यूहन्ना 21:12 - Sirmouri

¹² प्रभू यीशू ऐ तिनखे बुलो, “आओ, भोजन करह्” चैले मुँझ्शो कोसी के भे ऐजी हिम्मत ने पंढ़ी, के तिन कैई शो पुह्छो, के “तुऐं कुँण असो?” किन्देंखे के से जाँणों थिऐ, के ऐजे प्रभू ही असो।

सिरमौरी नौवाँ नियम

¹² यीशुए तिनु बौल़ौ, “आव, खाणौं खोऊंबे, चैलै मुंजी दी कोसी कै हिम्मत नी होई कै तैसीयांदो पूछौ, तू कुण औसौ?” जिथु सै जाणौ थिए कै ऐजाई ही प्रभु औसौ।

यूहन्ना 21:12 ပူးပေါင်းရင်းမြစ်များ

मत्ती 22:46

ईन्दें के जबाब दी यहूदी भाट-बाम्णों के किऐ बुल्णीं ने आई, अरह् तबे कोसी के भे प्रभू यीशू पुछ़णों के किऐ हिम्मत्त ने पड़ी।

मरकुस 9:32

परह् सेजी बात चैले के बै-सम्झी गऐ, अरह् से सेजो प्रभू यीशू कैई शो पुँछ़णों शे डरह् थिऐ।

लूका 9:45

परह् चैले के सेजी बात सम्झ दे ने आई, अरह् सेजी बात तिन के सम्झ शी बाऐर थी; अरह् सेजै चैले तियों बात पुछ़्णों शे प्रभू यीशू दे डरह् थिऐ।

यूहन्ना 16:19

प्रभू यीशू ऐजो जाँणों थिऐ, के ऐ मुँह कैई शो किऐ पुछ़णों चहाँव, तबे: तिन्ऐं बुलो; “तुऐं आपु मुँझी मेरे ऐशे बुल्णों के मतल्व गाशी का सोंच-बिचार करी लुवा, ‘किऐ बख्त्तो पाछ़ी तुऐं मुँह ने देख्ले; अरह् हजो किऐ बख्त्तो पाछ़ी तुऐं मुँह हजो देख्ले?’

यूहन्ना 21:11

शमौन पतरस नाव दा चड़ा, अरह् तेने जाल़ खीच़ियों टीराँव्टी गाशी आँणों; जिन्दी ऐक षौ तिरपन बड़ी-बड़ी माँछ़ी थी, अरह् ऐत्रें भंहीत्ति माँछ़ी हंणों गाशी भे जाल़ फ़ाटी ने।

यूहन्ना 21:15

खाँणा खाऐयों, प्रभू यीशू ऐ शमौन पतरस कैई शो पुह्छ़ो; “हे शमौन यूहन्ना का बैटा! कियो तू ईनू सोभी शो जादा, मुँह आरी प्यार करे?” तेने जबाब दिता; “होर, प्रभू जी! तुऐं जाँणों ऐं; के हाँव तुओं आरी प्यार करू।” तबे प्रभू यीशू ऐ तेस्खे बुलो, “मेरे छैल़्टू चराओं।”

यूहन्ना 4:27

तेतिऐ खे प्रभू यीशू के चैले तेथै पाछू आऐं; अरह् जेई चैले ऐं प्रभू यीशू ऐकी तिरंई की गईलो बातो कर्दे देखे, तैई तिनके तोरंबाँणच़ूटें; अरह् तिन्ऐं बुलो, “तुवाँरे का चैंई?” अरह् “तुऐं ईयों तिरंई आरी का बात करी लंऐ?”

प्रेरितो कै काम 10:41

सोभी लोगो कैई शे ने परह् तिनू गुवाह्-शाज़्त्त कैई शे देखाई पड़े; जिनू पंण्मिश्वर ऐं च़ूणी-छ़ाँटी थुऐ थिऐ, सेजे गुवाह्-शाज़्त्त आँमें ही असो; अरह् दुज़ाल़िऐ तिन के ऊबे जीऊँणों गाशी, आँमें तिनकी गंईलो खाऐ-पीं थों।