यूहन्ना 18:36 - Sirmouri

³⁶ प्रभू यीशू ऐ जबाब दिता, “मेरो राज्य ईयो संईसारी को ने आथी; जे मेरो राज्य ईयों संईसारी को हंदो, तअ मेरी परजा लड़ाऐ कर्दी; अरह् मुँह यहूदी अगवाल़ लोगों के हवाले ने करा ज़ाँदा थिया; परह् मेरो राज्य ईथै को ने आथी।”

सिरमौरी नौवाँ नियम

³⁶ यीशुए जोवाब दिया, मैरा राज्य इयौं दुनिया का ना आथी जै मैरा राज्य इयौं दुनिया का हौंदा, तौ जोबै हांव यहूदी नेता कै दवारा गिरफ्तार हौआ तौ मैरै चैलै इथकारिए लौड़ाए कौरौ थिए, पौरौ ऐबै मैरा राज्य इथै का ना आथी।

यूहन्ना 18:36 ပူးပေါင်းရင်းမြစ်များ

मत्ती 26:53

कियों तू जाँण्दा ने, के हाँव आप्णे पिता शी बिनती-अरज करी सकूँ; अरह् से स्वर्गदूत्त की बारह् पल़्टणों शी जादा हेभी मुँह कैई हाजिर करी देला?

लूका 12:14

प्रभू यीशू ऐ तैस्खे बुलो, “हे भाऐ! कुँणें मुँह तुवारा पंच सियाँणा बंणाऐं थुवा; के हाँव तुवाँरा बाँडा-बंडाऊँ?”

यूहन्ना 18:35

हाकम-पिलातुस ऐ जबाब दिता, “कियों हाँव भे यहूदी असो? तुवाँरे आप्णीं ही जात्ती के लोगे ऐ, अरह् मुँख्या-याजक ऐं, ताँव मेरे हवाले करी थुवा; ऐबे बुल, ऐष्णों तुऐं का करी थो?”

यूहन्ना 6:15

जबे प्रभू यीशू ऐ ऐजो जाँणी पाव, के लोग तिनू राजा बाँण्णों खे ऊडा थाँहम्बड़णाँ चहाँव, तअ से ऐक्ली ही हजो धारोह् गाशी हुटे।

यूहन्ना 8:15

तुँऐं आदमी की नंजरिऐं शा नियाँव करह्; परह् हाँव कोसी का नियाँव ने करदा।

रोमियों 14:17

किन्देंखे के पंणमिश्वर को राज खाँणों-पिणों ने, परह् नियाँव, अरह् मेल-मिलाप, अरह् सेजा आँनन्द-खुशी असो, जू पबित्र-आत्त्मा शा हों।

1 तीमुथियुस 6:13

हाँव तुँओं खे तेसी पंण्मिश्वर का जू ऐक नाँम पराँणी जीऊँदें थंह्, अरह् यीशू मसीया तुवाँरा गुवाह्-शाज़्त्त अरह् हाजीर जाँणियों जिनिऐ हाकम-पुन्तियुस, पिलातुस के सहाँम्णें आछ़ो कबूल करियों माँनी पाव; अरह् हाँव तुओं खे ऐजी अज्ञाँ देऊँ,