यूहन्ना 17:12 - Sirmouri

¹² जाँव तोड़ी हाँव ईनकी गंईलो रूवा, ताँव तोड़ी मुँऐं ईनू लोग तुवाँरे तेसी नाँव शे, जुण्जा तुऐं मुँखें देऐ थुवा थिया; तिन्दें बंचाऐयों थुऐ, अरह् ईन की रक्षा करी; ईनू मुँझ्शा कोसी का भे नाँष ने हंणों दिती, सुवाऐ छ़त्तिया-नाँष के बैटे का; सेजा भे ईन्देंखे के पबित्र-ग्रन्थों का सेजा बचन पुरा हों।

सिरमौरी नौवाँ नियम

¹² जोबै हांव तिनकै साथै थिया, तौ मोऐं तैरै तैसी नांव लैई, जू तुऐं मुखै दैय राए तिनकै रक्षा कौरे, मोऐं तिनकै दैख-रैख कौरे औरौ विनाश कै बैटै कै छोड़ेयौ कै तिनु मुंजीदा कुणिए नाश ना होई, ताकि जू पवित्र शास्त्र दो लैखै राए, सै पूरु हौए जांव।

यूहन्ना 17:12 ပူးပေါင်းရင်းမြစ်များ

यूहन्ना 13:18

“मुँऐ तुँओं सोभी के बारे दो ऐजो ने बुली लई; हाँव ऐजो जाँणू ऐ, के मुँऐं कोसी-कोसी आदमी चुँणीं-छ़ाटी थुऐ; परह् ऐजो ईन्देंखे हंदो लागो; के पबित्र-ग्रन्थो का सेजा बचन पुरा हो: के ‘जुण्जा मेरी रोटी खाँव, तेने ही मुँखे लात्ते ऊराल़ी थंऐ।’

यूहन्ना 17:6

“मुँऐ तुँओं तिनू सोभी गाशी पर्गट करी पाऐ, जिनू तुऐं ईयों संईसारी शे च़ूणी-छ़ाँटियों मुँखे देऐ थुऐ थिऐ; सेजे लोग तुवाँरे असो, जिनू तुऐं मुँह कैई देऐ थुऐ थिऐ; अरह् तिन्ऐं तुवाँरे बचन का पाल़्ण भे करी थुवा।

यूहन्ना 18:9

ऐष्णों ईन्देंखे हुओ, के प्रभू यीशू का बुला अंदा बचन पुरा हों; के “तुऐं जिनू आदमी मुँखे देऐ थुऐ, तिनू मुँझ्शा ऐक भे आदमी हाँव नाँष ने हंणों देऊँ।”

यूहन्ना 6:37

बाबा ऐ जिनू लोग मुँह कैई देऐ थुऐ, सेजे ऐक नाँम जुण्जें मुँह कैई आँव, तिनू हाँव कंद्दी ने छ़ूड़्दा।

प्रेरितो कै काम 1:25

के से ईयो सेंवकाई, अरह् खास-चैले का पद्-भार संहम्भाल़ो; जुण्जा यहूदा इसकरियोंती छ़ुड़ियों आप्णी जागा खे हुटा।”

फिलिप्पियों 2:9

ईन्देंखे के पंण्मिश्वर ऐ तिनू ऊगले शे ऊगले जागे दे बईठाल़ियों बड़ा बंणाँया; अरह् तिनखे सेजा नाँम दिता, जू सोभी बड़े नाँव शा भे जादा बड़ा असो।

2 थिस्सलुनीकियों 2:3

कैशे ही भी दाँई तुँऐं कोसी के धोखे दे ने आऐं, किन्देंखे के सेजो देस ताँव-तोड़ी ने आँदी, जाँव तोड़ी लोग पंण्मिश्वर शे दुर्के ने हुऐ ज़ाँव, अरह् सेजा पाप का नाँशू बैटा पर्गट ने हों।

इब्रानियों 2:13

अरह् तबे ऐजो; “हाँव तिनू गाशी भूर्षा कंरूबा, अरह् तबे ऐजो के देख, हाँव तिनू नहाँन्ड़िया आरी, जुण्जे पंण्मिश्वर ऐ मुँखे देऐ थुऐ, से ईथै असो।”

1 यूहन्ना 2:19

मसीया का बिरोधी आँमों ही मुँझ्शा असो, परह् से सोतिखे अमाँरा साथी ने, किन्देंखे के जे से सोतिखे अमाँरा साथी हंदा, तअ अमाँरी गईलो रंह्दा। परह् तेने आँमों छुड़ी दिते, जू से ऐजो दे:खाऐ सको, के तिन मुँझ्शा कुँऐं भे सोतिखे अमाँरा साथी ने आथी।

प्रकाशितवाक्य 19:12

तेस्की आँखी आगी के लहयारें असो, अरह् तेस्की मुँढों गाशी बैजाऐ राज मुँकुट-ताज असो। जिन्दे गाशी ऐक नाँव लिखी थो, जेसी तेसके सुवाऐ ओका कुँऐं ने जाँण्दा।