यूहन्ना 21:14 - Sirmouri

¹⁴ ऐशे दाँई मँरे अँदे मुँझ्शे ऊँबे जीऊँणों गाशी प्रभू यीशू ऐं आप्णें चैले खे च़ीज़ाल़िऐं दर्षण दित्ते।

सिरमौरी नौवाँ नियम

¹⁴ ऐजौ तिजाल़ियों औसौ जोबै यीशुए मौरेयौंदे मुंजीदै जियुंदी हौणौ कै बाद चैलै खै दर्शन दियै।

यूहन्ना 21:14 ပူးပေါင်းရင်းမြစ်များ

मरकुस 16:12

तिदे पाछ़ी प्रभू यीशू मसीया ओकी रूप दे, दू ओकी चैले कैई शे दे:खाई पड़े, जुण्जे गाँव की ढबे हुटदे लागे थिऐ।

मरकुस 16:14

तबे प्रभू यीशू मसीया तिनू गियारंह् चैले कैई शे भे दे:खाई पड़े, जुण्जे तैख्णों खाँणा खाँदे बऐठी रूऐ थिऐ, अरह् तिन्ऐं चैले के बै-बिश्वाष अरह् मंन की कुठूरता हठाँवणें पंण की मुँरूख्ता अरह् कुठोर मंन के कारण सम्झाऐं किन्देंखे के जिन्ऐं प्रभू यीशू मसीया दे:खे भे थिऐ; तिनका भे तिन्ऐ बिश्वाष ने करी।

यूहन्ना 20:19

तेसी ही देसे जुण्जों संह्फ़त्ते को आगलो देस थियो; संन्दो के बख्ते, जबे चैले यहूदी अगवाँल़ो के डरो शे दुवारो डाकियों ऐकी ठाँई कट्ठै बंईठै अंदे थिऐ; तबे प्रभू यीशू तिनके बीचो दे खह्ड़े हऐ गुऐ। अरह् तिन्ऐं आप्णें चैले खे बुलो, “तुओं शाँण्त्ति भेंटो!”

यूहन्ना 20:26

आठ देसो बित्त्णों गाशी, जबे प्रभू यीशू के चैले, दुज़ाल़िऐ तेसी घहर दे कंट्ठै थिऐ; अरह् तेख्णों सेजा थोंमा भे तिनकी गईलो थिया, अरह् तेख्णों दुवार डाको अंदो थियों; तबे भे प्रभू यीशू भिटे आऐ, अरह् तिनके बीच दे खह्ड़े हुऐ; अरह् तिनखे बुलो, “तुँओं शाँण्त्ति भेंटो!”

यूहन्ना 21:1

ईनू बातो हंणों पाछी, तिबिरियास झील की टीराँव्टी गाशी हजो प्रभू यीशू ऐं आप्णें चैले खे दर्षण दित्ते:

प्रेरितो कै काम 1:3

प्रभू यीशू ऐं आप्णें दु:ख्ह भोग्णों पाछ़ी, तिनू खास-चैले के सहाँम्णें बैजाऐ पाक्कै नंत्तिजे लंई, के हाँव जीऊँदी असो; च़ाल़ीष देसो तोड़ी से तिन कैई शे देखाई पड़े, अरह् पंण्मिश्वर के राज्य की बातो कर्दे रूऐ।