यूहन्ना 3:17 - Sirmouri

¹⁷ पंण्मिश्वर ऐं आप्णा बैटा संईसारी दा ईन्देंखे ने डेयाल़ी, के से संईसारी खे सजा की अज्ञाँ दियों; परह् तेसी ईन्देंखे डेयाल़ा के संईसारी तेस्के कारण छुट्कारा-मुँक्त्ति पाँव।

सिरमौरी नौवाँ नियम

¹⁷ जिथुकै पौरमेशवरे दुनिया कै लोगौ खै सौजा दैणौ कारिए आपणै बैटै कै दुनिया दा ना छाड़ी, पौरौ इथकारिए कै दुनिया कै लोग तैसकै दवारा मोक्ति पांव।

यूहन्ना 3:17 ပူးပေါင်းရင်းမြစ်များ

मत्ती 1:23

“दे:खो, ऐक कुवाँरी-कंन्याँ पेट्भारी हंदी, अरह् तियाँरे ऐक बैटा पय्दा हंदा, अरह् तेस्को नाँव इम्मानुएल थुओं ज़ाँदो”, जिन्दें का मतल्व असो-पंणमिश्वर आँमों आरी असो।

मत्ती 18:10

“ख्याल थुऐ, के तुँऐं ईनू छुटे मुँझ्षा कोसी भे छुटा छ़ूत्त जाँणियों ने दे:खो; हाव तुँओं खे बुल्णों चहाँऊ, के स्वर्गो दे ईनके स्वर्गदूत्त मेरे स्वर्गो के पिता को मुँह हमेशा दे:खो।”

मत्ती 18:11

(किन्देखे के आदमी का बैटा पाऐं अंदे बंचाँदा ही आऐ रूवा।)

लूका 19:10

किन्देंखे के आदमी का बैटा पाऐ अंदें जूँह्दा, अरह् तिनू बंचाँदा आऐ रूवा।”

लूका 9:56

अरह् तबे से कोसी ओकी गाँव दे हुटे।

यूहन्ना 1:29

दुज़ै देसे संत्त-यूहन्ना नहाँण-कराँणों वाल़े ऐ प्रभू यीशू आप्णे ढबे आँदे देखियों बुलो, “देखो, ऐजा पंण्मिश्वर का छैल़्टा असो; जुण्जा संईसारी के पाप टीपियों नींह्दा।

यूहन्ना 10:36

तअ जेसी पंण्मिश्वर ऐं, पबित्र बंणाँऐयों; ईयों संईसारी दा डेयाल़ी थुवा: ‘तेस्खें तुऐ लोग पंण्मिश्वर की निदया कर्णो वाल़ा बुलो,’ से सिर्फ ईन्देंखे के मुँऐं ऐजो बुलो; के ‘हाँव पंण्मिश्वर का बैटा असो?’

यूहन्ना 11:42

हाँव जाँणू थिया, के तू सदा मेरी प्रार्थना शुँणें। परह् मुँऐं ऊडे-पुडे खह्ड़े हुऐं अंदे आदमी के कारण ऐष्णों बुली लो; जिन्दें लई ऐ बिश्वाष करह्, के तुँऐं ही मुँह डेयाल़ी थुवा।”

यूहन्ना 17:18

जेष्णाँ तुँऐं मुँह संईसारी दा डेयाल़ा थिया, तेष्णें ही मुँऐ भे ईनू संईसारी दे डेयाल़ी थुऐ;

यूहन्ना 17:21

हे बाबा! ऐजे बादे झुणें ऐक हों; जेष्णें तुऐं मुँह्दे, अरह् हाँव तुओं दा; तेष्णें ही ऐ बादे झुणें, आँमों आरी ऐक हों; जिन्दें लंई ऐजी संईसारी बिश्वाष करह्, के मुँह डेयाल़्णों वाल़े तुँऐं ही असो।

यूहन्ना 17:23

तुऐं मुँह्दे, अरह् हाँव तिनदा, जू से पुरे ढंग शे ऐक हंऐ ज़ाँव; जिन्दें लई ईयों संईसारी दो ऐजो साफ़ हंऐ ज़ाँव, के तुऐं ही मुँह डेयाल़ी थुवा थिया; अरह् तुऐं ईनू आरी भे तेष्णों ही प्यार करह्, जेष्णों प्यार तुऐं मुँह आरी करह्।

यूहन्ना 17:25

“हे धरंमाँत्त्मा, नियाँव कर्णो वाल़ा बाबा! ईऐ संईसारी ऐ तअ तुओं जाँणीं ने, परह् हाँव तुओं जाँणू ऐ; अरह् तिन्ऐ ऐजो जाँणीं पाव, के तुऐं ही मुँह डेयाल़ी थुवा।

यूहन्ना 17:3

अमर-जीवन ऐजा ही असो, के तुँऐं सिर्फ ऐक साच्चै पंण्मिश्वर असो; जिन्ऐं आप्णाँ बैटा यीशू मसीया जेसी तुऐं डेयाल़ी थुवा, तिनू सेजी बादी जात्ती, अरह् बादे प्राँणीं जाँणों अरह् पंह्छ़ियाँणों।

