यूहन्ना 3:15 - Sirmouri

¹⁵ किन्देंखे के ऐक नाँम आदमी तिन्दा बिश्वाष करह्; अरह् तिनू अमर-जीवन भेंटो।

सिरमौरी नौवाँ नियम

¹⁵ ताकि जू कुणिए मुं पांदी बिशवाश कौरौ सै सौदा कै जिन्दगी पांव।”

यूहन्ना 3:15 ပူးပေါင်းရင်းမြစ်များ

मत्ती 18:10

“ख्याल थुऐ, के तुँऐं ईनू छुटे मुँझ्षा कोसी भे छुटा छ़ूत्त जाँणियों ने दे:खो; हाव तुँओं खे बुल्णों चहाँऊ, के स्वर्गो दे ईनके स्वर्गदूत्त मेरे स्वर्गो के पिता को मुँह हमेशा दे:खो।”

मत्ती 25:46

ऐजे बादे हमेशा की सजा ज़ूगै असो, परह् धर्मी लोग अमर-जीवन दे दाखिल हंदे।”

मरकुस 16:16

अरह् जुण्जे बिश्वाष कर्ले, अरह् नहाँण-नहाँले से मुँक्त्त हंऐयों बंची ज़ाले, परह् जुण्जे बिश्वाष ने कर्ले, से दागी अरह् तिनखे सजा भेटली।

लूका 19:10

किन्देंखे के आदमी का बैटा पाऐ अंदें जूँह्दा, अरह् तिनू बंचाँदा आऐ रूवा।”

यूहन्ना 1:12

परह् जै-तोड़े लोगे ऐं तिनू धारण करे, मतल्व तिन के नाँव दा बिश्वाष करा; तिनू सोभी लोगों खे तिन्ऐ पंण्मिश्वर के अलाद बंण्णों का हंक-अधिकार दिता।

यूहन्ना 16:33

मुँऐं तुओं कैई ऐजो सब-कुछ़ ईन्देंखे बुलो, के तुँओं शाँण्त्ति भेटो; किन्देंखे के संईसारी दे तुओं खे सिर्फ दु:ख्ह अरह् कल़ेष असो; परह् आँनन्दित्त खुशी हुऐ, के मुँह संईसारी गाशी जींत्त भेंटी रंऐ।”

यूहन्ना 20:31

परह् ईन्दें का बखाँण ईन्देंखे दिया गुवा, जिन्दें लंई तुऐं बिश्वाष करह्; के यीशू ही पंण्मिश्वर का बैटा मसीया असो; अरह् आप्णें ऐसी ही बिश्वाष के कारण तिनके नाँव शा अमर-जीवन पाँव।

यूहन्ना 3:16

“किन्देंखे के पंण्मिश्वर ऐं संईसारी शो ऐत्रो प्यार करो, के तिन्ऐं आप्णा ऐक्लोत्ता बैटा देऐ दिता; किन्देंखे के जुण्जा कुँऐं तिनू गाशी बिश्वाष करला; से नाँष ने हों, परह् से अमर-जीवन पाँव।

यूहन्ना 3:36

जुण्जा कुँऐ बैटे गाशी बिश्वाष करला, अमर-जीवन तेस्का असो; परह् जुण्जा कुँऐं बैटे गाशी बिश्वाष कंरदा भाजी ज़ाँव, तेसी अमर-जीवन ने भेंट्दी; परह् पंण्मिश्वर का रोंष तेसी गाशी बंणाँ अंदा रंह्दा।”

यूहन्ना 5:24

हाँव तुँओं खे ऐक खास बात बुलू, के जुण्जा कुँऐं मेरे बचन शुँण्ला, अरह् जिन्ऐं मुँह डेयाल़ी थुवा, तिन गाशी से बिश्वाष करला, तअ सदा का अमर-जीवन तेस्खे भेट्दा, अरह् तेस्खे सजा की अज्ञाँ ने देंईदी, परह् से मऊँत्ती गाशी जीत्त पाँऐयों, अमर-जीवन दा दाखिल हऐ ज़ाँदा।

यूहन्ना 6:27

नाँष बाँन भोजन खे ने, परह् तेसी भोजन खे मेंह्नत्त करह्, जुण्जा सदा खे अमर-जीवन तोड़ी रंह्; जुण्जा जीवन आदमी का बैटा तुओं खे देला, किन्देंखे के बाबा, मतल्व परंम-पिता पंण्मिश्वर ऐं आप्णी ही हिछ़या आरी, सिर्फ तेस्खे ही सेजा हंक-अधिकार देऐ थुवा।”

यूहन्ना 6:40

किन्देंखे के मेरे बाबा के हिछ़या ऐजी असो, के जुण्जा बैटा देखो अरह् तेस्दा बिश्वाष करह्, तेसी अमर-जीवन भेंट्दा; अरह् हाँव तेसी आखरी के देसे हजो जीऊँदा करी देऊँबा।”

