यूहन्ना 17:18 - Sirmouri

¹⁸ जेष्णाँ तुँऐं मुँह संईसारी दा डेयाल़ा थिया, तेष्णें ही मुँऐ भे ईनू संईसारी दे डेयाल़ी थुऐ;

सिरमौरी नौवाँ नियम

¹⁸ जैशै तुऐं मुखै दुनिया पांदी भैजा तैशैखैई मोऐं बै तिनुकै दुनिया पांदी भैजै।

यूहन्ना 17:18 ပူးပေါင်းရင်းမြစ်များ

मत्ती 10:5

तिनू बारंह् खास-चैले खे प्रभू यीशू ऐ ऐजी अज्ञाँ देऐयों डियाल़े: “गऐर यहूदी के ईलाके दे ने ज़ाऐं, अरह् ना सामरियों के कोसी नगर दे ज़ाऐं।

मत्ती 23:34

ईन्देंखे दे:खो, हाँव तुँओं कैई आप्णी बरंम्बाणीं कर्णो वाल़े अरह् बुद्धीमाँन, अरह् ज्ञाँन-निय्म शिखाँणों वाल़े डियाँल़ूबा; अरह् तुँऐं तिन मुँझ शे किऐ तअ माँरी देले, अरह् शुँल़ी-फ़ाँशी चड़ाले, अरह् किऐ आप्णी खुम्ल़ी के यहूदी-च़ोंत्रें दे कोड़े माँर्लें अरह् ऐकी नंगर शे ओकी नंगर्दे खेदियों लालें अरह् से रिट्दे-फिर्दें रंह्ले।

यूहन्ना 17:21

हे बाबा! ऐजे बादे झुणें ऐक हों; जेष्णें तुऐं मुँह्दे, अरह् हाँव तुओं दा; तेष्णें ही ऐ बादे झुणें, आँमों आरी ऐक हों; जिन्दें लंई ऐजी संईसारी बिश्वाष करह्, के मुँह डेयाल़्णों वाल़े तुँऐं ही असो।

यूहन्ना 17:23

तुऐं मुँह्दे, अरह् हाँव तिनदा, जू से पुरे ढंग शे ऐक हंऐ ज़ाँव; जिन्दें लई ईयों संईसारी दो ऐजो साफ़ हंऐ ज़ाँव, के तुऐं ही मुँह डेयाल़ी थुवा थिया; अरह् तुऐं ईनू आरी भे तेष्णों ही प्यार करह्, जेष्णों प्यार तुऐं मुँह आरी करह्।

यूहन्ना 17:25

“हे धरंमाँत्त्मा, नियाँव कर्णो वाल़ा बाबा! ईऐ संईसारी ऐ तअ तुओं जाँणीं ने, परह् हाँव तुओं जाँणू ऐ; अरह् तिन्ऐ ऐजो जाँणीं पाव, के तुऐं ही मुँह डेयाल़ी थुवा।

यूहन्ना 17:3

अमर-जीवन ऐजा ही असो, के तुँऐं सिर्फ ऐक साच्चै पंण्मिश्वर असो; जिन्ऐं आप्णाँ बैटा यीशू मसीया जेसी तुऐं डेयाल़ी थुवा, तिनू सेजी बादी जात्ती, अरह् बादे प्राँणीं जाँणों अरह् पंह्छ़ियाँणों।

यूहन्ना 17:8

किन्देंखे के तुओं कैई शी भेंटी अंदी, अज्ञाँऐं मुँऐं तिनखे देऐ थंई; अरह् तिन्ऐ सेजी अज्ञाँ धारण करी थई, अरह् खास करियों ऐजो भे सोत्तिखे जाँणीं पाव; के हाँव तुंओं कैई शा आऐ रूवा, अरह् तिन्ऐं ऐजा भे बिश्वाष करी थुवा; के तुऐं ही मुँह डेयाल़्णों वाल़े असो।

यूहन्ना 20:21

प्रभू यीशू ऐ तिनखे हजो बुलो, “तुँओं खे शाँण्त्ति भेंटो! जेष्णाँ बाबा ऐं मुँह डेयाल़ी थुवा; तेष्णें ही हाँव तुँओं भे डेयाल़ू।”

यूहन्ना 3:17

पंण्मिश्वर ऐं आप्णा बैटा संईसारी दा ईन्देंखे ने डेयाल़ी, के से संईसारी खे सजा की अज्ञाँ दियों; परह् तेसी ईन्देंखे डेयाल़ा के संईसारी तेस्के कारण छुट्कारा-मुँक्त्ति पाँव।

यूहन्ना 4:38

मुँऐं तुँओं लोग तिनू खेच़ौ लोंह्दे डेयाल़ी थुऐ, जिनू खेच़ौ दो तुँऐं किऐ ने साँडी कमाँऐ थंई; तिन्दो कोसी ओकी ऐ साँडी कंमाँऐ थों, अरह् तुओं तिनके साँड्णों कमाँणों का फल़ कंमाँऐं भेट्दी।”

2 कुरिन्थियों 5:20

ईन्देंखे आँमें मसीया के राज-दूत्त असो; सम्झों पंण्मिश्वर अमाँरे जाँणें बिन्नती करी लऐ। आँमें मसीया की ढबे शी बिन्नती करह्, के पंण्मिश्वर की गईलो मेल-मिलाप करी पाव।

इफिसियों 3:7

पंण्मिश्वर ऐ आप्णी शँक्त्ति के अधिकार शे मुँखे ऐजी कृपा देऐ थऐ, के हाँव तेसी खुषख्बरी का दास बणू;