यूहन्ना 21:16 - Sirmouri

¹⁶ प्रभू यीशू ऐ हजो दुज़ालिऐं संत्त-पतरस शो पुह्छ़ो; “हे शमौन यूहन्ना का बैटा! कियो तू मुँह शो प्यार करे ऐ?” तेने तिनखे बुलो, “होर, प्रभू जी! तुँऐं जाँणों ऐ के हाँव तुँओं आरी प्यार करू,” प्रभू यीशू ऐ शमौन-पतरस खे बुलो, “मेरी भैंड़ो की देख्ह-भाल़ करह्।”

सिरमौरी नौवाँ नियम

¹⁶ यीशुए हौजौ दुजाल़ियो तैसीखै बौल़ौ, “ओए रै शमौन यूहन्ना का बैटा का तू मुं आरी प्यार कौरे?” तैणै तैसी बौल़ौ, “हां, प्रभु तू तौ जाणै की हांव तांवआरी प्यार कौरु।” तैणै तैसी बौल़ौ, “मैरै लोगौ कै दैखभाल कौर जैशैखै ऐक चौराईया आपणै भेड़ो कै दैखभाल कौरौ।”

यूहन्ना 21:16 ပူးပေါင်းရင်းမြစ်များ

मत्ती 2:6

“हे, बैतलहम गाँव तू जू यहूदा प्रदेश दा असो, तू कैशा ही भी दाई यहूदा के हाक्मों मुझी सभी शा छोटा ने आथी, किन्देखे के तुँओं मुँझी ऐक हाक्म पय्दा हंदा, जुण्जा मेरी परजा इस्राएल का रंख्वाल़ा हंदा”

मत्ती 25:32

अरह् बादी गऐर यहूदी के लोग तेस्के साम्णें कठे करे ज़ाले; अरह् जेष्णी भैड़ो वाल़े, भैड़ो बाकरी आरी शी ज़ई करह्, तेष्णेंं ही से भे तिनू ओका ओकी शे ज़ई करला।

मत्ती 26:72

तेने षौह् करियों हजो बुलो: “हाँव ऐसी आदमी जाँण्दा ने।”

लूका 19:10

किन्देंखे के आदमी का बैटा पाऐ अंदें जूँह्दा, अरह् तिनू बंचाँदा आऐ रूवा।”

यूहन्ना 18:17

तियों दासी ऐ जुण्जी दुवारों की रंख्वाल़ी कर्णो वाल़ी थी, तिऐ पतरस कैई शो पुछ़ो; “कद्दी तू भे तअ ऐसी ही आदमी के चैले मुँझ्शा तअ ने असो?” पतरस ऐ बुलो, “हाँव ने आथी।”

यूहन्ना 18:25

शमौन पतरस ऐं तेसी बख्त्ते खह्ड़े-खह्ड़े आग सेह्कि लऐ थी, तअ किऐ लोगे ऐं तेस कैई शो पुछ़ो, “कद्दी तू भे तअ ऐस्का ही चैला तअ ने असो?” तने भाज्दिऐं बुलो, “हाँव ने आथी।”

यूहन्ना 21:17

प्रभू यीशू ऐ च़ीज़ाल़िऐ पुह्छ़ो; “हे शमौन यूहन्ना का बैटा, कियो तू मुँह आरी प्यार करे?” तबे शमौन-पतरस ऊदास हुआ, के प्रभू यीशू ऐ मुँह कैई शो ऐजो च़ीज़ाल़िऐं कैई पुह्छ़ो; के “कियो तू मुँह आरी प्यार करे ऐ?” तबे संत्त-पतरस ऐ, प्रभू यीशू खे जबाब दिता; “हें प्रभू! तुँऐं तअ सब-कुछ़ जाँणों ऐ; अरह् तुऐ ऐजों भे जाँणों ऐं, के हाँव तुओं आरी प्यार करू।” तबे प्रभू यीशू ऐ संत्त-पतरस खे बुलो, “मेरी भैड़ो चराओं।”

प्रेरितो कै काम 20:28

“तुऐं लोग आपु खे, अरह् आप्णीं बादी मंडल़ी खे संक्न्नै-च़ौक्ष रूऐ; ईन्देंखे के पबित्र-आत्त्मा ऐ तुओं खे ईयों मंडल़ी की रंख्वाल़ी का पंद्-भार देऐ थुवा, के तुऐं पंण्मिश्वर की कलीसिया के साच्चै भेंड़वाल़े बंणों; जिनू पंण्मिश्वर ऐं आप्णें बैटे के लंह्ऊँ देऐयों धारण करी थुऐ।

इब्रानियों 13:20

जिन्ऐं भैड़ो का सेजा बड़ा भैड़वाल़ा मतल्व अमाँरा प्रभू यीशू मसीया के हमेशा के वाचा को लह्ऊँ के कारण मँरे अंदे मुँझ्शे आँमों ऊबे जीयाल़े तेसी सदा के बाय्दे गाशी मुहर लाऐयों सेजा शाँण्त्ति का दाता पंण्मिश्वर ही असो,

1 पतरस 2:25

किन्देंखे के तुँऐं आगे तअ भट्की अंदी भैढ़ो जेष्णें थिऐ, परह् ऐबे आप्णी आत्त्मा के रख्वाल़े अरह् बड़े हाक्मों कैई पाछू आऐ रूवे।

1 पतरस 5:2

के पंणमिश्वर की हिछ़या दे पंणमिश्वर की मंडल़ी के दे:ख-भाल़ करह्—कोसी दबाव दी आऐयों ने, परह् आप्णी हिछ़या के मुँताबिक कोसी लाल़च की नंजरी शी ने परह् शुद्ध सेवा-भाव शी।

प्रकाशितवाक्य 7:17

किन्देंखे के बीच, के सिंगाँस्हणों गाशी बंईठा अंदा छ़ैल़्टा तिनका चराईया हंदा; से तिनू जीवन के जल के फटवाँणीं तोड़ी नींदा पंण्मिश्वर तिनकी आखी शे बादे आशुओं आगू घुष्दा”।