यूहन्ना 6:47

हाँव तुँओं खे खास बात बुलू: जुण्जा बिश्वाष करह्; तेसी ही अमर-जीवन भेट्दा।

प्रेरितो कै काम 13:41

ओ, नींदया कर्णो वाल़े! देखो, अरह् हरान हो; अरह् दूर्के हुटो! किन्देंखे के हाँव ईनू देसो दे सेजे काँम-काज़ पुरे कर्णो वाल़ा असो; जिन्दें के बारे दो जे कुँऐ तुओं कैई बुल्दा, तअ तुऐं तिन्दें गाशी कंद्दी भे बिश्वाष ने कर्दे।”

प्रेरितो कै काम 8:36

जबे यात्रा कर्दे-कर्दे बाटो पुडे से चाल्दे-चाल्दे कोसी पाँणी वाल़ी जागा दे पंह्ईचे। तअ तबे तेने खोजे़ ऐ बुलो, “ईथै पाँणी असो, अरह् ऐबे मेरे नहाँण-नहाँणों दे का रूकावट असो?”

रोमियों 5:21

ऐशे दाँई पाप मऊँती के जाँणें राज्य करदा रूवा, परह् अमाँरे प्रभू यीशू मसीया के जाँणें, आँमों पंणमिश्वर की नंजरी दे बै-कसूर बंणाँऐंयों आप्णा राज्य की शुरूवात करले अरह् आँमों अमर-जीवन तोड़ी नींले।

1 कुरिन्थियों 1:18

किन्देंखे के मसीया के शुँल़ी-फ़ाँशी के बल़ी-कुरबाँणीं की खबर नष्ट हंणों वाल़े लोग बैकार जाँणों, परह् आँमों मुँक्त्ति पाणों वाल़े खे पंणमिश्वर के शक्त्ति असो।

2 कुरिन्थियों 4:3

परह् जे अमाँरी खुषख्बरी दा पड़्दा असो, तअ ऐ नाँष हंणों वाल़े खे ही पड़ी रूआ।

गलातियौं 2:16

तबे भे ऐजो जाँणी पाव, के आदमी यहूदियों के ज्ञाँन-निय्म की काँम-काज़ शे ने; परह् सिर्फ यीशू मसीया गाशी बिश्वाष कर्णो शा पंण्मिश्वर के सहाम्णें धर्मी बंणों। आँमें आपु भे मसीया यीशू गाशी बिश्वाष करा, परह् आँमें यहूदी लोगो के ज्ञाँन-निय्म के पाल़्ण कर्णो शे ने, परह् सिर्फ यीशू मसीया गाशी बिश्वाष कर्णो शे पंण्मिश्वर के सहाम्णें धर्मी बंणें। ईन्देंखे के यहूदियों के अज्ञाँ-निय्म का पाल़्ण कर्णो लऐ कुँऐं भे प्राँणी धर्मी ने बंण्दा।

गलातियौं 2:20

किन्देंखे के मुँह मसीया की गईलो शुँल़ी-फ़ाँशी चड़ाया गुआ, परह् ऐबे हाँव जीऊँदी ने आथी, परह् मसीया मुँह्दें जीऊँदी असो; अरह् हाँव देह्-शरीर दा ऐबे जू जीऊँदा असो, तअ सिर्फ तेसी बिश्वाष दा जीऊँदा असो; जू पंण्मिश्वर के बैटे गाशी असो, जिन्ऐं मुँह शो पियार करह्; अरह् मेरी ताँईऐं आप्णी जीयाँन दिती।

इब्रानियों 10:39

आँमें तिनू लोगो मुँझ़्शे ने आथी, जुण्जे पाछ़ू फीरियों नाँष हंऐ ज़ाँव; परह् आँमें तिनू लोगों मुँझ़्शे असो, जिनखे आप्णें बिश्वाष के कारण जीवन भेंटो।

इब्रानियों 7:25

ईन्देंखे जुण्जे तिनके कारण पंण्मिश्वर कैई आँऐ, से तिनखे पुरा-पुरा छ़ुट्कारा देऐ संको; किन्देंखे के से तिनकी ताँईऐं बिन्त्ती कर्दे सदा खे जीऊँदी असो।

1 यूहन्ना 2:25

सदा-सदा का अमर-जीवन का बाय्दा भे तिनके ही जाँणें आँमों आरी करा गुवा थिया।

1 यूहन्ना 5:1

जैस्का ऐजा बिश्वाष असो, के प्रभू यीशू ही मसीया असो, तअ सेजा पंण्मिश्वर की अलाद असो; अरह् जुण्जा कुँऐं आप्णें परमं-पिता पंण्मिश्वर शो पियार करह्, तअ से तैस्की अलादी आरी भे पियार करह्।

1 यूहन्ना 5:20

आँमें ऐजी सच्चाऐ जाँणों ऐ, के पंण्मिश्वर का बैटा आऐ, अरह् आँमों खे ऐजी संम्झ दिती जू सच्चाऐ असो, आँमें तियों जाँणों, अरह् तिन्दें अट्ल़ पाक्के मंन दे बंणें रंह्, जू सच्चाऐ असो, मतल्व तिनके बैटा मसीया प्रभू यीशू शे ही सोतिखे पंण्मिश्वर अरह् सदा-सदा का अमर-जीवन असो।