यूहन्ना 3:26 - Sirmouri

²⁶ संत्त-यूहन्ना नहाँण-कराँणों वाल़े के चैले ऐं आप्णे गुरू संत्त-यूहन्ना कैई आऐयों बुलो, “हे रब्बी, (गुरू जी) जुण्जा आदमी यरदन शा पाईले ढबे तुँवारी गईलो थिया, अरह् जेस्के बारे दे तुँऐं गुवाऐ-शाज़्त्त देऐ थी; देखो, तेने आदमी ऐं भे ऐबे लोगों कैई शो नहाँण-कराँऐ लो; अरह् ऐबे बादे लोग तेसी ही कैई नहाँण-नहाँदे ज़ाँदे लागे।”

सिरमौरी नौवाँ नियम

²⁶ औरौ यूहन्ना कै चैलै यूहन्ना कै धोरे आयौ बौल़ौ, “ओए रै गुरुजी, जू आदमी यरदन नोंदी कै पूरब दिशा दा तैरै साथै थिया, औरौ जैसकै बारै मुंजी तुऐं आमु बौताए राए थियु कै सै कुण औसौ; दैख सै बपतिस्मा दैंव औरौ सौबै लोग तैसकै धोरे जांदै लाग रौवै।”

यूहन्ना 3:26 ပူးပေါင်းရင်းမြစ်များ

मत्ती 23:7

नंगर के चराऐं दे लोगों के जाँणें आदर-ईज्जत अरह् गुरू जी शुण्णों ईनू आछ़ो लागो।

मत्ती 23:8

परह् तुँऐं आपु खे गुरू ने बणें, किन्देखे के तुवाँरा गुरू सिर्फ ऐक ही असो, अरह् तुँऐं बादे आपु मुँजी भाऐ ही भाऐ असो।

यूहन्ना 1:15

तिनू देखियों, संत्त-यूहन्ना ऐ ऐजी घोष्णाँ करी; के “ऐ सेजे ही असो! तिन के बारे दो मुँऐ बुलो थियों; के जुण्जा मुँह पाछ़ी आँणों वाल़ा असो, से मुँह शा महाँन असो; किन्देंखे के से मुँह शे आगे भे थिऐ।”

यूहन्ना 1:7

सेजा संत्त-यूहन्ना नहाँण-कराँणों वाल़ा ईन्देंखे डेयाल़ा गुवा, के बादे लोग ज्योत्ति-प्रकाष देखों; अरह् तियों ज्योत्ति-प्रकाष के गुवाह्-शाज़्त्त बंणों, अरह् तेस्के कारण ज्योंत्ति-प्रकाष दा बिश्वाष करह्।

यूहन्ना 1:9

सेजी साच्ची ज्योत्ति-प्रकाष, ऐक नाँम आदमी प्रकाषित्त-माँन करी दियों; सेजी ही ज्योत्ति-प्रकाष संईसारी दी आँणों वाल़ी थी।

यूहन्ना 11:48

जे आँमें तेसी आदमी ऐष्णों ही कर्दे रंहणों देंऊँबे, तअ बादे लोग ऐस्दा बिश्वाष कर्दे; अरह् रोमन लोग आऐयों अमाँरी देऊँठी अरह् अमाँरे हंक-अधिकार, अरह् अमाँरी जात्ति अरह् बादो राज्य आमों कैई शो दड़ियों आगु कर्दे।”

यूहन्ना 12:19

ऐजो सब देखियों यहूदी भाट-बाँम्ण आपु मुँझी ओका ओकी खे बुल्दें लागे, “तुऐ किऐ भे करी ने सक्दे; देखो बादी संईसारी ऐसी पाछ़ी चाल पड़ी।”

यूहन्ना 3:2

से रात्ती के बख्ते प्रभू यीशू कैई आया, अरह् तेने बुलो, “हे रब्बी (हे गुरू जी!) आँमें जाँणों ऐ; के तुँऐं पंण्मिश्वर के बंणाँऐ अंदे गुरू असो! किन्देंखे के तुऐं जुण्जे भे चींह्न-चम्त्तकार देखाँव, तिनू कोऐं भे आदमी ताँव तोड़ी ने देखाऐ सक्दा; जाँव तोड़ी के पंण्मिश्वर तेस्की गंईलो ने हों।”

यूहन्ना 4:1

जबे यहूदी भाट्-बाम्णों कैई ऐजा पता लागा, के प्रभू यीशू संत्त-यूहन्ना नहाँण-कराँणों वाल़े शे जादा चैले बणाँव; अरह् तिन कैई शो नहाँण-कराँव,

यूहन्ना 4:2

मतल्व प्रभू यीशू आपु ने, परह् तिनके चैले नहाँण-कराँव थिऐ,

यूहन्ना 4:31

तबे चैले ऐं तेख्णीं प्रभू यीशू शी बिनती करी, के “हे रंब्बी! हे गुरू जी! तुऐं भे किऐ खाऐ करह्।”

यूहन्ना 5:33

तुँऐं संत्त-यूहन्ना नहाँण-कराँणों वाल़े कैई आप्णें लोग डेयाल़े, अरह् संत्त-यूहन्ना ऐं साच्चीं गुवाऐ-शाज़्त्त दिती।