यूहन्ना 3:2 - Sirmouri

² से रात्ती के बख्ते प्रभू यीशू कैई आया, अरह् तेने बुलो, “हे रब्बी (हे गुरू जी!) आँमें जाँणों ऐ; के तुँऐं पंण्मिश्वर के बंणाँऐ अंदे गुरू असो! किन्देंखे के तुऐं जुण्जे भे चींह्न-चम्त्तकार देखाँव, तिनू कोऐं भे आदमी ताँव तोड़ी ने देखाऐ सक्दा; जाँव तोड़ी के पंण्मिश्वर तेस्की गंईलो ने हों।”

सिरमौरी नौवाँ नियम

² तैणै रातै यीशु कै धोरे आयौ बौल़ौ, “ओए रै गुरुजी, आमै जाणुए कै पौरमेशवरे ताखै आमु शिखाणौ कारिए छाड़ै राए, जिथुकै कुणिए बै इनु निशान या चौमत्कारो खै जू तू दिखाए, जै पौरमेशवर तैसकै साथै नी हौंव, तौ दिखाए ना सौकौ।”

यूहन्ना 3:2 ပူးပေါင်းရင်းမြစ်များ

मत्ती 22:16

तबे तिन्ऐ आप्णे चैले हेरोदियों दल़ के लोगों की गईलो प्रभू यीशू कैई ऐजो बुल्णों खे डियाल़े, के “हे गुरू जी! आँमें जाणोंऐं के तुँऐं साचे असो, अरह् पंणमिश्वर की राज्य की शिक्क्षा पुरी सचाई शी शिखाव, अरह् तुओं दा किऐ भेद्-भाव ने आथी, अरह् तुँऐं कोसी आदमी के जरकावें दे ने आँदे।

मत्ती 23:7

नंगर के चराऐं दे लोगों के जाँणें आदर-ईज्जत अरह् गुरू जी शुण्णों ईनू आछ़ो लागो।

मत्ती 23:8

परह् तुँऐं आपु खे गुरू ने बणें, किन्देखे के तुवाँरा गुरू सिर्फ ऐक ही असो, अरह् तुँऐं बादे आपु मुँजी भाऐ ही भाऐ असो।

मरकुस 12:14

तिन्ऐ आऐयो प्रभू यीशू मसीया शा ऐजा सुवाल पुछ़ा, “हे गुरू जी! ऐजा तअ आँमों कैई पता ऐ के तुऐं ऐक साचे आदमी असो; तुओं कोसी की जरूरत ने आथी, अरह् तुऐं कोसी दा भेद्-भाव ने करी सक्दे, अरह् तुऐं पंणमिश्वर के शिक्क्षा सचाई शी दियों, तअ तुऐं आँमों कैई ऐजो बुलो, के आँमों केसर खे कंण-माँम्ला देणा, यहूदी-निय्म के हिसाब शा ठीक असो, के ठीक आथी ने।

यूहन्ना 1:38

प्रभू यीशू ऐ तिनू आपु पाछी आँदे देखियों पूछ़ो, “तुँऐं का चहाँव?” तिन्ऐ बुलो, “हे रब्बी मतल्व (हे गुरू जी) तुँऐं केथै रंह्?”

यूहन्ना 10:38

जे मुँऐ ऐजे काँम-काँज़ करी लुऐ, तअ तुऐ भाँव मुँह्दा बिश्वाष भी ने करह्; तबे भे ईनू भले काँम-काज़ दा तअ बिश्वाष करह्, जिन्दें लई तुँऐ ऐजो जाँणीं पाव, अरह् संहम्झी पाव; के बाबा मुँह्दा असो, अरह् हाँव बाबा दा असो।”

यूहन्ना 12:37

प्रभू यीशू ऐ तिनके सहाँम्णें ऐत्रें चींह्न-चंम्त्तकार देखाऐ, तबे भे तिन्ऐ तिन गाशी बिश्वाष ने करी;

यूहन्ना 14:10

कियो तुऐ बिश्वाष कर्दे ने, के हाँव बाबा दा असो, अरह् बाबा मुँह्दा बसा अंदा असो? जुण्जे बचन हाँव तुँओं कैई बुलू, सेजे बचन हाँव आप्णी तरफ शे ने बुल्दा; परह् बाबा मुँह्दा बंसा अंदा असो; अरह् से मेरे जाँणें ही आप्णा काँम-काज़ पुरा करह्।

यूहन्ना 15:24

जे हाँव तिनके बीच दे सेजे काँम-काज़ ने करदा, जुण्जें कुँऐ ओका ने करी सक्दा; तअ से दोषी-कसूरबार ने बंण्दे थिऐ; परह् ऐबे तिन्ऐं मुँह देखी थुवा, अरह् तिन्ऐ मुँह अरह् बाबा दुईं आरी बंईर करी थुओं।

यूहन्ना 2:11

प्रभू यीशू ऐ गलील के काना नंगर दा ऐजा आगला ही चींह्न-चंम्त्तकार देखाऐयों आप्णी बड़ियाऐ पर्गट करी। अरह् तिनके चैले ऐ तिन गाशी बिश्वाष करा।

