यूहन्ना 17:24 - Sirmouri

²⁴ हे बाबा! मेरी हिछ़्या ऐजी असो, के ऐजे लोग भे जिनू तुऐं मुँह कैई देऐ थुऐ; ऐ भे मेरी गंईलो, तेथी रंह्; जेथै हाँव असो, के ऐ मेरी सेजी बड़ियाऐ देखी सको; जुण्जी तुऐं मुँखे देऐ थंऐ थी, किन्देंखे के ईयों संईसारी की रंचणाँ कर्णो शो आगे भे तुऐं मुँह आरी प्यार करह् थिऐ।

सिरमौरी नौवाँ नियम

²⁴ ओए रै पिता, हांव चोऊं कै जिनु लोगौ खै तुऐं मुखै दैय राए, जिथै हांव औसौ, तिथै सैजै बै मैरै साथै हौंव कै सै मैरी महिमा कै दैखौ जू तुऐं मुखै दैय राए, जिथुकै तुऐं दुनिया कै बाणणौ दै औगौड़ियौ मुं आरी प्यार राखा।

यूहन्ना 17:24 ပူးပေါင်းရင်းမြစ်များ

मत्ती 25:21

तेस्के मालिके ऐ बुलो, ‘भागोईत असो! आछा अरह् बिश्वाष ज़ुगा दास, तू थोड़े दा बिश्वाष ज़ुगा रूवा; हाँव ताँव भहिती चीजों का अधिकारी बणाँऊँबा। आप्णें मालिक की गईलो आँनन्द-खुशी दा भागींदार हो।’

मत्ती 25:23

“तेस्के मालिके तेस्खे बुलो, ‘भागोईत असो! आछे अरह् बिश्वाष ज़ुगै दास तू जू थोड़े दा बिश्वाष ज़ुगा रूवा; हाँव ताँव भहिती चींजो का अधिकारी बाँणूबा। आप्णे मालिक आरी आँनन्द-खुशी दा भागींदार हो।’

मत्ती 25:34

“तबे राजा आप्णी सुऐं ढबे के लोग दे: खियों बुल़्ला, ‘मेरे पिता के जाणें कृपा वाल़े लोग! तेसी राज्य के हंक-अधिकारी बंणों, जुण्जे तुओं खे सृष्टी की स्थापंना के बख्ते शी तियार करी थंऐ।

मत्ती 26:29

हाँव तुँओं खे बुलू, के दाख्ह-अंगूरोह् का ऐजा रंस तेसी देसो तोड़ी कद्दी ने पीऊँबा, जाँव तोड़ी तुँवारी गईलो आप्णे परमं-पिता पंणमिश्वर के राज्य दा नुवाँ रंस ने पींऊँ।”

लूका 12:37

भागोईंत्त असो! सेजे दास-बैठू जिनू तिन का माँलिक घरह् की रंख्वाल़ी-जगवाल़ी कर्दे बीऊँजी दे:ख्ला; हाँव तुँओं खे खास बात बुलू, के सेजा माँलिक आप्णी कंमरी दी गाच़ी भीड़ियों तिनू सोभी ऐकी-ऐकी दास-बैठू कैई शो बंईठाल़ियों आपु भोजन कराला।

लूका 23:43

प्रभू यीशू ऐ तैस्खे बुलो, “हाँव ताँव्खे खास बात बुलू, कि ऐत्त्लो ही तू मेरी गंईलो स्वर्गो दा हंईला।”

यूहन्ना 1:14

बचन देह्-धारी हुवा, तेने अमाँरे बीच डेरा पाया; कृपा अरह् संच्चाई शा भर-पुर हंऐयों, आँमें तेस्की ऐशी बंड़ियाऐ देंखी; जेष्णीं पंण्मिश्वर के ऐक्लोत्ते बैटे की बड़ियाऐ हों।

यूहन्ना 12:26

जे कुँऐं मेरी सेंवा करह्, तअ से मुँह पाछी आँव; अरह् जेथै हाँव असो, तेथै मेरा दास भे हंदा। जे कुँऐं मेरी सेंवा करह्, तअ बाबा तैस्की आदर-ईज्जत करला।

यूहन्ना 14:3

तेथै ज़ाऐयों हाँव तुओं खे जागा तियार करियों, हजो पाछ़ू आँऊबा; अरह् तुओं भे आप्णी गंईलो तेथै नींह्ऊँबा जेथै हाँव असो, अरह् तबे तुऐं भे मेरी गंईलो तैथी ही रंह्ले।

यूहन्ना 15:9

“जेष्णों बाबा ऐं मुँह आरी प्यार करी थो, तेष्णों ही मुँऐं भे तुँओं आरी प्यार करी थो; अरह् तुऐं मेरे प्यार दें पाक्कै बंणें अंदें रंह्।

यूहन्ना 17:2

किन्देंखे के तुऐं आप्णें बैटे खे बादी जाँत्ती, अरह् बादे प्राँणीं गाशी हंक-अधिकार देऐ थुवा; के तुवाँरा बैटा ईनू सोभी खे अमर-जीवन दियों, जिनू तुऐं आप्णें बैटे के हाँथ दे देऐ थुऐ।

यूहन्ना 17:22

“सेजी बड़ियाऐ, जुण्जी तुऐं मुँखे देऐ थऐ, सेजी बड़ियाऐ, मुँऐं ईनखे देऐ थंऐ; जू ऐ भे ऐक हंऐ ज़ाँव, जेष्णें के आँमें ऐक असो:

