यूहन्ना 17:17 - Sirmouri

¹⁷ ईनू सच्चाई शे आप्णी ताँईऐ ज़ोई थुऐ, किन्देंखे के तुवाँरा बचन साच्चा असो।

सिरमौरी नौवाँ नियम

¹⁷ तैरा वचन साचा औसौ, औरौ तिनु सौचाई दै आपी कारिए जौई कौर।

यूहन्ना 17:17 ပူးပေါင်းရင်းမြစ်များ

लूका 8:11

“अनाँणे का मतल्व का असो: बीज़ पण्‍मेश्वर का बचन असो।

लूका 8:15

परह् आच्छ़ी बोंन्दरी जीम्मी दो पड़ो बीज़ सेजो असो, जू बचन शुणियों, आप्णे साच्चे मंन शा सेजा बचन सुवाँ करियों थों, आप्णें सबैर शाँण्त्ति शा तिन्दें का फ़ल़ पाँव।

यूहन्ना 15:3

तिनू बचन के कारण, जुण्जे मुँऐ तुँओं कैई बुली थुऐ, तिन्दें लई तुऐ शुद्ध हंऐ गुऐ।

यूहन्ना 17:19

ईनकी ताँईऐं हाँव आपु आप्णा बंल़ी-दाँण करी देऊँ; के ऐ भे संच्चाई की ताँईऐ आप्णाँ बंल़ी-दाँण करी दियों।

यूहन्ना 8:32

तुँऐं सच्चाऐ जाँण्ले, अरह् सच्चाऐ तुँओं अजाद कर्लीं।”

यूहन्ना 8:40

तुँऐं मेरी हंत्त्या कर्णीं चहाँव, मेरी, जेने पंण्मिश्वर कैई शी भेंटी अंदी सच्चाऐ तुओं कैई बुली थंऐ; परह् बाबा अब्राहम तअ ऐष्णों करी ने थीं।

प्रेरितो कै काम 15:9

अरह् बिश्वाष के जाँणें तिनका मंन भे शुद्ध करियों, आँमों मुँझी अरह् तिनू मुँझी किऐ भेद्-भाव ने थंऐ थंई।

2 कुरिन्थियों 3:18

परह् जबे आँमों सोभी के खुलै मुँख्ड़े शा प्रभू का त्तेज-प्रकाष ऐशा दाँई पर्गट हों, जैष्णाँ के सिस्सै दा साफ नंजर आँव, तअ प्रभू के जाँणें जू आत्त्मा असो, आँमें तैसी ही त्तेजमंऐं सरूप दे अंष-अंष बदल़्दे ज़ाँव।

इफिसियों 4:21

परह् तुँऐं सत्तिखे तिनकी ही शुँणी, अरह् जैष्णो प्रभू यीशू दो साच्चो असो, तिन्दी ही तुँओं शिखाऐं भे थुऐ;

इफिसियों 5:26

के तिनू बचन के जाँणें पाँणी के नहाँणों लेई शुद्ध करियों पबित्र बंणाऐं,

2 थिस्सलुनीकियों 2:13

हे भाऐ-बंईणों, अरह् प्रभू के प्यारे लोगो, ऐशो हुओ चेंई के आँमें तुवाँरे बारे दे सदा पंण्मिश्वर का धन्यबाद कर्दे रंह्, किन्देंखे के पंण्मिश्वर ऐ शुरू शे ही तुँओं च़ूणीं-छाँटी थुऐ; के पबित्र-आत्त्मा के जाँणें पबित्र बंणियों, अरह् सच्चाई का बिश्वाष करियों मुँक्त्ति पाँव,

याकूब 1:21

बिचकी चाल-ढाल अरह् संईसारी कि बादी बुराई शे दुर्के रंह्, अरह् नरमाँऐं वाल़े बचन माँनें, जू तुँवारी सासो दे बऐं थुऐ, सेजे बचन माँनोंं, जू तुँवारी आत्त्मा खे मुँक्त्ति दियों।