यूहन्ना 20:16

ईन्दें गाशी प्रभू यीशू ऐ तियों खे बुलो, “मरियम!” तिऐं पाछू फ़ीरियों तिनखे इब्रानी भाषा दो बुलो, “रब्बूनी!” मतल्व “हे गुरू जी”।

यूहन्ना 3:26

संत्त-यूहन्ना नहाँण-कराँणों वाल़े के चैले ऐं आप्णे गुरू संत्त-यूहन्ना कैई आऐयों बुलो, “हे रब्बी, (गुरू जी) जुण्जा आदमी यरदन शा पाईले ढबे तुँवारी गईलो थिया, अरह् जेस्के बारे दे तुँऐं गुवाऐ-शाज़्त्त देऐ थी; देखो, तेने आदमी ऐं भे ऐबे लोगों कैई शो नहाँण-कराँऐ लो; अरह् ऐबे बादे लोग तेसी ही कैई नहाँण-नहाँदे ज़ाँदे लागे।”

यूहन्ना 4:31

तबे चैले ऐं तेख्णीं प्रभू यीशू शी बिनती करी, के “हे रंब्बी! हे गुरू जी! तुऐं भे किऐ खाऐ करह्।”

यूहन्ना 5:36

परह् मुँह कैई जुण्जी गुवाऐ-शाज़्त्त असो, सेजी गुवाऐ-शाज़्त्त संत्त-यूहन्ना की गुवाई-शाज़्त शी भे बड़ी असो: किन्देंखे के जुण्जे काँम-काज़ बाबा ऐं मुँह कैई पुरे कर्णों खे देऐ थुऐ थिऐ; सेजे ही काँम-काज़ मेरे बारे दी गुवाऐ-शाज़्त्त दियों, के मुँह बाबा ऐं डेयाल़ी थुवा।

यूहन्ना 6:2

अरह् ऐक लोगो के बैजाऐ बड़ी बै-शुमाँर भीड़ तिनू पाछ़ी चाली, किन्देंखे के जुण्जे चींह्न-चंम्त्तकार प्रभू यीशू रोगी-बीमाँर चाँग्गै करियों देखाँव थिऐ; से तिन्दें देख्दे आँव थिऐ।

यूहन्ना 7:31

तबे भे लोगो की भीड़ मुँझ्शा बैजाऐ लोगे ऐं प्रभू यीशू गाशी बिश्वाष करा; अरह् से आपु मुँझी बुल्दे लागे, के जबे “मसीया आले, तअ कियों से ऐसी आदमी शे भे जादा चींह्न-चंम्त्तकार देखाँदे?”

यूहन्ना 9:16

ईन्दे गाशी किऐ यहूदी भाट-बाँम्णें ऐं बुलो, “सेजा आदमी पंण्मिश्वर की ढबे शा ने आऐ रंई; किन्देंखे के से बिषाँव के देसो का किऐ भे पाल़्ण ने करदा।” अरह् किऐ लोगे ऐ बुलो, “तअ तबे पापी आदमी ऐष्णें चींह्न-चंम्त्तकार किऐ-किऐ देखाऐ सको?” तबे ईयों बातो लई तिनू सोभी लोगो मुँझी भेद्-भाव लई फूट पड़ी।

प्रेरितो कै काम 10:38

पंण्मिश्वर ऐ तिनू ही नाँसरत गाँव के यीशू पबित्र-आत्त्मा अरह् शक्त्ति शे अभिषिक्त्त करे गुऐ; अरह् से घूम्मी-फीरियों भलाई कर्दे रूऐ; अरह् शैतान के सताँऐ अंदे लोग चाँग्गै करदा रूऐ; किन्देंखे के पंण्मिश्वर तिनकी गईलो आपु थिऐ।

प्रेरितो कै काम 2:22

“हे इस्राएली भाऐ-बंईणों! मेरी ऐजी बातो सुई करियों शुँणों: तुऐं लोग आपु भे जाँणों ऐं; के पंण्मिश्वर ऐं नाँसरत गाँव के यीशू के जाँणें; तुँओं लोगों के बीच दे केत्रै शक्त्ति-शाली, अरह् हरानी कर्णों वाल़े च़ींह्न-चंम्त्तकार देखाऐ थुऐ थिऐ; ईन्दें लई ऐजो साबित्त हऐ ज़ाँव, के नाँसरत गाँव के सेजे यीशू पंण्मिश्वर के ढबे शे ही तुँओं लोगों कैई डेयाल़े थुऐ थिऐ।

फिलिप्पियों 1:14

अरह् प्रभू दी जुण्जे भाऐ-बंईणों असो, तिन मुँझ्शे जादा लोग मेरे कय्द हंणो के कारण हिमम्त्त करियों पंण्मिश्वर का बचन बै-धड़क शुँणाँणों खे बैगेही हिमम्त्त करह्।