यूहन्ना 2:11 - Sirmouri

¹¹ प्रभू यीशू ऐ गलील के काना नंगर दा ऐजा आगला ही चींह्न-चंम्त्तकार देखाऐयों आप्णी बड़ियाऐ पर्गट करी। अरह् तिनके चैले ऐ तिन गाशी बिश्वाष करा।

सिरमौरी नौवाँ नियम

¹¹ यीशुए गलील जिले कै काना नगर दा आपणा ऐजा आगला चौमत्कार का काम देखाएबा आपणै महिमा प्रगट कौरे औरौ तैसकै चैलै तैसी पांदी बिशवाश कौरा कै सै मसीह औसौ।

यूहन्ना 2:11 ပူးပေါင်းရင်းမြစ်များ

यूहन्ना 1:14

बचन देह्-धारी हुवा, तेने अमाँरे बीच डेरा पाया; कृपा अरह् संच्चाई शा भर-पुर हंऐयों, आँमें तेस्की ऐशी बंड़ियाऐ देंखी; जेष्णीं पंण्मिश्वर के ऐक्लोत्ते बैटे की बड़ियाऐ हों।

यूहन्ना 1:17

ज्ञाँन-निय्म जरूर ऋषी-मूसा के जाँणें भेटे थिऐ; परह् कृपा अरह् संच्चाऐ यीशू मसीया के जाँणें पंह्ऊँच़ीं।

यूहन्ना 1:43

दुज़ै देसे प्रभू यीशू ऐ गलील ईलाके खे ज़ाँणों का ईरादा करा। तबे तिनकी भेंट फिलिप्पुस शी हंऐ, अरह् तिन्ऐं तेस्खे बुलो, “मुँह पाछ़ी आओ।”

यूहन्ना 1:50

प्रभू यीशू ऐ जबाब दिता, “मुँऐं ताँव्खे बुलो, के ‘मुँऐ ताँव तेरंम्ल़ी के डाल़ो थाँई देखा’; कियों तू ईन्देंखे बिश्वाष करे? तुऐं ईन्दें शे भे बड़े काँम देख्ले।”

यूहन्ना 10:41

अरह् तेथै तिन कैई बैजाऐ लोग आँदें लागे, अरह् से ऐजो बुल्दे लागे, के “संत्त-यूहन्ना नहाँण-कराणों वाल़े ऐं, तअ किऐ भे च़ींह्न-चंम्त्तकार ने देखाई; तबे भे जुण्जो किऐ तिन्ऐ ईनके बारे दो बुलो, सेजो सब-कुँछ साच्चो असो।”

यूहन्ना 11:15

ऐजो तुवाँरी भलाई खे असो, के हाँव तेथै ने थी; जिन्दें लई तुऐ बिश्वाष करह्, परह् ऐबे चालो आमें तेस कैई ज़ाँऊबे।”

यूहन्ना 11:47

तबे मुँख्या-याजकों अरह् यहूदी भाट्-बाँम्णें ऐ; ऐक खह्त्ती की बैजाऐ बड़ी खुम्ल़ी कंट्ठी करियों बुलो, के ऐबे “आँमें तेस्को का करह्? ऐने आदमी ऐं तअ बैजाऐ चींह्न-चंम्त्तकार देखाऐ लुऐ।

यूहन्ना 12:18

ईन्देंखे बैजाऐ भहित्ते लोग प्रभू यीशू मिल्दे आऐ रूऐ थिऐ, अरह् तिनके आँणों कंट्ठै हंणों का कारण ऐजा भे थिया; के तिन्ऐ प्रभू यीशू के सेजे च़ींह्न-चंम्त्तकार के बारे दो शुँणीं थो थियों।

यूहन्ना 12:37

प्रभू यीशू ऐ तिनके सहाँम्णें ऐत्रें चींह्न-चंम्त्तकार देखाऐ, तबे भे तिन्ऐ तिन गाशी बिश्वाष ने करी;

