यूहन्ना 3:11 - Sirmouri

¹¹ हाँव ताँव्खे ऐक खास बात बुलू: के आँमें जुण्जो जाँणों ऐ सेजो ही बुलो; अरह् आँमें जुण्जो देखी थो, तिन्दे के ही आँमें गुवाऐ-शाज़्त्त दियों; परह् तुँऐं लोग अमाँरी गुवाऐ-शाज़्त्त माँन्दे ने।

सिरमौरी नौवाँ नियम

¹¹ हांव ताखै साचौ-साचौ बुलू, कै आमै जू जाणुए, सैजौ बुलू, औरौ जैसी आमै दैखी राए तैसकी गवाही दियु, औरौ तुऐं अमारै बौलेयौंदी बातौ पांदी बिशवाश ना कौरदै।

यूहन्ना 3:11 ပူးပေါင်းရင်းမြစ်များ

मत्ती 11:27

“मेरे पिता पंणमिश्वर ऐ मुँखे सब-कुछ देऐ दितो; अरह् कुँऐं बैटा ने जाँण्दा, सिर्फ तेसी पिता ही जाँणों; अरह् कुँऐं पिता ने जाँण्दा सिर्फ सेजा बैटा ही जाँणों; अरह् सेजा जाँणी सको जेसी गाशी बैटा पर्गट कर्णो चहाँव।”

मत्ती 23:37

“यरूशलेम! ओ, यरूशलेम! तू पंणमिश्वर की बरंम्बाणीं कर्णो वाल़े माँरी दिऐं, अरह् जुण्जे ताँव कैई डियाल़े गुऐ, तिनू गाशी तू पथराच़ दिऐं। केत्ती बई मुँऐ चहाँव के जेष्णी कुँक्ड़ी आप्णें कुँकंड़ू आप्णी पाँखों थाँई, कठे करह्, तेष्णें ही हाँव भे तेरे नहाँन्ड़िया कठे करू, परह् तुँऐं सेजो चहाई ने।

लूका 10:22

मेरे बाबा ऐं मुँह कैई सब-कुछ़ देऐ दितो; कुँऐं ने जाँण्दा के बैटा कुँण असो, परह् सिर्फ बाबा जाँणों: अरह् ना कुँऐ ऐजो जाँण्दा के बाबा कुँण असो; परह् सिर्फ बैटा जाँणों; अरह् सैजा जैस कैई बैटा पर्गट कर्णो चहाँव।”

यूहन्ना 1:11

से आप्णें लोगों कैई आया, परह् आप्णें ही लोगे ऐ तिनू धारण ने करी।

यूहन्ना 1:18

पंण्मिश्वर कुँणिऐं ने देखी थंई; सिर्फ पंण्मिश्वर के ऐक्लोत्ते बैटे ऐं ही देखी थुवा; जुण्जा आप्णें बाबा की हंगाल़ी दा असो, तेने ही पंण्मिश्वर पर्गट करा।

यूहन्ना 12:49

मुँऐं आप्णी तरफ शो किऐ ने बुली थंई, परह् मेरे बाबा ऐं! जिन्ऐं मुँह डेयाल़ी थुवा; तिन्ऐं ही मुँखे ऐजी अज्ञाँ देऐ थंऐ, के मुँह का बुल्णों पड़ो; अरह् केष्णों बुल्णों पड़ो?

यूहन्ना 14:24

जुण्जा मुँह शो प्यार ने करला, से मेरे बचन का पाल़्ण ने करदा; अरह् जुण्जे बचन तुँऐं शुणों, सेजे बचन मेरे ने, परह् तेसी बाबा के असो; जिन्ऐं मुँह डेयाल़ी थुवा।

यूहन्ना 3:12

जे हाँव तुओं कैई संईसारी धर्ती की बातो बुलू, तअ तुऐं बिश्वाष ने कर्दे; परह् जे हाँव तुओं कैई स्वर्गो की बातो बुलू, तअ तुऐं कैशा दाँई बिश्वाष कर्ले।

यूहन्ना 3:13

कुँऐं आदमी स्वर्गो दा ने हुटी रंई, सिर्फ ऐक, मतल्व आदमी का बैटा जुण्जा स्वर्गो शा ऊँदा आऐं रूवा।

