यूहन्ना 19:30 - Sirmouri

³⁰ जबे प्रभू यीशू ऐ तेसी सिरका चाखा तअ बुलो, के “सब-कुछ पुरो हंऐ गो।” अरह् तिन्ऐं आप्णों मुँढ नाँऐयों आप्णें प्राँण छुह्ड़ी दित्ते।

सिरमौरी नौवाँ नियम

³⁰ जोबै यीशुए सैजा अंगूर का रस पिया, औरौ बौल़ौ, “पूरा हौं” औरौ मुंड झुकायो कै सै मौरे गौआ।

यूहन्ना 19:30 ပူးပေါင်းရင်းမြစ်များ

मत्ती 20:28

ठीक तेष्णा के आदमी का बैटा; ईथै ईन्देंखे ने आई, के आप्णीं सेवा कराँव; परह् से ईन्देखे आया, के सेवा करह्, अरह् भहिते लोग छुड़ोणों की ताईऐ आप्णा जीवन पराँण भे बल़ीदाँण करी दियों।”

मत्ती 27:50

तबे यीशू ऐ ऐकी बंई हजो जुराल़ी लेरंह् मारियों बुलो, अरह् आप्णें पराँण, छुड़ी दिते।

मत्ती 3:15

प्रभू यीशू ऐ तेस्खे ऐजा जबाब दिता, “ऐबे तअ ऐष्णों ही हणों दे, किन्देखे के आँमों खे पंणमिश्वर के धार्मिक्त्ता ईन्दी ही पुरी हों, आँमों खे ऐष्णों कर्णो ही ठीक असो।” तबे संत्त-यूहन्ना ऐ प्रभू यीशू की बात माँनी पाऐ।

मरकुस 15:37

जुराल़ी लेर माँरियों प्रभू यीशू ऐ आप्णें पराँण छुड़ी दिते।

लूका 22:37

किन्देंखे के हाँव तुँओं खेे बुलू, के ऐष्णों कर्णों जरूरी असो; के पबित्र-ग्रन्थों का सेजा लेख मुँदा ही पुरा हंदा: के तेसी ‘कुकर्णी कर्णो वाल़े आरी गीणाँ ज़ाँदा।’ अरह् जुण्जो किऐ मेरे बारे दो लिखी भे थो, सेजो सब-कुछ जरूर पुरो हंदो।”

लूका 23:46

अरह् प्रभू यीशू ऐ जुराल़ी लेंरंह् मारियों बुलो, “हे परंम-पिता! हाँव आप्णी आत्त्मा तुवाँरे हाथो दे देऐ देऊँ;” अरह् तिन्ऐं ऐजो बुलियों आप्णें पराँण छ़ुड़ी दिते।

यूहन्ना 10:11

“आछा भैंड़वाल़ा हाँव असो: आछा भैड़वाल़ा आप्णीं भैंड़ो की ताँईऐं आप्णी जीयाँन-प्राँण देऐ दियों।

यूहन्ना 10:18

कुँऐ भे मेरी जीयाँन-प्राण मुँह कैई शी आगु ने करी-द्ड़ी सक्दा, परह् मुँऐ आप्णीं जियाँन-प्राँण आप्णीं ही हिछ़या शे भेंट करी लऐं, अरह् मुँखे हजों आप्णीं जीयाँन-प्राण पाँछ़ू लणों का हंक-अधिकार भे बाबा ऐ आपु ही देऐ थुवा; जुण्जा के मुँह बाबा की ही तरफ़ शा भेटी रूवा।”

यूहन्ना 17:4

जुण्जे काँम-काज़ तुँऐं मुँह कैई कर्णो खे देऐ थुऐ थिऐ, सेजे काँम-काज़ पुरे करियों; मुँऐं ईयों धर्त्ती गाशी तुवाँरी महाँ बड़ियाऐ करी थंऐ।

यूहन्ना 19:28

ईन्दें पाछ़ी जबे प्रभू यीशू ऐ ऐजो जाँणीं पाव, के ऐबे सब-कुछ पुरो हऐ गुओं; तअ पबित्र-ग्रन्थों का सेजा लेख्ह पुरा कहर्णो खे बुलो; “हाँव च़ींषा असो”।

यूहन्ना 4:34

ईन्दे गाशी प्रभू यीशू ऐ चैले खे बुलो, “जिन्ऐं मुँह डेयाल़ी थुवा; तिनकी हिछ़्या गाशी चाल्णों, अरह् तिनका काँम-काज़ पुरा करणाँ ही मेरा भोजन असो।

रोमियों 10:4

किन्देंखे के मसीया ऋषी-मूसा खे भेटे गुऐं निय्म आपु पुरे करह्, अरह् आपु गाशी बिश्वाष कर्णो वाल़े खे पंणमिश्वर की नंजर दे बै-कसूर बंणाँव।

रोमियों 3:25

पंणमिश्वर यीशू मसीया के बल़ीदाँण गाशी बिश्वाष कर्णो के जाँणें पाप शा मुँक्त्ति देणों खे बाट बरंम्बाणीं, अरह् बिश्वाष कर्णो वाल़े आप्णी नंजरी दे बै-कसूर बाँणें, पंणमिश्वर ऐजो साबित कर्णो खे ऐशो करह् अरह् आप्णी संह्नशक्त्ति पर्गट कर्णो खे ऐष्णों करो, अरह् ऐष्णों करियों तिन्ऐं अमाँरे पाछले जीवन के पाप नंजर अंन्दाज करे।

1 कुरिन्थियों 5:7

ऊदी फैरकाव ऐजी खटयाऐं आपु शी, जू तुँओं दी नुऐं बाटे अंदे आटे की जैऐं खंणेण आँव; किन्देंखे के अमाँरा फ़सह तअ मसीया की कुरबाँणी लई पुरा हऐ रूवा।

फिलिप्पियों 2:8

आपु आप्खे दीन-गंरीब करियों मँऊत्त, होर, शुँल़ी-फ़ाँशी की मँऊत्ती तोड़ी आज्ञाँ कारी रंऐयों, आपु खे किऐ नें जाँणीं,

इब्रानियों 12:2

आँमें आप्णीं नंजर प्रभू यीशू दे थंह्, जुण्जे अमाँरे बिश्वाष के अगुवाल़ असो, अरह् सिद्ध कर्णो वाल़े असो; जिन्ऐं तेसी आँनन्द खे जुण्जा तिनखे आगे ही बंणाँऐ थुवा थिया; अरह् तिन्ऐं आप्णीं बैस्त्ति का किऐ भे फीकर ने करी, अरह् सेजी शुँल़ी-फ़ाँशी की मंऊँत्त संह्ऐन करी; अरह् पंण्मिश्वर के सिगाँस्णों के सुऐं ढंबै बंईठी गुऐ।

इब्रानियों 9:22

अरह् अज्ञा-निय्म के मुँताबिक मंतल्व; ऐक नाँम चींजो लह्ऊँ के छ़िड़कावे के कारण शुद्ध करी गंई; अरह् बल़ीदाँण के लह्ऊँ के बिना पाप खे माँफ़ी भेंट्णीं सुखी ने आथी।