यूहन्ना 17:5

ईन्देंखे हे बाबा! तुऐं मेरी भे आप्णी गंईलो, तियों महाँ बंड़ियाई आरी, बड़याऐ करह्, जुण्जी बड़ियाऐ मेरी तुवाँरी गंईलो संईसारी की रंचणों कंर्णो शी आगे थी।

यूहन्ना 6:37

बाबा ऐ जिनू लोग मुँह कैई देऐ थुऐ, सेजे ऐक नाँम जुण्जें मुँह कैई आँव, तिनू हाँव कंद्दी ने छ़ूड़्दा।

यूहन्ना 6:39

अरह् जिन्ऐं मुँह डेयाल़ी थुवा, तिनकी हिछ़या ऐजी असो; के जिनू तिन्ऐं मुँखे देऐ थुऐ; हाँव तिन मुँझ्शा ऐक भे नाँष ने हंणों देऊँ, परह् तिनू सोभी आखरी के देसो दे हजो पाछ़ू ऊँबे जीऊँदे करी देऊँबा।

यूहन्ना 8:58

प्रभू यीशू ऐ तिनखे बुलो, “हाँव तुओं खे खास बात बुलू; के बाबा अब्राहम के पय्दा हंणों शा आगे भे हाँव थिया।”

1 कुरिन्थियों 13:12

हेभी अमाँरे सीसे दो झाँमंरो दे:खियों, परह् तेसी बख्ते आँम्णें-सहाँम्णें दे:ख्दे: ऐसी बख्ते मेरा ज्ञाँन आधा-अ; धुरा असो, परह् तेसी बख्ते सुवाँ करियों पछ़याँणुबा, जेष्णाँ मुँह पछ़याँणा गुवा।

2 कुरिन्थियों 3:18

परह् जबे आँमों सोभी के खुलै मुँख्ड़े शा प्रभू का त्तेज-प्रकाष ऐशा दाँई पर्गट हों, जैष्णाँ के सिस्सै दा साफ नंजर आँव, तअ प्रभू के जाँणें जू आत्त्मा असो, आँमें तैसी ही त्तेजमंऐं सरूप दे अंष-अंष बदल़्दे ज़ाँव।

2 कुरिन्थियों 4:6

किन्देंखे के पंण्मिश्वर ही असो, जिन्ऐं बुलो, “ईनाँरें मुँझ्शी ज्योत्ति-चंम्को,” अरह् सेही अमाँरे सासो दी चंम्की, के पंण्मिश्वर की बड़ियाऐ की पंछ़याँण की चंम्क यीशू मसीया के मुँख्ड़े शी प्रकाषमाँन हऐ।

2 कुरिन्थियों 5:8

ईन्देंखे आँमें हिम्मत्त थंह्, अरह् देह्-शरीर शे ज़ई रंऐयों, प्रभू आरी रंहणों आछ़ो जाँणों।

फिलिप्पियों 1:23

किन्देंखे के हाँव दूई के बिचो दा अदमो दा लटकी रूआ, दिल तअ ऐशो चहाँव, के आप्णीं ऐजी देह्-शरीर छ़ुड़ियों ऐकदंम मसीया कैई ज़ाऊँ; किन्देंखे के ऐजो मुँखे बैजाऐ आछो असो।

1 थिस्सलुनीकियों 4:17

तबे आँमें जू जीऊँदे अरह् बंचे अंदे असो, आँमों भे तिनकी गईलो बाद्ल़ो मुझी ऊबे टिप्दे, के बाद्ल़ो दे प्रभू कैई शे भेंटिऊँबे; अरह् तेषे दाँई आँमें प्रभू आरी संदा रह्ऊबे।

1 पतरस 1:21

तिनू मसीया के जाँणें ही तुँऐं तिनू पंणमिश्वर गाशी बिश्वाष करह्, जिन्ऐं तिनू मरे अंदे मुँझ्शे ऊबे जीयाल़े, अरह् बड़ियाऐं दिती, के तुँवारा बिश्वाष अरह् भूर्षा पंणमिश्वर गाशी हों।

1 यूहन्ना 3:2

हे प्यारों, ऐबे आँमें पंण्मिश्वर की अलाद असो, अरह् हेबी तोड़ी ऐजो पर्गट ने हऐ रई, के आँमें आँणों वाल़े बख्तो दे का हंदे! परह् आँमें ऐजो जाँणों ऐ, के जबे से पर्गट हले, तअ आँमें भे तिनके जिऐं हंदे, किन्देंखे के तिनू आँमें तैष्णें ही दे:ख्दे जैष्णें से असो ऐ।

प्रकाशितवाक्य 21:22

तेसी नंगर दे मुँऐ किऐ भे देऊँठी ने देखी, किन्देंखे के सर्ब-शक्त्तिमाँन प्रभू पंण्मिश्वर अरह् छ़ैल़्टा तेसी नंगर की देऊँठी थी।

प्रकाशितवाक्य 3:21

जू जींत्ती ज़ाव, हाँव तेसी आप्णी गईलो सिंगाँस्हणों गाशी बईठाल़ूबा, जेष्णाँ हाँव भे जींतियों आप्णे बाबा की गईलो सिंगाँस्हणों गाशी बऐठी गुवा।