यूहन्ना 20:19 - Sirmouri

¹⁹ तेसी ही देसे जुण्जों संह्फ़त्ते को आगलो देस थियो; संन्दो के बख्ते, जबे चैले यहूदी अगवाँल़ो के डरो शे दुवारो डाकियों ऐकी ठाँई कट्ठै बंईठै अंदे थिऐ; तबे प्रभू यीशू तिनके बीचो दे खह्ड़े हऐ गुऐ। अरह् तिन्ऐं आप्णें चैले खे बुलो, “तुओं शाँण्त्ति भेंटो!”

सिरमौरी नौवाँ नियम

¹⁹ तैसी दूसै औयतवारो कै बैल़खै कै जोबै सौबै चैलै ऐक साथै कौठै हौए रौवै थिए, औरौ तिनुऐ यहूदी नेता कै डौर शै दवार बोन्‍द कौरे राए थिए, तोबै यीशु ओऊवा औरौ बीच मुंजी खौड़ै हौयौ कै तिनुखै बौल़ौ, “तुऔं शान्तै भैटौ।”

यूहन्ना 20:19 ပူးပေါင်းရင်းမြစ်များ

मत्ती 10:13

जे तेसी घर के लोग तुवाँरे आशिर्बाद के कल्याँण ज़ुगे हले, तअ तिनका कल्याँण हंदा, परह् जे से तिन्दें ज़ूगै आथी ने, तअ तुवाँरा आशिर्बाद का कल्याँण तुँओं कैई पाछु आँदा।

मत्ती 18:20

किन्देखे के जेथै दो के च़ींन मेरे नाँव गाशी कठे हों, तेथै हाँव तिनके बिचो दा हाजिर रंऊँ।”

मरकुस 16:14

तबे प्रभू यीशू मसीया तिनू गियारंह् चैले कैई शे भे दे:खाई पड़े, जुण्जे तैख्णों खाँणा खाँदे बऐठी रूऐ थिऐ, अरह् तिन्ऐं चैले के बै-बिश्वाष अरह् मंन की कुठूरता हठाँवणें पंण की मुँरूख्ता अरह् कुठोर मंन के कारण सम्झाऐं किन्देंखे के जिन्ऐं प्रभू यीशू मसीया दे:खे भे थिऐ; तिनका भे तिन्ऐ बिश्वाष ने करी।

यूहन्ना 14:27

तुओं खे हाँव शाँण्त्ति देऐ देंऊँ, मंतल्व आप्णी शाँण्त्ति हाँव तुओं खे छूड़ी देऊँ; तेष्णीं ने जेष्णी संईसारी दियों, तुऐं आप्णें मंन ब्याकुल अरह् डरोह् दे ने रंहणों दिऐ।

यूहन्ना 16:22

तेष्णें ही तुऐं लोग भे हेभी दु:ख्हीं, अरह् शोकित्त हऐ रूऐ; परह् जेई हाँव तुओं कैई शा हजो दुज़ाल़िऐ देंखाई देऊँबा, तेई तुवाँरा मंन आँनन्दित्त हऐयों भरा ज़ाला; अरह् तबे तुवाँरी सेजी खुशी-आँनन्द कुँऐ तुओं कैई शी आगु ने करी बंल़्दा।

यूहन्ना 16:33

मुँऐं तुओं कैई ऐजो सब-कुछ़ ईन्देंखे बुलो, के तुँओं शाँण्त्ति भेटो; किन्देंखे के संईसारी दे तुओं खे सिर्फ दु:ख्ह अरह् कल़ेष असो; परह् आँनन्दित्त खुशी हुऐ, के मुँह संईसारी गाशी जींत्त भेंटी रंऐ।”

यूहन्ना 20:21

प्रभू यीशू ऐ तिनखे हजो बुलो, “तुँओं खे शाँण्त्ति भेंटो! जेष्णाँ बाबा ऐं मुँह डेयाल़ी थुवा; तेष्णें ही हाँव तुँओं भे डेयाल़ू।”

यूहन्ना 20:26

आठ देसो बित्त्णों गाशी, जबे प्रभू यीशू के चैले, दुज़ाल़िऐ तेसी घहर दे कंट्ठै थिऐ; अरह् तेख्णों सेजा थोंमा भे तिनकी गईलो थिया, अरह् तेख्णों दुवार डाको अंदो थियों; तबे भे प्रभू यीशू भिटे आऐ, अरह् तिनके बीच दे खह्ड़े हुऐ; अरह् तिनखे बुलो, “तुँओं शाँण्त्ति भेंटो!”

