यूहन्ना 20:1 - Sirmouri

¹ संह्फ़त्ते के आगले देसे, झ़ीषौ भैयाँसरो दी रिंम्मं-रिंम्में आरी सुरूज ऊँद्णों शी आगे; मरियम-मगदलीनी खात्ती-कबर कैई आऐ, अरह् तिऐं देंखो के तियों खात्ती-कबर गाच्छ़ा सेजा पाथर आगे ही गाड़ा अंदा थिया।

सिरमौरी नौवाँ नियम

¹ औयतवार कै झीशीं, मगदेला गांव कै मरियम इनारै दी कुणजी ओकी बैटमाणिशौ कै साथै कब्रो दी ऐई, औरौ पाथर खै कब्रो कै दवारो पौरैशा हौटाएयौंदा दैखा।

यूहन्ना 20:1 ပူးပေါင်းရင်းမြစ်များ

मत्ती 27:56

तिनू तिरोंई मुँझी मरियम मगदलीनी, अरह् याकूब अरह् योसेस की माँ मरियम, अरह् जबदी के बैटे की माँ थी।

मत्ती 27:60

अरह् तेसी आप्णी नंई खात्ती-कबरी दा थऐ दिता, जुण्जी तेने कफाड़ो दी खुँणाँऐं थऐ थी, अरह् खात्ती-कबरी के मुँह गाशी ऐक बड़ा पाथर रंड़काँऐयों तेथै शा आगू हुटा।

मत्ती 27:64

ईन्देंखे च़ींन देसो तोड़ी खात्ती-कबरी की रंख्वाल़ी करी ज़ाँव, कद्दी ऐशों ने हऐयों के तेस्के चैले आऐयों तेसी तेथै शा चोरी पाँदे, अरह् लोगो खे बुल्दे लागो, के ‘से मरे अंदे मुँझ्षा जीऊँदा हऐं रूवा।’ तबे पाँछ़ला धोखा, आगले धोखे शा भे जादा बुरा हंदा।”

मत्ती 27:66

तअ: तिन्ऐ जगवाल़े गईलो नीऐं, अरह् पाथरो गाशी मुँहर-सिल लाऐयों खात्ती-कबरी के रंख्वाल़ी करी।

मत्ती 28:1

बिषाँव के देसो पाछी हफ्ते के आगले देसे धुरोंह् उक्क्षोदें ही भियाँसरों दी मरियम मगदलीनी अरह् ओकी मरियम खात्ती-कबरी दे:ख्दी आई।

मत्ती 28:2

अरह् दे:खो, ऐक बड़ो भूईच़ल़ लागों, किन्देखे के प्रभू का ऐक दूत्त स्वर्गो शा ऊदा आया; अरह् तिन्के नंजीक आऐयों, तेने सेजा पाथर रड़काया अरह् तिन्दें गाशी बऐठी गुवा।

मरकुस 15:46

तबे यूसुफ ऐ धूऐ के टाली खर्दी, अरह् मड़दा ऊँदा गाड़ियों, तेसी धूऐ की टाली दा मेठाया अरह् ऐकी ऊराड़ो दा थऐ दिता, अरह् तेसी ऊराड़ो के मुँहों गाशी ऐक बड़ा पाथर घिसारियों लाऐ दिता।

मरकुस 16:9

बिषाँव के देसो पाछ़ी आगले हपते भेंयाँसरंह् दे प्रभू यीशू जीऊँदे हऐयों आगे मरियम मगदलीनी जियों शी तिन्ऐं सात्त दुष्ट-आत्त्मा गाड़ी थंई थी, तियों कैई शे से दे:खाई पड़े।

यूहन्ना 11:38

प्रभू यीशू ऐ हजो गह्ऐरी साँस लऐ, अरह् से तिनकी गईलो खात्ती-कबर गाशी आऐ; अरह् सेजी खात्त-कबर ऐकी ऊराड़ो दी खुणीं अंदी थी, जिन्दें के मुँहों गाशी ऐक बड़ा पाथर लाया अंदा थिया।

यूहन्ना 11:41

ईन्दे गाशी लोगे ऐ सेजा पाथर आगु गाड़ा। तबे प्रभू यीशू ऐ आप्णी आखी ऊबी स्वर्गो की ढबै देखियों बुलो, “हे, बाबा! हाँव तेरा धन्यबाद करू; के तुऐं मेरी प्रार्थना शुँणीं पाऐ।

यूहन्ना 19:25

प्रभू यीशू के माँ, अरह् तियाँरी बंईण, मंतल्व प्रभू यीशू के मोंऊँसी क्लोपास के घहरवाल़ी मरियम, अरह् मरियम मगदलीनी तिनकी शुँल़ी-फ़ाँशी कैई खह्ड़ी थी।

यूहन्ना 20:26

आठ देसो बित्त्णों गाशी, जबे प्रभू यीशू के चैले, दुज़ाल़िऐ तेसी घहर दे कंट्ठै थिऐ; अरह् तेख्णों सेजा थोंमा भे तिनकी गईलो थिया, अरह् तेख्णों दुवार डाको अंदो थियों; तबे भे प्रभू यीशू भिटे आऐ, अरह् तिनके बीच दे खह्ड़े हुऐ; अरह् तिनखे बुलो, “तुँओं शाँण्त्ति भेंटो!”

प्रेरितो कै काम 20:7

संह्पता के आगले देसे जबे आँमें रोटी खाँदें कठै हऐ रूऐ थिऐ, तअ संत्त-पौलुस जुण्जा दुज़ै का ज़ाणों वाल़ा थिया; तेने बिश्वाषी भाऐ-बंईणों कैई शी पंण्मिश्वर के बचन के बारे दी चर्चा करी लंऐ थी: अरह् से आधी रात्ती तोड़ी तिनू सोभी आरी पंह्ली रूऐ थिऐ।

1 कुरिन्थियों 16:2

हफ्ते के आगले देसे तुँओं मुँझ्शे ऐक नाँम आदमी आप्णी आऊँद्णी के हिसाब शो किऐ आपु कैई थुऐ, के तुँओं मेरे आँवणों गाशी चाँन्दा ने कठा करणा पड़ो।

प्रकाशितवाक्य 1:10

हाँव प्रभू के देसे पबित्र-आत्त्मा दा भरा गुवा, अरह् आपु पाछी मुँऐ रंणशिंगें-कनाँल़ी के जेऐ बड़ी गूँह्ज शुँणाँई पड़ी।