များ

मत्ती 21:25

संत्त-यूहन्ना को नहाँण कस्की ढबे शो थियों। स्वर्गो की ढबे शो, के आदमी की ढबे शो थियों?” तबे से आपु मुँझी ठाट-बाट कर्दे लागे, के “जे आँमें बुल्बे, स्वर्गो की ढबे शो”, तअ ऐ आँमों खे बुल्दा, के तबे तुँऐं कैई ने बिश्वाष करी?

मत्ती 25:15

ऐकी खे पाँच सुनें की सर्फी, अरह् ओकी खे दो सर्फी दिती, अरह् च़ीज़े खे ऐक सर्फी दिती; मतल्व ऐकीनाँम खे तिन की सामर्थ के हिसाब शी दिती, तबे आपु यात्रा दा ओकी प्रदेश खे हुटा।

मरकुस 13:34

(हाँव ईथे ऐक अनाँणों लिख्णों चहाँऊ, के आदमी के बैटे के आँवणीं केष्णी हंदे) ऐक आदमी थिया, से ओकी देशो प्रदेश खे ज़ादा लागा थिया, तबे तिन्ऐ जाँदी बई आप्णो घर छुड़ी दितो, अरह् तेथू तिन्ऐ आप्णें दास के अधीन करी दिता: अरह् ऐकी नाँम खे तेस्की टअल संम्झाऐ दिती, अरह् देऊँल़ी के जगवाल़े खे बीऊँजी रंहणों के अज्ञाँ दिती।

यूहन्ना 10:41

अरह् तेथै तिन कैई बैजाऐ लोग आँदें लागे, अरह् से ऐजो बुल्दे लागे, के “संत्त-यूहन्ना नहाँण-कराणों वाल़े ऐं, तअ किऐ भे च़ींह्न-चंम्त्तकार ने देखाई; तबे भे जुण्जो किऐ तिन्ऐ ईनके बारे दो बुलो, सेजो सब-कुँछ साच्चो असो।”

यूहन्ना 6:65

प्रभू यीशू ऐ बुलो, “ईन्देंखे मुँऐं तुँओं खे बुलो थियों, के जाँव तोड़ी कोसी खे बाबा कैई शा ऐजा बरदाँन ने भेटो, ताँव-तोड़ी कुँऐ भे मुँह कैई ने आऐ सक्दा।”

रोमियों 1:5

तिनके जाँणें आँमों कृपा अरह् प्रभू यीशू के खास-चैला बंण्णों खे मुका भेटा, के तिनके नाँव के जाँणें बादी गऐर यहूदी के लोग बिश्वाष करियों तिनकी बष दे हों,

रोमियों 12:6

जबे के तियों कृपा के मुँताबिक जू आँमों खे देऐ थंऐ, आँमों किस्म-किस्म के बर्दांण भेंटी रूऐ, तअ जेस्खे पंणमिश्वर का संन्देश देंणों का बर्दांन भेंटी रूआ, से बिश्वाष के मुँताबिक सेजा संन्देश लोगो तोड़ी पंहिचाल़ो;

1 कुरिन्थियों 1:1

हाँव पौलुस बुलू जुण्जा के पंणमिश्वर के हिछ़्या शा प्रभू यीशू मसीया का खास-चैला बण्णों खे बईदा गुवा, अरह् अमाँरे भाऐ सोस्थिनेस की ढबे शा,

1 कुरिन्थियों 12:11

परह् ऐजी बादी शक्त्ति-शाली काँम-काज़ तियों ही ऐक पबित्र-आत्त्मा शा दिया ज़ाँव, अरह् से जेस्खे जुण्जों किऐं देंणों चहाँव सेजो बाँडा-बाँडियों दियों।

1 कुरिन्थियों 15:10

परह् हाँव जू किऐ भे असो ऐ, से पंणमिश्वर की कृपा शा असो; तिनकी कृपा जू मुँह गाशी हऐ से बै-कार ने गई; परह् मुँऐं तिनू सोभी शी जादा मेंह्न्त भे करी; तबे भे मेंह्न्त कर्णो वाल़ा हाँव ने परह् पंणमिश्वर असो, जिनकी कृपा मेरी गईलो रऐ।

1 कुरिन्थियों 3:5

अपुल्लोस कुँण असो? अरह् पौलुस का असो? सिर्फ पंणमिश्वर के दास, जिनके जाँणें तुँऐं बिश्वाष करा, जैष्णी के सेवा कर्णो के जुम्मेबारी प्रभू ऐ आँमों खे दिती।

1 कुरिन्थियों 4:7

किन्देंखे के तुँओं दा अरह् ओकी दा कुँण भेद्-भाव करह्? अरह् ताँव कैई का असो, जू ताँव (ओकी कैई शो) ने भेटी रंई? अरह् जबे ताँव (ओकी कैई शो) भेटी रूओ, तअ ऐष्णी तारीफ कैई करे जैष्णों के ताँव भेटिही ने रंई?

गलातियौं 1:1

संत्त-पौलुस के जू ना आदमी के ढबे शा, अरह् ना आदमी के जाँणें, परह् यीशू मसीया अरह् परंम-पिता पंण्मिश्वर के जाँणें, जिन्ऐं तेसी मरे अंदे मुझ्षा जियाल़ा प्रभू यीशू के खास-चैला असो,

इफिसियों 1:1

इफिसुस नंगर के भगत्तों अरह् यीशू मसीया दे साच्चै बिश्वाषियों के नाँम संत्त-पौलुस के पत्री, जेसी पंण्मिश्वर की हिछ़्या शा प्रभू यीशू मसीया का खास-चैला बंणाँया गुवा:

1 तीमुथियुस 2:7

ऐसी ही मंतल्व शा मुँह च़ूणाँ-छ़ाँटा गुवा प्रचार की ताँईऐं, अरह् खाँस-चैले के रूप दा, गऐर यहूदियों खे संच्चाई की शिक्क्षा देंणों खे डेयाल़ा गुवा; मुँऐ ऐजो साच्चों बुली लुओं; ऐजों झ़ूठों ने आथी।

याकूब 1:17

बादे आछै दाँण, अरह् बादे शुद्ध बर्दांण, ऊपरोह् शे मतल्व स्वर्गो के पिता कैई शे भेंटो: जेने सर्गों के त्तैज-प्रकाष बंणाँऐं; अरह् जिदा ना किऐ बद्ल़ाव हंदा, अरह् ना किऐ साटा-बाटा हंदा।