यूहन्ना 21:1

ईनू बातो हंणों पाछी, तिबिरियास झील की टीराँव्टी गाशी हजो प्रभू यीशू ऐं आप्णें चैले खे दर्षण दित्ते:

यूहन्ना 21:14

ऐशे दाँई मँरे अँदे मुँझ्शे ऊँबे जीऊँणों गाशी प्रभू यीशू ऐं आप्णें चैले खे च़ीज़ाल़िऐं दर्षण दित्ते।

यूहन्ना 7:13

तबे भे यहूदी अगुवाल़ के डरह् के माँरे कुँऐं भे आदमी प्रभू यीशू के बारे दे खुलियों बात ने करह् थिऐ।

प्रेरितो कै काम 1:3

प्रभू यीशू ऐं आप्णें दु:ख्ह भोग्णों पाछ़ी, तिनू खास-चैले के सहाँम्णें बैजाऐ पाक्कै नंत्तिजे लंई, के हाँव जीऊँदी असो; च़ाल़ीष देसो तोड़ी से तिन कैई शे देखाई पड़े, अरह् पंण्मिश्वर के राज्य की बातो कर्दे रूऐ।

रोमियों 15:33

शान्त्ति का पंणमिश्वर तुँओं सोभी आरी रंह्। आमीन।

1 कुरिन्थियों 15:5

अरह् आगे से कैफा कैई शे अरह् तबे से तिनू बहारी खास-चैले कैई शे देखिऐं।

इफिसियों 2:14

किन्देंखे के मसीया ही शाँण्त्ति असो, अरह् से ही अमाँरा पंण्मिश्वर आरी मेल कराँणों वाल़े असो; अरह् तिन्ऐं ही यहूदियों अरह् गऐर यहूदियों दुन्नै ऐक करे, अरह् जुण्जी दुईं मुँझ़ी भेद्-भाव कराणों वाल़ी जंड़ दुवाल थी, सेजी तिन्ऐं ही ढाल़ी दित्ती, आप्णीं मँऊँत्ती अरह् बल़ी दाँण के जाँणें।

इफिसियों 6:23

परमं-पिता पंण्मिश्वर अरह् प्रभू यीशू मसीया के ढबे शी भाऐ, बईणों खे शान्त्ति अरह् बिश्वाष आरी प्यार भेटो।

फिलिप्पियों 1:2

अमाँरे परंम-पिता पंण्मिश्वर अरह् प्रभू यीशू मसीया की ढबे शी तुँओं खे कृपा अरह् शाँण्त्ति भेंटी चेंई।

2 थिस्सलुनीकियों 3:16

ऐबे प्रभू जू शाँण्त्ति का दाता असो, आपु ही तुँओं खे सदा अरह् साँत्त-भाँत्ती शाँण्त्ति दियों, अरह् प्रभू तुँओं सोभी आरी रंह्।

इब्रानियों 7:2

अरह् बाबा-अब्राहम ऐ तैस्खे तिनू बादी चींजो का दषंवाँ-भाग दिता, जू तेने राजाओं कैई शो लड़ाई दो जीती थुओ थियों; याजक-मलिकीसिदक के नाँव का मतल्व (“धार्मिक्त्ता का राजा” अरह् शालेम का राजा, मंतल्व “शाँण्त्ति का राजा” असो)।

3 यूहन्ना 1:14

परह् मुँह भूर्षा असो, के तुँओं कैई शा शीघा भेटींदा; तबे आँमें आँम्णें-साँम्णे बात-चीत्त करूबे।

प्रकाशितवाक्य 1:4

संत्त-यूहन्ना की ढबे शी आसिया ईलाके की सात्तों कलीसियाव खे जुण्जी आसिया प्रदेश दी असो: तिनकी ढबे शी कृपा, अरह् शाँण्त्ति, भेटो, जुण्जे असो ऐ, अरह् जुण्जे सदा थिऐ, अरह् जुण्जे आँणों वाल़े असो; अरह् तिनू सात्त आत्त्माओं की ढबे शी जुण्जी तिनके सिंगास्हणों के सहाँम्णें असो।