यूहन्ना 18:11 - Sirmouri

¹¹ प्रभू यीशू ऐ संत्त-पतरस खे बुलो, “आप्णी तरवार पाछ़ू मियाँनों दी थो! कियों जुण्जा दु:ख्ह का बैलुवा बाबा ऐ, मुँह्खे देऐ थुवा, कियों हाँव तेसी पीऊँ ने?”

सिरमौरी नौवाँ नियम

¹¹ तोबै यीशुए पतरसो खै बौल़ौ, आपणै तलवार म्‍यान दै राख। जू दुख मैरै पिता पौरमेशवरे मुखै दैय राए, का हांव तैसी ना सोऊं?

यूहन्ना 18:11 ပူးပေါင်းရင်းမြစ်များ

मत्ती 20:22

प्रभू यीशू ऐ तियों खे जबाब दिता, “तुँऐं ने जाँण्दी के तुँऐं का माँगी लों। जुण्जा दुख मेरे सहंणाँ कियों तुँऐं संह्ऐंन करी पाँदे?” तिनिऐं तिन्खे बुलो, पिं-पाँदे

मत्ती 26:39

तबे से दाँणिक आगुड़े हुटियों उटमुँल़े खे पड़े, अरह् ऐजी प्रार्थना करी, “हे मेरे पिता जे हऐ सको तअ ऐजा बड़ा दु:ख मुँह गाशी आँणों शा टल़ी दियों, तबे भे जेष्णों हाँव चहाँऊ तेष्णों ने, परह् जेष्णों तुँऐं चहाँव तेष्णों ही हों।”

मत्ती 26:42

तबे प्रभू यीशू ऐ दुज़ाल़िऐं ज़ाऐयों ऐजी ही प्रार्थना करी, “हे पिता जे ऐजा दु:ख मुँखे दिऐं बिना टल़ी ने सक्दा; तअ ईन्दी मेरी ने परह् तुँवारी हिछ़या पुरी हों।”

लूका 12:30

किन्देंखे के संईसारी दे बादे बै-बिश्वाषी लोग भे ईयों ही खोज-ताक दी रंह्; परह् तुवाँरा स्वर्गो का बाबा जाँणों ऐ, के तुओं ईन सोभी चींजो के जरूरत्त असो।

लूका 22:42

“हे बाबा! जे तुऐं चहाँव तअ ऐजा दुं:ख्ह का बैलुवा मुँह कैई शा दुरका करी सको; तबे भे मेरी ने परह् तुवाँरी हिछ़्या पुरी हऐ चेंई।”

यूहन्ना 15:10

जे तुँऐं मेरे प्यार दे पाक्कै बंणें अंदे रंह्ले, तअ तुऐं मेरी अज्ञाँयों का पाल़्ण कर्ले; जेष्णाँ हाँव आप्णें बाबा की अज्ञाँयों का पाल़्ण करदा आऐ रूवा, अरह् तिनके प्यार दा पाक्का बंणाँ अंदा रंह्ऐ रूवा।

यूहन्ना 17:24

हे बाबा! मेरी हिछ़्या ऐजी असो, के ऐजे लोग भे जिनू तुऐं मुँह कैई देऐ थुऐ; ऐ भे मेरी गंईलो, तेथी रंह्; जेथै हाँव असो, के ऐ मेरी सेजी बड़ियाऐ देखी सको; जुण्जी तुऐं मुँखे देऐ थंऐ थी, किन्देंखे के ईयों संईसारी की रंचणाँ कर्णो शो आगे भे तुऐं मुँह आरी प्यार करह् थिऐ।

यूहन्ना 18:36

प्रभू यीशू ऐ जबाब दिता, “मेरो राज्य ईयो संईसारी को ने आथी; जे मेरो राज्य ईयों संईसारी को हंदो, तअ मेरी परजा लड़ाऐ कर्दी; अरह् मुँह यहूदी अगवाल़ लोगों के हवाले ने करा ज़ाँदा थिया; परह् मेरो राज्य ईथै को ने आथी।”

यूहन्ना 20:17

प्रभू यीशू ऐ तियों खे बुलो, “मुँह, ने छुऐं! किन्देंखे के हाँव ऐभी तोड़ी आप्णें बाबा कैई ऊँबा ने हुटी रंई”; परह् मेरे भाईयों कैई ज़ाऐयों ऐजा शुझ़ा दे, के “हाँव आप्णें बाबा, अरह् तुवाँरे बाबा, अरह् आप्णें पंण्मिश्वर, अरह् तुवाँरे पंण्मिश्वर कैई ऊबा ज़ाँदा लागा।”

2 कुरिन्थियों 10:4

किन्देंखे के अमाँरी लड़ाई के हथ्यार देह्-शरीर के ने आथी, परह् गढ़ ढाल़्णों खे पंण्मिश्वर के कारण शक्त्तिशाली असो।

2 कुरिन्थियों 6:7

साच्चे पियार दे, सच्चाई के बचन दे, पंण्मिश्वर की शक्त्ति दी, धार्मिक्त्ता के शाँन्द्रो शे जू सुऐं-डेरे हाथों दे असो,

इब्रानियों 12:2

आँमें आप्णीं नंजर प्रभू यीशू दे थंह्, जुण्जे अमाँरे बिश्वाष के अगुवाल़ असो, अरह् सिद्ध कर्णो वाल़े असो; जिन्ऐं तेसी आँनन्द खे जुण्जा तिनखे आगे ही बंणाँऐ थुवा थिया; अरह् तिन्ऐं आप्णीं बैस्त्ति का किऐ भे फीकर ने करी, अरह् सेजी शुँल़ी-फ़ाँशी की मंऊँत्त संह्ऐन करी; अरह् पंण्मिश्वर के सिगाँस्णों के सुऐं ढंबै बंईठी गुऐ।