यूहन्ना 2:2 - Sirmouri

² प्रभू यीशू अरह् तिनके चैले भे जाज्ड़े दे बय्दी थुऐ थिऐ।

सिरमौरी नौवाँ नियम

² यीशु औरौ तैसकै चैलै बै तैसी जाजड़ै मुंजी बौएदै राए थिए।

यूहन्ना 2:2 ပူးပေါင်းရင်းမြစ်များ

मत्ती 12:19

से ना झगड़ा करला, अरह् ना धूम मंचाला, अरह् ना गल़ी दी कुँऐं तेस्की धाव शुणला।

मत्ती 25:40

राजा तिन्खे जबाब देला; ‘हाँव तुओं खे खास बात बुलू, के जुण्जो किऐ तुँऐं आप्णें भाई, बंऐणी, खे जुण्जे मेरे ईनू छोटे शे छोटे खे किऐ करो; तुऐं सेजो ईनखे ने परह् मुँखे करी थुओं।’

मत्ती 25:45

तबे राजा तिनखे जबाब देला, ‘हाँव तुओं खे खास बात बुलू, के जुण्जो तुऐं मेरे ईनू छोटे शे छोटे लोगो खे ने करी थंई, सेजो तुऐं मुँखे भे करीने थंई।’

यूहन्ना 2:12

तबे तिन्दे पाछ़ी प्रभू यीशू आप्णी माँ, आप्णें भाई, अरह् आप्णें चैले आरी कफ़रनहूम नंगर खे हुटे, अरह् तेथै से किऐ देसो तोड़ी तेथी रूवे।

यूहन्ना 2:17

तिनके चैले के पबित्र-ग्रन्थों का सेजा कंथन चींत्ते आया: “तेरे घहर की धूंन मुँह खाऐ पाँदी।”

यूहन्ना 2:22

ईन्देंखे जबे प्रभू यीशू मँरे अँदे मुँझ्शे पाछ़ू ऊबे जीऊँदें हुऐ, तअ तिनके चैले के सेजी बात चींत्ते आऐ; के प्रभू यीशू ऐ ऐजो आगे ही बुलो थियो, अरह् तबे तिनके पबित्र-ग्रन्थों अरह् प्रभू यीशू के तिनू बचन गाशी बिश्वाष हुवा।

यूहन्ना 2:3

तेथै जबे दाख्ह-अंगूरोह् का रंस चुकी गुआ, तअ प्रभू यीशू की माँ ऐ तिनखे बुलो, “ईनू लोगों कैई दाख्ह-अंगूरोह् का रंस चुक्की गुवा।”

यूहन्ना 3:22

ईन्दें पाछी प्रभू यीशू आप्णें चैले की गईलो यहूदिया ईलाके दे आऐ; अरह् तेथै चैले की गईलो रंह्ऐयों नहाँण-कराँदे लागे।

यूहन्ना 4:2

मतल्व प्रभू यीशू आपु ने, परह् तिनके चैले नहाँण-कराँव थिऐ,

यूहन्ना 4:33

तबे चैले ऐ आपु मुँझी बुलो, “कियों कुँणिऐं किऐ ईनखे खाँणों खे लियाऐ थो?”

यूहन्ना 4:8

किन्देंखे के प्रभू यीशू के चैले तेख्णों भोजन खरदोंदे नंगर दे हुटी रूऐ थिऐ।

यूहन्ना 6:12

जबे सेजे लोग खाऐयों छ:क्की गुऐं, तअ प्रभू यीशू ऐ आप्णे चैले खे बुलो, “बंचे अँदें टुक्डे ऊबे सलाव, जू किऐ भे बरबाद ने हऐ ज़ाँव।”

यूहन्ना 6:16

संन्ध पड़्णों गाशी प्रभू यीशू के चैले झीलो के काट्ल़ो दे हुटे,

यूहन्ना 6:60

प्रभू यीशू के चैले मुँझ्शो भहीतें चैले ऐं ऐजो शुँणियों बुलो, के “ऐजी तअ कठीण शिक्क्षा असो; ऐष्णी शिक्क्षा कुँण माँनी सको?”