यूहन्ना 17:8

किन्देंखे के तुओं कैई शी भेंटी अंदी, अज्ञाँऐं मुँऐं तिनखे देऐ थंई; अरह् तिन्ऐ सेजी अज्ञाँ धारण करी थई, अरह् खास करियों ऐजो भे सोत्तिखे जाँणीं पाव; के हाँव तुंओं कैई शा आऐ रूवा, अरह् तिन्ऐं ऐजा भे बिश्वाष करी थुवा; के तुऐं ही मुँह डेयाल़्णों वाल़े असो।

यूहन्ना 20:21

प्रभू यीशू ऐ तिनखे हजो बुलो, “तुँओं खे शाँण्त्ति भेंटो! जेष्णाँ बाबा ऐं मुँह डेयाल़ी थुवा; तेष्णें ही हाँव तुँओं भे डेयाल़ू।”

यूहन्ना 3:34

किन्देंखे के जेसी पंण्मिश्वर ऐ डेयाल़ी थुवा, से पंण्मिश्वर की ही बातो बुलो; किन्देंखे के पंण्मिश्वर आत्त्मा नाँपी-तोलियों ने देंदे।

यूहन्ना 5:36

परह् मुँह कैई जुण्जी गुवाऐ-शाज़्त्त असो, सेजी गुवाऐ-शाज़्त्त संत्त-यूहन्ना की गुवाई-शाज़्त शी भे बड़ी असो: किन्देंखे के जुण्जे काँम-काज़ बाबा ऐं मुँह कैई पुरे कर्णों खे देऐ थुऐ थिऐ; सेजे ही काँम-काज़ मेरे बारे दी गुवाऐ-शाज़्त्त दियों, के मुँह बाबा ऐं डेयाल़ी थुवा।

यूहन्ना 5:38

तिनका बचन तुवाँरे सासो दा पाक्का ने बऐठी सकी, किन्देंखे के तुऐ तेसी गाशी बिश्वाष ने कर्दे, जेसी तिन्ऐं डेयाल़ी थुवा थिया।

यूहन्ना 5:45

ऐजा बिचार आप्णें मंन शा नींकाल़ी दियों, के हाँव बाबा के सहाँम्णें तुओं लोगो गाशी किऐ दोष-ईल़्जाँम लाऊँबा; किन्देंखे के तुओं गाशी दोष-ईल़्जाँम लाणों वाल़ा तअ कुँऐ ओका असो, मतल्व ऋषी मूसा जेस्दा तुऐ बिश्वाष करह्।

यूहन्ना 6:29

प्रभू यीशू ऐ जबाब दिता, “पंण्मिश्वर के काँम-काज़ ऐजे असो; के जेसी तिन्ऐं डेयाल़ी थुवा, तेस्दा ही बिश्वाष करह्।”

यूहन्ना 6:38

किन्देंखे के हाँव आप्णी हिछ़या ने, परह् आप्णे डेयाल़्णों वाल़े की हिछ़या पुरी कर्णो खे स्वर्गो शा ऊँदा ऊत्री रूवा;

यूहन्ना 6:40

किन्देंखे के मेरे बाबा के हिछ़या ऐजी असो, के जुण्जा बैटा देखो अरह् तेस्दा बिश्वाष करह्, तेसी अमर-जीवन भेंट्दा; अरह् हाँव तेसी आखरी के देसे हजो जीऊँदा करी देऊँबा।”

यूहन्ना 6:57

जेष्णाँ जीऊँदे बाबा ऐं मुँह डेयाल़ी थुवा, अरह् मुँह बाबा कैई शा जीवन भेटी रूवा, तेष्णा ही जुण्जा मुँह खाँव तेसी भे मुँह कैई शा जीवन भेट्ला।

यूहन्ना 7:29

हाँव तिनू जाँणु ऐ, किन्देखे के हाँव तिनका ही असो; अरह् मुँह तिन्ऐं ही डेयाल़ी थुवा।”

यूहन्ना 8:11

तिऐं तिरंई ऐं जबाब दिता, “हे प्रभू! कुँणिऐं भी ने”, प्रभू यीशू ऐ तियों खे बुलो, “हाँव भे ताँव्खे किऐ सजा की अज्ञाँ ने देंदा; अरह् ऐबे हजो पाप ने करे।”)

यूहन्ना 8:42

प्रभू यीशू ऐ तिनखे बुलो, “जे पंण्मिश्वर तुवाँरा बाबा हंदा; तअ तुऐं मुँह आरी प्यार कर्दे, किन्देंखे के हाँव पंण्मिश्वर शा पय्दा हऐ रूवा; हाँव आप्णी हिछ़़या शा ने, परह् पंण्मिश्वर ऐ मुँह डेयाल़ी थुवा।

1 यूहन्ना 2:2

अरह् से ही अमाँरे पापो खे ऐक बल़ीदाँण असो, सिर्फ आँमों खे ही ने; परह् बादी संईसारी के पापो खे।

1 यूहन्ना 4:14

आँमें ऐजो दे:खी थो, अरह् ईन्दें के गुवाऐ-शाज़्त भे असो, के पिता ऐ बैटा ईन्देंखे संईसारी दे छुट्कारे मंतल्व मुँक्त्ति देंदे डियाल़ी थुऐ थिऐ।