यूहन्ना 18:33 - Sirmouri

³³ तबे हाकम-पिलातुस हजो पाछू मंहलो दा भिठा हुटा, अरह् तेने प्रभू यीशू बऐदियों तिन कैई शो पुछो, “कियों तू यहूदियों का राजा असो?”

सिरमौरी नौवाँ नियम

³³ तोबै राज्यपाल पिलातुस महल कै भीतरै हौटा औरौ यीशु खै बोयदयो पूछु, “का तू यहूदी लोगौ का राजा औसौ?”

यूहन्ना 18:33 ပူးပေါင်းရင်းမြစ်များ

मत्ती 27:11

जबे यीशू हाक्मों के साम्णें खड़ा थिया, तअ हाक्में तेस्शो पुछो, “कियों तू यूहदियों का राजा असो?” प्रभू यीशू ऐ तेस्खे बुलो, “तुँऐं आपु ही बुली लों।”

मत्ती 27:27

तबे हाक्मों के सपाईऐं यीशू किले दा नीईयों बादी पल़्टणं तेसी बाऐरी चौऊँ ढबे कठी हऐ,

मरकुस 15:2

हाक्म पिलातुस ऐ प्रभू यीशू शो पुछो, “कियों यहूदियों का राजा तू असो?” प्रभू यीशू मसीया ऐ तैस्खे जबाब दिता, “तुँऐं आपु ही बुली लो।”

लूका 23:2

अरह् तिनू सभिऐं प्रभू यीशू गाशी ऐजा दोष-ईल़जाम लाया: के “आँमें ऐसी अमाँरे लोग ऐशे दूरताँदे शुँणी थुवा, के महा-राजा संम्राट खे कंण-माँम्ला ने दिऐ; अरह् आपु खे ऐ मसीया अरह् राजा बुलो।”

यूहन्ना 1:49

नतनेएल ऐ प्रभू यीशू खे जबाब दिता, “हे रब्बी, गुरूजी! तू सोत्तिखे पंण्मिश्वर का बैटा असो: तू ही इस्राएल का महाँन राजा असो।”

यूहन्ना 12:13

ईन्देंखे तिनू सोभी लोगे ऐं हाथो दी खज़ूर की डाल़ी करी, अरह् सू-स्वागतम् कर्दे प्रभू यीशू कैई आऐ; अरह् तिनू सोभिऐ ऐजा नाँरा लाया, “होसन्ना! होसन्ना! भागोईंत्त असो; इस्राएल का राजा, जुण्जा प्रभू के नाँव शा आँदा लागा।”

यूहन्ना 12:15

“हे सिय्योन की बैटी, डरे ने; देख, तेरा राजा गाद्ड़ू गाशी बऐठियों आँदा लागा।”

यूहन्ना 18:34

प्रभू यीशू ऐ जबाब दिता, “कियो ऐजा तुवाँरे आप्णाँ बिचार असो; के कोसी ओकी आदमी ऐं, तुओं कैई मेरे बारे दो बुली थुओं?”

यूहन्ना 18:37

ईन्दें गाशी हाकम-पिलातुस ऐ तिनखे बुलो, “तअ तू राजा असो?” प्रभू यीशू ऐ जबाब दिता, “तुऐं ठीक ही बुली लो; हाँव राजा असो! हाँव ईन्दी ही खे पय्दा हऐ रूवा; अरह् ईयों संईसारी दा मेरे आँणों का कारण ऐजा ही असो! के हाँव सच्चाई के गुवाऐ-शाज़्त्त देऊँ; किन्देंखे के ऐक नाँम आदमी जुण्जा साच्चा असो, से मेरो शुँणों।”

यूहन्ना 18:38

“का असो, साच्चो?” हाकम-पिलातुस ऐं प्रभू यीशू कैई शो पुह्छो। हाकम-पिलातुस ऐं प्रभू यीशू कैई शो हजो पुह्छ़ो, “साच्चो का असो?” ऐजो बुलियों से मंह्लो शा हजो बाँईडा हुटा, अरह् यहूदी अगवाल़ लोगों खे ज़ाऐयों बुल्दा लागा; के “हाँव ऐस्दा किऐ भे दोष-कसूर ने जाँण्दा।

यूहन्ना 19:12

ईन्दें गाशी हाकम-पिलातुस ऐ प्रभू यीशू छुह्ड़णों की बैजाऐ कोशिष करी; परह् यहूदी अगवाँल़ लेल्याँऐ-लेल्याँऐयों बुल्दे लागे; “जे तू ऐसी आदमी छुह्ड़ी देईला, तअ तू कैसर का साथी ने आथी; परह् जुण्जा कुँऐं आपु-आप्खे राजा बुलो, से रोमन महाँ राजा कैसर का बिरोध करह्।”

यूहन्ना 19:3

अरह् से ऐक-ऐक करियों प्रभू यीशू के सहाँम्णें आऐयों बुल्दे लागे, “हे यहूदियों का राजा नंमष्कार!” अरह् तिनदी थापै लाँव थिऐ,

यूहन्ना 19:4

तबे हाकम-पिलातुस हजो मंह्लो शा बाँईडा हुटा, अरह् लोगों खे बुल्दा लागा; “देखो, मुँऐ तेसी आदमी तुओं लोगो कैई बाँईडा आँणी लुवा, जिन्दें लंई तुऐं भे ऐजो जाँणी पाँव, के हाँव ऐस्दा किऐ भे दोष-कसूर ने जाँण्दा।”

यूहन्ना 19:9

तबे हाकम-पिलातुस हजो मंह्लों दा भीटा हुटा, अरह् तेने प्रभू यीशू कैई शो पुछ़ो, “तुऐं केथै के असो?” परह् प्रभू यीशू ऐ तेस्खे किऐ भी जबाब ने दित्ती।

1 तीमुथियुस 6:13

हाँव तुँओं खे तेसी पंण्मिश्वर का जू ऐक नाँम पराँणी जीऊँदें थंह्, अरह् यीशू मसीया तुवाँरा गुवाह्-शाज़्त्त अरह् हाजीर जाँणियों जिनिऐ हाकम-पुन्तियुस, पिलातुस के सहाँम्णें आछ़ो कबूल करियों माँनी पाव; अरह् हाँव तुओं खे ऐजी अज्ञाँ देऊँ,