यूहन्ना 19:35 - Sirmouri

³⁵ जेने सपाई ऐं ऐजो देखो, तेने गुवाऐ-शाज़्त्त दिती; अरह् तेस्की गुवाऐ-शाज़्त्त साच्ची थी; से ऐजों जाँणों थिया, के ऐने साच्चो बुली लो, जिन्दें लई तुऐं भे बिश्वाष करह्।

सिरमौरी नौवाँ नियम

³⁵ जैसी आदमीए ऐजौ सौबै दैखौ, तैणै ऐजी गवाही दी की तुऐं बै यीशु पांदी बिशवाश कौरौ; जिथुकै तैसकै गवाही साची औसौ। औरौ सै जाणौए कै सै साचौ बौल़ौ।

यूहन्ना 19:35 ပူးပေါင်းရင်းမြစ်များ

यूहन्ना 11:15

ऐजो तुवाँरी भलाई खे असो, के हाँव तेथै ने थी; जिन्दें लई तुऐ बिश्वाष करह्, परह् ऐबे चालो आमें तेस कैई ज़ाँऊबे।”

यूहन्ना 11:42

हाँव जाँणू थिया, के तू सदा मेरी प्रार्थना शुँणें। परह् मुँऐं ऊडे-पुडे खह्ड़े हुऐं अंदे आदमी के कारण ऐष्णों बुली लो; जिन्दें लई ऐ बिश्वाष करह्, के तुँऐं ही मुँह डेयाल़ी थुवा।”

यूहन्ना 14:29

ऐजी घट्णाँ घट्णों शो आगे ही मुँऐ तुओं कैई सब-कुछ़ बुली थो, किन्देंखे के जबे ऐजी घट्णाँ घटो; तअ तुऐं बिश्वाष करह्।

यूहन्ना 15:27

अरह् तुँऐं भे मेरे बारे दी गुवाऐ-शाज़्त्त देले; किन्देंखे के तुऐं शुरू शे ही ऊँबे मेरी गईलो रंऐ रूऐ।

यूहन्ना 19:26

प्रभू यीशू ऐ आप्णी माँ, अरह् तेसी चैला, जुण्जा प्रभू यीशू के प्यारा थिया; तेसी भे आप्णीं माँ कैई खह्ड़ा देखा, तअ तिन्ऐं आप्णीं माँ खे बुलो; “हे माँ! ऐजा तेरा बैटा असो।”

यूहन्ना 20:31

परह् ईन्दें का बखाँण ईन्देंखे दिया गुवा, जिन्दें लंई तुऐं बिश्वाष करह्; के यीशू ही पंण्मिश्वर का बैटा मसीया असो; अरह् आप्णें ऐसी ही बिश्वाष के कारण तिनके नाँव शा अमर-जीवन पाँव।

यूहन्ना 21:24

से सेजा ही चैला असो, जुण्जा ईन सोभी घह्टणाँ का गुवाह्-शाज़्त्त असो; अरह् जेने ऐजी बादी बातो आप्णीं आखिऐ देखी-शुँणीं अरह् लिखी थंई; अरह् आँमें भे ऐजो जाँणों ऐं, के तेस्की गुवाऐ-शाज़्त्त बिलकुल साच्ची असो।

प्रेरितो कै काम 10:39

प्रभू यीशू ऐं जुण्जो किऐ यहूदा ईलाके अरह् यरूशलेम दो करो, तिन्दें के गुवाह्-शाज़्त्त आँमें असो; तिनू ही यीशू मसीया लोगें ऐ शुँल़ी-फ़ाँषी दे देऐयों माँरी दिते।

रोमियों 15:4

जेतोड़ी बातो आगे ही पबित्र-ग्रन्थों दी लिखी थई, से अमाँरी ही शिक्क्षा खे लिखी गई थी, के आँमें धीरज-सबेर अरह् पबित्र-ग्रन्थों की हिम्मत्त के जाँणें भूर्षा थों।

1 पतरस 5:1

तुँओं मुँझी जुण्जे ठग्ड़ै आदमी असो, हाँव, तिनू जैष्णा ठग्डा अरह् मसीया के दु:खों का गुवाह्-शाज़्त अरह् पर्गट हंणों वाल़ी बड़ियाऐं दा साजी हऐयों तिनू ऐशे सम्झाऊँ

1 यूहन्ना 5:13

मुँऐ तुँओं खे ऐजो सब-कुछ ईन्देंखे लिखी थो, के तुँऐं जुण्जे पंण्मिश्वर के बैटे के नाँव अरह् हंक-अधिकार गाशी बिश्वाष करह्, से ऐजो जाँणी पाँव, के हमेशा खे सदा-सदा का अमर-जीवन तुवाँरा ही असो।

3 यूहन्ना 1:12

दिमेत्रियुस के बारे दी सोभी लोगे आछ़ी गुवाऐ-शाज़्त दिती; ऐथै तोड़ी के सच्चाऐ आपु भी ऐष्णों करह्; अरह् हाँव भे तिनके बारेदे ऐजी ही गुवाऐ-शाज़्त देऊँ, अरह् तुँऐं भे जाँणोंऐं के अमाँरी गुवाऐ-शाज़्त साच्ची असो।