यूहन्ना 6:66

ईनू बातो का ऐजा नंतिजा हुवा, के यीशू मसीया के बैजाऐ चैले पाछू फिरे; अरह् तिन्ऐं प्रभू यीशू को साथ छुड़ी दितो।

यूहन्ना 6:67

तबे प्रभू यीशू ऐ तिनू बारीही चैले खे बुलो, “कियों तुँऐं लोग भे पाछ़ू ज़ाँणों चहाँव?”

यूहन्ना 6:70

प्रभू यीशू ऐ तिनखे बुलो, “कियों मुँऐं तुँओं बारंह् झोणें झुणी-छाँटी ने थई थी? तबे भे तुँओं मुँझ्षा ऐक शैतान के कंब्जे दा असो।”

यूहन्ना 6:71

ऐजो तिन्ऐ शमौन-इस्करियोती के बैटे यहूदा-इस्करियोती के बारे दो बुलो थियो, किन्देंखे के सेजा ही ऐक तिनू बारीही चैले मुंझ्शा ऐशा थिया; जुण्जा के प्रभू यीशू थंहम्बड़ाणों वाल़ा थिया।

यूहन्ना 6:8

प्रभू यीशू के चैले मुँझ्शो शमौन पतरस के भाऐ अन्द्रियास खे बुलो,

यूहन्ना 7:3

ईन्देंखे प्रभू यीशू के सुहरे भाई ऐ तिनखे बुलो, “ईथै शा यहूदिया खे ज़ा, किन्देंखे के जुण्जे बड़े काँम-काज़ तू करे, सेजे काँम-काज़ तेरे चैले भे तेथै देखी सको।

प्रेरितो कै काम 11:26

अरह् जबे शाऊल भेटी गुवा, तअ बरनबास ऐं तेसी अन्ताकिया दा आँणा; अरह् तबे से दुईन्ने पुरे ऐक साह्ल कंट्ठै रूऐ, अरह् बैजाऐ लोगो खे शिक्षा देंदे रूऐ; अरह् सोभी शे आगे चैले खे अन्ताकिया दे ही “मसीही” बुले गुऐ।

प्रेरितो कै काम 11:29

तबे चैले ऐ ऐजा फऐंस्ला करा, के ऐक नाँम आदमी आप्णी-आप्णी कंमाँई के मुँताबिक शा यहूदिया दे रंहणों वाल़े, बिश्वाषी भाऐ-बंईणों की सहाऐता खे किऐ डेयाल़ो।

1 कुरिन्थियों 10:31

ईन्देंखे तुँऐं किऐ खाँव, भाँव पींयों, भाँव किऐ भे करह्, सेजो सब-कुछ पंणमिश्वर की बड़ियाऐ खे हों।

1 कुरिन्थियों 7:39

जाँव तोड़ी कोसी तिरंई का घरवाल़ा जिऊँदा हों, ताँव-तोड़ी से शादी के बंदण दी बंनी रंह्; परह् जबे तियारा घरवाल़ा मरी ज़ाव तअ से हजो शादी करी सको, परह् कोसी बिश्वाषी जंन आरी।

कुलुस्सियों 3:17

तुँऐं भाँव किऐ बुलो, भाँव किऐ करह्, सब-कुछ प्रभू यीशू के नाँव शो करिया करह्, तुँऐं तिन्ही के जाँणें पिता पंण्मिश्वर खे धन्यबाद देंदे रंह्।

इब्रानियों 13:4

विवाह-जाज्डा सोभी मुँझी आदर-ईज्जत के बात सम्झी ज़ाँव, अरह् विवाह का बिछाँन्द्रा नीषकंल़क रंह्, किन्देंखे के पंण्मिश्वर चुरी-जारी कर्णो वाल़े, अरह् ओकी पराई तिरंई आरी चुरी-जारी कर्णो वाल़े का नियाँव करदा।

प्रकाशितवाक्य 3:20

देख, मुँऐं देऊँल़ी कैई खड़े हऐयों दुवार ठक-ठकाऐ लुवो; जे कुँऐं मेरो ठकठकाँणों शुँणियों मुँखें दुवार खुल़्ला, तअ हाँव तेसी कैई भिटा आऐयों, तेस्की गईलो भोजन करूबा अरह् से भे मेरी गईलो भोजन करला।