यूहन्ना 20:2 - Sirmouri

² ऐजो देखियों से बिच़्ड़ियों शमौन-पतरस अरह् तेसी ओकी चैले कैई आऐ, जेसी आरी प्रभू यीशू प्यार करह् थिऐ; तिऐ मरियम ऐ तिन कैई बुलो, “तिन्ऐं प्रभू खात्ती-कबर शे आगु नींऐ, अरह् हाँव ऐजो ने जाँण्दी के तिन्ऐ तिनू कैथे थंऐ थुऐ।”

सिरमौरी नौवाँ नियम

² तोबै सै दोऊड़ी औरौ शमौन पतरस औरौ तैसी ओकी चैलै कै धोरे जैसीआरी यीशु प्यार राखौ थिया, आयौ कै बौल़ौ, “सै प्रभु कै लाशो खै कब्रो पौरैशा गाड़ेयो लोऐ गौवै; औरौ आमुए ना जाणु कै तैसी कुकै राख राए।”

यूहन्ना 20:2 ပူးပေါင်းရင်းမြစ်များ

यूहन्ना 13:23

प्रभू यीशू का ऐक चैला, जेसी आरी से बैगे प्यार करह् थिऐ; से प्रभू यीशू की छात्ति-हिकुड़े की ढबे, कुईनी अरह् घुन्डू के सहारे बऐठी रूआ थिया।

यूहन्ना 19:26

प्रभू यीशू ऐ आप्णी माँ, अरह् तेसी चैला, जुण्जा प्रभू यीशू के प्यारा थिया; तेसी भे आप्णीं माँ कैई खह्ड़ा देखा, तअ तिन्ऐं आप्णीं माँ खे बुलो; “हे माँ! ऐजा तेरा बैटा असो।”

यूहन्ना 20:13

तबे: तिनू स्वर्गदूत्त ऐं तियों कैई शो पुंह्छ़ो, “ओ तिरंई! तू कैई रूऐ रंऐ?” तिऐं जबाब दिता, “तिन्ऐ मेरे प्रभू ईथै शे आगू नींऐ, अरह् हाँव ने ऐजो जाँण्दी के तिन्ऐं तिनू केथै थऐ थुऐ।”

यूहन्ना 20:15

प्रभू यीशू ऐ तियों कैई शो पुह्छ़ो, “ओ तिरंई! तू कैई रूऐ रंऐ? तुऐं कोसी जुह्ऐ लुवा?” तिऐं तिनखे माँल़ी जाँणियों बुलो; “श्री माँन! जे तुऐं तिनू आगु नींह् थुऐ; तअ ऊँढो बुलो, के तुऐं तिनू केथै थंऐ थुऐ; अरह् हाँव तिनू ईथै शे आगू नींह्ऊँबी।”

यूहन्ना 20:9

किन्देंखे के तेस्के हेभी तोड़ी सेजी पबित्र-ग्रन्थों के बात संह्म्झ ने आऐ रंई थी, के प्रभू यीशू खे मँरें अँदें मुझ्शो पाछू ऊबो जीऊँणों जरूरी थियों।

यूहन्ना 21:20

संत्त-पतरस ऐ पाछू फ़ीरियों प्रभू यीशू का सेजा प्यारा खास-चैला आपु पाछ़ी आँदें देखा; मंतल्व सेजा ही चैला, जुण्जा फ़सह की जूंन खाँदी बंख्त्ते प्रभू यीशू के बैजाऐ नंजीक बंईठा अंदा थिया; जेने प्रभू यीशू कैई शा ऐजा सुवाल करा थिया, के “हे प्रभू सेजा कुँण आदमी असो; जुण्जा तुओं खे धोखा देंदा?”

यूहन्ना 21:24

से सेजा ही चैला असो, जुण्जा ईन सोभी घह्टणाँ का गुवाह्-शाज़्त्त असो; अरह् जेने ऐजी बादी बातो आप्णीं आखिऐ देखी-शुँणीं अरह् लिखी थंई; अरह् आँमें भे ऐजो जाँणों ऐं, के तेस्की गुवाऐ-शाज़्त्त बिलकुल साच्ची असो।

यूहन्ना 21:7

तबे तेने चैले ऐ जेसी आरी प्रभू यीशू प्यार करह् थिऐ; तेने पतरस खे बुलो, “ऐजे तअ प्रभू असो!” शमौन पतरस ऐ ऐजो शुँणियों; आप्णी लाँकी दा तोलिया बाँना अरह् तेने झीलो दी छ़ाल़ी माँरी, किन्देंखे के से नाँगी थिया।