यूहन्ना 2:24 - Sirmouri

²⁴ परह् प्रभू यीशू तिनकी तारिफ के मोंह्ताज ने थी; किन्देंखे के तिन कैई आदमी के संभाव का पता थिया।

सिरमौरी नौवाँ नियम

²⁴ पौरौ यीशुए बिशवाश ना कौरी कै तिनुऐ तैसी पांदी भोरोशा कौरे राए, जिथुकै सै आदमी कै स्‍वभाव कै जाणौ थिया।

यूहन्ना 2:24 ပူးပေါင်းရင်းမြစ်များ

मत्ती 9:4

प्रभू यीशू ऐ तिनके मंन की बात जाँणियों बुलो, “तुँऐं लोगे आप्णे मंन दा बुरा बिचार कैई करी लुवा?

मरकुस 2:8

प्रभू यीशू मसीया ऐ तेख्णी आप्णीं आत्त्मा दो जाँणी पाव, के ईन्ऐं आप्णी-आप्णी सासो दा का बिचार करी लुवा, अरह् तिन्ऐं तिनखे बुलो, “तुँऐं ऐष्णों कैई सोंच़ीं लो?

यूहन्ना 1:42

अरह् तबे अन्द्रियास ऐ आप्णा सुरा भाऐ शमौन प्रभू यीशू कैई आँणा। प्रभू यीशू ऐ तेसी सुवाँ करियों देखा अरह् बुलो, “तू यूहन्ना का बैटा शमौन असो: तू केफा मतल्व पतरस ऐत्त्लो शुभो ताँव खे ऐजो ही नाँव बुलो ज़ाँदो।”

यूहन्ना 16:30

ऐबे आँमें संम्झी गुऐ, के तुँऐं सब-कुछ जाँणों ऐं; अरह् ऐबे तुओं कैई शे सुवाल-जबाब कर्णो के किऐ भे जरूरत्त ने आथी, ईन्देंखे आँमें बिश्वाष करह्; के तुऐं पंण्मिश्वर की तरफ़ शे आऐ रूऐ।”

यूहन्ना 21:17

प्रभू यीशू ऐ च़ीज़ाल़िऐ पुह्छ़ो; “हे शमौन यूहन्ना का बैटा, कियो तू मुँह आरी प्यार करे?” तबे शमौन-पतरस ऊदास हुआ, के प्रभू यीशू ऐ मुँह कैई शो ऐजो च़ीज़ाल़िऐं कैई पुह्छ़ो; के “कियो तू मुँह आरी प्यार करे ऐ?” तबे संत्त-पतरस ऐ, प्रभू यीशू खे जबाब दिता; “हें प्रभू! तुँऐं तअ सब-कुछ़ जाँणों ऐ; अरह् तुऐ ऐजों भे जाँणों ऐं, के हाँव तुओं आरी प्यार करू।” तबे प्रभू यीशू ऐ संत्त-पतरस खे बुलो, “मेरी भैड़ो चराओं।”

यूहन्ना 4:16

प्रभू यीशू ऐ तियों खे बुलो, “आगु ज़ा अरह् आप्णा घरवाल़ा ईथै बऐदियों आँण।”

यूहन्ना 5:42

परह् हाँव तुँओं जाँणू ऐ, के तुँओं दा पंण्मिश्वर का प्यार ने आथी।

यूहन्ना 6:15

जबे प्रभू यीशू ऐ ऐजो जाँणी पाव, के लोग तिनू राजा बाँण्णों खे ऊडा थाँहम्बड़णाँ चहाँव, तअ से ऐक्ली ही हजो धारोह् गाशी हुटे।

यूहन्ना 6:64

तबे भे तुओं मुँझ्शे कंऐयों मुँह गाशी बिश्वाष ने कर्दे।” किन्देंखे के प्रभू यीशू ऐजो आगे ही जाँणों थिऐ; के सेजा कुँण असो, जुण्जा तिन्दा बिश्वाष ने करदा; अरह् तिनू आरी बिश्वाष घात्त करियों तिन खे धोखा देंदा।

प्रेरितो कै काम 1:24

तबे तिन्ऐं ऐशी प्रार्थना करी, “हे प्रभू! तू सोभी का सास-मंन जाँणें ऐ; ऐजो पर्गट करह्, के तुँऐं ईनू दुई मुंझ्षा कंसी च़ूणी-छ़ाँटी थुवा,

प्रेरितो कै काम 15:8

मंन के पर्ख्णों वाल़े, पंण्मिश्वर ऐ तिनखे भे अमाँरे जेष्णीं पबित्र-आत्त्मा देऐयों तिनकी गुवाऐ-शाज़्त्त देऐ थंऐ;

इब्रानियों 4:13

पंण्मिश्वर की नंजरी शी ईयों संईसारी की किऐ भी चीज चुप्पी ने थईदी; तिनकी नंजर के सहाम्णें जिनके साम्णें आँमों बादा लेखा-ज़ौखा देणाँ पड़ो, तिनके सहाँम्णें बादी चिजो आपु खुली अरह् पर्गट हों।

प्रकाशितवाक्य 2:23

हाँव तिनके नहाँन्ड़िया माँरी देऊँबा; तबे बादी कलीसियाऐं जाँणी पाली, के दिल अरह् मंन का पर्ख्णो वाल़ा हाँव ही असो, अरह् हाँव तुँओं मुँझी शे ऐकी नाँमों खे तिनके काँम-काज़ के मुँताबिक बद्ल़ा देऊँबा।