यूहन्ना 3:3

प्रभू यीशू ऐ तेस्खे जबाब दिता, के “हाँव ताँव्खे ऐक खास बात बुलू; के जाँव तोड़ी कुँणिंऐ पंण्मिश्वर की तरफ़ शा जन्म ने लों; ताँव तोड़ी से पंण्मिश्वर को राज्य ने देखी सक्दा।”

यूहन्ना 3:5

प्रभू यीशू ऐ तेस्खे जबाब दिता, के “हाँव ताँव्खे ऐक खास बात बुलू; के जाँव तोड़ी कुँऐं आदमी पाँणी अरह् आत्त्मा शा जन्म ने लंह्दा, ताँव-तोड़ी से पंण्मिश्वर के राज्य दा हाजिर ने हऐ सक्दा।

यूहन्ना 5:43

हाँव आप्णे बाबा के नाँव शा आऐ रूवा, तबे भे तुँऐं लोग मुँह माँन्दे ने; परह् जे कुँऐं ओका आप्णें ही नाँव शा आला, तअ तुँऐं तेसी जरूर माँन्दे।

यूहन्ना 7:16

प्रभू यीशू ऐ तिनखे जबाब दिता, “मेरी शिक्क्षा मेरी ने आथी; परह् तिनकी शिक्क्षा असो, जिन्ऐं मुँह डेयाल़ी थुवा।

यूहन्ना 8:14

प्रभू यीशू ऐ तिनखे जबाब दिता, “हाँव भाँव आप्णें गुवाऐ-शाज़्त्त आपु देऊँ; तबे भे मेरी गुवाऐ-शाज़्त्त ठीक माँणी ज़ाँव; किन्देंखे के हाँव जाँणू ऐं? के हाँव केथै शा आऐ रूआ, अरह् केथै खे ज़ाँदा लागा? परह् तुँऐं लोग ने जाँण्दे के हाँव केथै शा आऐ रूआ, अरह् केथै खे ज़ाँदा लागा।

यूहन्ना 8:26

तुवाँरे बारे दो मेरे भह्त्त-कुछ बुल्णों, अरह् ऐजा फ़हऐस्ला करणाँ; के हाँव बादी संईसारी खे सेजो ही बुलू; जुण्जों मुँऐ आप्णें डेयाल़्णों वाल़े कैई शो शुँणीं थों; किन्देंखे के मुँह डेयाल़्णों वाल़ा साच्चा बिश्वाष ज़ूगा असो।”

यूहन्ना 8:38

मुँऐं सेजो ही बुली लो, जुण्जों मुँऐ साक्षात आप्णें बाबा कर्दे देखी थो, परह् तुँऐं सेजो ही करह्, जुण्जों तुँऐं आप्णें बाबा कैई शो शुँणीं थों।”

प्रेरितो कै काम 22:18

अरह् मुँऐं का देखो, के प्रभू ऐ मुँखे ऐजो बुली लो; के ‘शीघा-शीघा यरूशलेम शा झट् नीक्ल़ी ज़ा; किन्देंखे के ऐ मेरे बारे दी तेरी गुवाऐ-शाज़्त्त माँन्दे ने।’

2 कुरिन्थियों 4:4

अरह् तिनू बै-बिश्वाषी खे, जिनकी बुद्धी ईयों संईसारी के ईश्वर ऐ शैड़ी बाँणी थऐ, जे मसीया जू पंण्मिश्वर का सरूप असो, तिन के त्तेजमंऐं खुषख्बरी का प्रकाष तिनू गाशी ने चंम्को।

प्रकाशितवाक्य 1:5

अरह् यीशू मसीया की ढबे शी जू बिश्वाष ज़ूगे गुवाह्-शाज़्त्त अरह् मँरे अँदे मुँझ शे जीऊँदे हणों वाल़े मुँझ्शे जैठे अरह् धर्ती के राजाओं लोगो का हाकम असो, तुँओं खे कृपा, अरह् शाँण्त्ति, भेंट्दी रंह्। से आँमों आरी प्यार करह्, अरह् तिन्ऐं आप्णें लह्ऊँ के कारण आँमों पाप शे छुड़ाऐ थुऐ।

प्रकाशितवाक्य 3:14

“लौदीकिया नंगर की कलीसिया के दूत्त खे ऐजो लिख: “जू आमीन अरह् बिश्वाष ज़ूगा अरह् साच्चा गुवाह्-शाज़्त्त असो, अरह् पंण्मिश्वर की सिर्ष्टी की उत्त्पत्ति का खास कारण असो, से ऐजो बुलो: