यूहन्ना 2:19 - Sirmouri

¹⁹ प्रभू यीशू ऐ तिनखे जबाब दिता, “ईयों देऊँठी ढाल़ी दियों, अरह् हाँव ईयों देऊँठी च़ीज़े के हजो पाछ़ू खह्ड़ी करियों देखाँऊबा।”

सिरमौरी नौवाँ नियम

¹⁹ यीशुए तिनुकै जोवाब दिया, “ऐसी मन्दिरो खै ढाल़ै दैंव, औरौ हांव ऐसीखै ती दूसौ दा दुजाल़ियो बाणै दोऊंबा।”

यूहन्ना 2:19 ပူးပေါင်းရင်းမြစ်များ

मत्ती 12:40

ठीक जेष्णा ऋषी-योना च़ींन देसो अरह् च़ींन रात्ती बैजाऐ बड़ी माँछी के पैटो दा रूवा, तेष्णा ही आदमी का बैटा भे च़ींन देसो, च़ींन रात्ती धर्ती गाशी भूंम्मी थाँई माँटी मुँझी रंह्दा।

मत्ती 16:21

तेसी बख्तो शुभें प्रभू यीशू आप्णे चैले खे बुल्दे लागे, “जरूर असो, के हाँव यरूशलेम खे ज़ाऊँ, अरह् यहूदी लोगो के ठगड़े अरह् प्रधान-याजकों, अरह् यहूदी-निय्म के शिखाँणों वाल़े के हाथे बैजाऐ भहिते दु:ख पाऊँ; अरह् मारा ज़ाऊँ; अरह् च़ीज़े का ऊबा जीऊँ।”

मत्ती 27:40

“अरे तू! तू तअ बुले थिया, के देऊँठी ढाल़ी दियों, अरह् हाँव ऐथू च़ीज़े को खड़ो करी देऊँबा, ऐबे आपु तअ बंचाऐयों दे:ख! जे तू पंणमिश्वर का बैटा असो, तअ ऊदा आ शुँल़ी-फ़ाँशी गैछ़ा।”

मत्ती 27:63

“महाँ-राजा, अमाँरें चींत्ते असो, के तेसी दुरंताणों भरमाणों वाल़े, ऐ जबे से जीऊँदा थिया, तअ से बुलो थियों, ‘हाँव च़ींन देसो पाछ़ी ऊबा जींऊँबा।’

मरकुस 14:58

“आँमें ऐसी ऐजो बुल्दे शुणा, के हाँव ऐजी हाथो के बाँणी अंदी देऊँठी ढाल़ी देऊँबा, अरह् च़ीज़े देसो भीतरी हजो ऊकी देऊँठी बाँणूबा, जू हाथो के बंणी अंदी ने हों।”

मरकुस 15:29

अरह् बाटो पूडे ज़ाँणों वाल़े मुँढो झ़िगाल़ी-झ़िगाल़ियों अरह् ऐजो बुलियों तिनकी नीदया-चुगली अरह् ठाठे पाड़दे लागे; के “हुऐ रे, देऊँठी का ढाल़िया अरह् च़ीज़े की पाछ़ू देऊँठी बाण्णों वाल़ा!

मरकुस 8:31

तबे प्रभू यीशू मसीया तिनू कैई शो ऐजो शिखाँदे लागे, के ऐजो जरूरी असो, के आदमी का बैटा बैजाऐ दु:ख भोग्दे, अरह् यहूदी लोगो के ठग्ड़ै, प्रधान-याजकों, अरह् यहूदी-निय्म, शिखाणों वाल़े, तिनू छुटे बाँण्ले, अरह् तेस्की हंत्त्या करी देले, अरह् से च़ींन देसो पाछी मरे अंदे मुँझ शे जीऊँदे हले।

यूहन्ना 11:25

प्रभू यीशू ऐ बुलो, “दुज़ाल़िऐं ऊबो जीऊँणों अरह् जीवन ‘हाँव’ ही असो; जुण्जा कुँऐं मुँह गाशी बिश्वाष करला, सेजा मँर्णो गाशी भे जीऊँदी रंह्दा।

यूहन्ना 5:19

प्रभू यीशू ऐ तिनखे जबाब दिता, “हाँव तुँओं खे ऐक खास बात बुलू, के बैटा आपु किऐ ने करी सक्दा, से सेजो ही करह्; जुण्जो से आप्णें बाबा कर्दे देखो, किन्देंखे के जुण्जे काँम-काज़ बाबा करह् सेजे ही काँम-काज़ बैटा भे करह्।

प्रेरितो कै काम 2:24

परह् पंण्मिश्वर ऐ, तीनू मंऊँत्ती की बैद्णीं शे छुड़ोऐयों पाछू ऊँबे जियाँल़े; किन्देखे के ऐजो मुँष्किल थियों, के से मंऊँत्ती के बषं दे रंह्दे;

प्रेरितो कै काम 2:32

पंण्मिश्वर ऐ तिन्ही यीशू हजो ऊबे जियाल़े, अरह् आँमें बादे ईयों बातो के गुवाह्-शाज़्त्त असो।

प्रेरितो कै काम 3:15

तुँऐं जीवन देंणों वाल़े माँरी दित्ते; परह् पंण्मिश्वर ऐं तिनू मँरे अँदे मुँझ्शे पाछ़ू ऊँबे जीयाल़े; जिन्दें के आँमें भे गुवाह्-शाज़्त्त असो।

प्रेरितो कै काम 3:26

पंण्मिश्वर ऐ तुओं लोगों खे आप्णाँ सेंवक यीशू मसीया हजो ऊबा जीयाल़ा, अरह् सोभी शा आगे तुओं लोगों कैई डेयाल़ा; जिन्दें लंई से तुओं मुँझ्शे ऐक नाँम आदमी बुराई शे फेरियों तिनखे आशिर्बाद दियों।”

प्रेरितो कै काम 6:14

आँमें ऐसी आदमी ऐजो बुल्दे शुँणीं थुवा, के सेजा ही यीशू नासरी ईयों जागा ढाल़ी देंदा; अरह् सेजी अज्ञाँ-निय्म जुण्जी के ऋषी-मूसा खे भेटी रंऐ थी, से तियों भे बद्ल़ी देंदा; जुण्जी तिन्ऐं आँमों खे देऐ थंऐ थी।”

रोमियों 4:24

परह् आँमों खे भे असो, जे आँमें तेसी पंणमिश्वर गाशी बिश्वाष करूबे, जिन्ऐं अमाँरे प्रभू यीशू मरे अंदे मुँझ्शे जीयाल़े, तअ आँमें भे आप्णें बिश्वाष के जाँणें पंणमिश्वर के नंजर दे बै-कसूर माँनें ज़ाँदे।

रोमियों 6:4

आँमें यीशू मसीया की मऊँत्ती दे नहाँण-नहाँणों शो आँमें भे तिनू आरी ईन्देंखे दाबी थुऐ, के जेशे दाँई यीशू मसीया परमं-पिता पंणमिश्वर की बड़ियाऐ वाल़ी शक्त्ति शे मरे अंदे मुझ्शे ऊबे जीऐं, तेष्णें ही आँमें भे ऐक नुवा जीवन पाऐ थुवा।

रोमियों 8:11

जे तेस्की ही आत्त्मा जिन्ऐं यीशू मरे अंदे मुँझ्शे जीऊँदे करे, से तुँओं दे बसे आँदें असो; तअ जिन्ऐं यीशू मसीया मरे अंदे मुँझ्षा जींऊँदा करा, से तुवाँरे देह्-शरीर भे आप्णी आत्त्मा के जाँणें जुण्जा तुँओं दा बसा अंदा असो, से जियाल़्दा ऐ।

1 कुरिन्थियों 15:12

ईन्देखे जबे मसीया का ऐजा प्रचार करा ज़ाँव, के मसीया मरे अंदे मुझ्शे ऊबे जीऐ, तअ तुँओं मुझ्शे कुऐं लोग कैई बुलो, के मरे अंदे मुझ्शे कुँऐं जीऊँदे ने हंदी?

कुलुस्सियों 2:12

अरह् जबे तुँऐ नहाँण-नहाँणों लई तिनकी गंईलो दाबे गुऐ; तअ तिनही की गंईलो बिश्वाष दे तुओं ऊँबे भे जीयाल़े गुऐ; जुण्जो के पंण्मिश्वर की शँक्त्ति लंई हों, जिन्ऐं मसीया भे मँरे अंदे मुँझ़्शे पाछ़ु ऊँबे जीयाल़ी थुऐ।

1 पतरस 3:18

किन्देंखे के मसीया ऐ भी अमाँरे पापों की ताँईऐं ऐकी बंई दु:ख भूगा, मतल्व जू बै-कसूर थिऐ, तिन्ऐं आँमों पापियों की ताँईऐं ऐकी बई मंऊँत्त कबूल करी, जू आँमों पंणमिश्वर के साम्णें नीयों, शरीर के भाव शे तअ से माँरी गुऐ, परह् पबित्र-आत्त्मा के भाव शे तिनू ऊबे जीयाल़े गुऐं।