यूहन्ना 12:41

ऋषी-यशायाह ऐ ऐजो ईन्देंखे बुलो, के तिन्ऐ मसीया के बड़ियाऐं देखी थी; अरह् तबे तिन्ऐं तिनके बारे दी ऐजी बातो बुली।

यूहन्ना 14:13

मेरे नाँव शो तुऐ जुण्जो किऐं माँगले, हाँव सेजो पुरो करूबा; जिन्दें लई बैटे के जाँणें, बाबा के बड़ियाऐ पर्गट हों।

यूहन्ना 16:27

बाबा आपु भे तुओं आरी प्यार करह्, किन्देंखे के तुऐं मुँह आरी प्यार करी थो; अरह् ऐजा भे बिश्वाष करी थुवा, के हाँव बाबा की ढबै शा आऐ रूवा।

यूहन्ना 16:30

ऐबे आँमें संम्झी गुऐ, के तुँऐं सब-कुछ जाँणों ऐं; अरह् ऐबे तुओं कैई शे सुवाल-जबाब कर्णो के किऐ भे जरूरत्त ने आथी, ईन्देंखे आँमें बिश्वाष करह्; के तुऐं पंण्मिश्वर की तरफ़ शे आऐ रूऐ।”

यूहन्ना 2:1

च़ीज़ै देसे गलील ईलाके के काना नंगर दा कोसी के जाज्ड़ा थिया, अरह् प्रभू यीशू की माँ भे तेथै आऐ रऐ थी।

यूहन्ना 2:23

जबे प्रभू यीशू फ़सह के तैयारह् के बख्त्ते यरूशलेम दे थिऐ, तअ तिनके जाँणें बैजाऐ चींह्न-चंम्त्तकार देखाऐ ज़ाँव थिऐ, तबे तिनके नाँव गाशी बैजाऐ लोगें ऐ बिश्वाष करा।

यूहन्ना 3:2

से रात्ती के बख्ते प्रभू यीशू कैई आया, अरह् तेने बुलो, “हे रब्बी (हे गुरू जी!) आँमें जाँणों ऐ; के तुँऐं पंण्मिश्वर के बंणाँऐ अंदे गुरू असो! किन्देंखे के तुऐं जुण्जे भे चींह्न-चम्त्तकार देखाँव, तिनू कोऐं भे आदमी ताँव तोड़ी ने देखाऐ सक्दा; जाँव तोड़ी के पंण्मिश्वर तेस्की गंईलो ने हों।”

यूहन्ना 4:3

तबे प्रभू यीशू अरह् तिनके चैले यहूदा ईलाका छुड़ियों हजो गलील ईलाके दे हुटे;

यूहन्ना 4:46

तबे प्रभू यीशू हजो गलील ईलाके के काना नंगर दे आऐ, जेथै तिन्ऐं पाँणी का दाख्ह रंस बाँणा थिया; तेथै तेसी राज्य का ऐक हाकम थिया, जेस्का बैटा कफ़रनहूम नंगर दा बीमार थिया।

यूहन्ना 4:54

ऐजा प्रभू यीशू का दुज़ा चंम्त्तकार थिया, जुण्जा तिन्ऐं यहूदिया प्रदेश शा आऐयों गलील ईलाके दा करा।

यूहन्ना 5:23

जिन्दें लई बादे लोग बैटे के भे तेष्णी ही आदर-ईज्जत करह्; जेष्णीं बाबा के आदर-ईज्जत करह्; किन्देंखे के जुण्जा कुँऐं बैटे की आदर-ईज्जत ने करदा, से बाबा के भे आदर-ईज्जत्त ने करदा; जिन्ऐं आप्णाँ बैटा डेयाल़ी थुवा थिया।

यूहन्ना 6:14

तबे लोगे ऐ प्रभू यीशू का ऐजा चींह्न-चंम्त्तकार देखियों बुलो, “पाक्का ही ऐ सेजा ऋषी हंणाँ, जुण्जा के ईयों संईसारी दा आँणों वाल़ा थिया।”

यूहन्ना 6:2

अरह् ऐक लोगो के बैजाऐ बड़ी बै-शुमाँर भीड़ तिनू पाछ़ी चाली, किन्देंखे के जुण्जे चींह्न-चंम्त्तकार प्रभू यीशू रोगी-बीमाँर चाँग्गै करियों देखाँव थिऐ; से तिन्दें देख्दे आँव थिऐ।

यूहन्ना 6:26

प्रभू यीशू ऐ तिनखे जबाब दिता, “हाँव तुँओं खे खास बात बुलू; के तुँऐं मुँह ईन्देंखे ने जुऐ लई, के तुँऐं चींह्न-चंम्त्तकार देखे, परह् तुऐं मुँह ईन्देंखे, जुऐ लुवा के तुँऐं छ़:कियों रोटी खाऐ थंई।

यूहन्ना 6:30

ईन्दें गाशी तिनू लोगे ऐं प्रभू यीशू शो पुछ़ो, के “तुऐं आँमों कैई शे कुँण्जे चींह्न-चंम्त्तकार देखाऐ सको, जिनू देखियों आँमें तुओं गाशी बिश्वाष करह्?

यूहन्ना 7:31

तबे भे लोगो की भीड़ मुँझ्शा बैजाऐ लोगे ऐं प्रभू यीशू गाशी बिश्वाष करा; अरह् से आपु मुँझी बुल्दे लागे, के जबे “मसीया आले, तअ कियों से ऐसी आदमी शे भे जादा चींह्न-चंम्त्तकार देखाँदे?”

यूहन्ना 9:16

ईन्दे गाशी किऐ यहूदी भाट-बाँम्णें ऐं बुलो, “सेजा आदमी पंण्मिश्वर की ढबे शा ने आऐ रंई; किन्देंखे के से बिषाँव के देसो का किऐ भे पाल़्ण ने करदा।” अरह् किऐ लोगे ऐ बुलो, “तअ तबे पापी आदमी ऐष्णें चींह्न-चंम्त्तकार किऐ-किऐ देखाऐ सको?” तबे ईयों बातो लई तिनू सोभी लोगो मुँझी भेद्-भाव लई फूट पड़ी।

2 कुरिन्थियों 3:18

परह् जबे आँमों सोभी के खुलै मुँख्ड़े शा प्रभू का त्तेज-प्रकाष ऐशा दाँई पर्गट हों, जैष्णाँ के सिस्सै दा साफ नंजर आँव, तअ प्रभू के जाँणें जू आत्त्मा असो, आँमें तैसी ही त्तेजमंऐं सरूप दे अंष-अंष बदल़्दे ज़ाँव।

2 कुरिन्थियों 4:17

किन्देखे के अमाँरा ऐगड़ी का दाँणिंक जिया कल़ेष आँमों खे बैजाऐ प्रभू यीशू के अरह् हमेशा की बड़ियाऐं पय्दा करदा ज़ाँव जिन्दें बरा-बरी ने करी ज़ादी;

2 कुरिन्थियों 4:6

किन्देंखे के पंण्मिश्वर ही असो, जिन्ऐं बुलो, “ईनाँरें मुँझ्शी ज्योत्ति-चंम्को,” अरह् सेही अमाँरे सासो दी चंम्की, के पंण्मिश्वर की बड़ियाऐ की पंछ़याँण की चंम्क यीशू मसीया के मुँख्ड़े शी प्रकाषमाँन हऐ।

1 यूहन्ना 5:13

मुँऐ तुँओं खे ऐजो सब-कुछ ईन्देंखे लिखी थो, के तुँऐं जुण्जे पंण्मिश्वर के बैटे के नाँव अरह् हंक-अधिकार गाशी बिश्वाष करह्, से ऐजो जाँणी पाँव, के हमेशा खे सदा-सदा का अमर-जीवन तुवाँरा ही असो।