यूहन्ना 16:7 - Sirmouri

⁷ तबे भे संच्चाऐ तअ ऐजी असो, के मेरो ज़ाँणों तुवाँरी ताँईऐ फ़ाय्देंबंन्द असो; किन्देंखे के जे हाँव ने ज़ाँऊँबा, तअ सेजा मंद्त्तगार मतल्व पबित्र-आत्त्माँ तुओं कैई ने आँदी; परह् जे हाँव ज़ाँऊबा, तअ हाँव तेसी पबित्र-आत्त्मा तुँओं कैई डेयाल़ी देऊँबा।

सिरमौरी नौवाँ नियम

⁷ हौजौ बै हांव तुऔं साचौ बुलू, कै मैरौ जाणौ तुऔं कारिए आछौ औसौ, जिथुकै जै हांव ना जोऊं, तौ सैजा हौंसला दैणौवाल़ा, तोंवारै धोरे ना आन्दा, पौरौ जै हांव जोऊं, तौ तैसी तोंवारै धोरे भैजै दैंदा।

यूहन्ना 16:7 ပူးပေါင်းရင်းမြစ်များ

लूका 24:49

देखो, मेरे पंरम-पिता ऐं जुण्जा बाय्दा करी थुवा, अरह् सेजा बाय्दा हाँव तुओं खे डेयाल़ूबा; ईन्देंखे जाँव तोड़ी तुऐ स्वर्गों शी भेटी गंई शक्त्ति लई भर-पुर ने हंऐ ज़ाँव, ताँव तोड़ी तुऐं ऐसी ही नंगर दे ठहरे अंदे रूऐ।

लूका 4:25

हाँव तुँओं खे खास बात बुलू, के जबे ऋषी-एलिय्याह के ज़ुगौ दो झोड़ पाँणी ने लागी, अरह् जीमी दा ऐक दाँणा ने जाँमी तअ साड़े च़ींन सालो तोड़ी बादे प्रदेश दा भैयानंक काल़ पड़ा, अरह् इस्राएल दे तेसी बख्ते बैजाऐ बिधवा थी।

लूका 9:27

मुँऐं तुँओं खे सत्ती खास बात बुली लऐ, के जै-तोड़े खड़े असो, ईन मुँझी कंऐ जैष्णें भे असो, जू जाँव तोड़ी से पंण्मिश्वर को राज्य आँदे ने दे:खो ताँव-तोड़ी से मरी ने बल़्दे।”

यूहन्ना 14:26

परह् ‘मद्त्तगार’ मतल्व पबित्र-आत्त्मा, जियों बाबा मेरे नाँव शी डेयाल़्दा; से तुँओं कैई शी बादी सब-कुछ़ बातो शिखाली, अरह् जुण्जो किऐ मुँऐं तुओं कैई बुली थो, सेजो से तुओं कैई शो चींत्ते-मंने कराली।

यूहन्ना 14:28

तुँऐं मुँह ऐजो बुल्दे शुँणा, के ‘हाँव ज़ादा लागा, अरह् हजो पाछु तुओं कैई आऊँबा।’ जे तुँऐं मुँह आरी प्यार कर्दे, तअ ईयों बातो शुँणियों बैजाऐ खुशी हंदे; किन्देंखे के हाँव बाबा कैई ज़ाँदा लागा, जुण्जे के मुँह शे बैजाऐ महाँन बड़े असो।

यूहन्ना 14:3

तेथै ज़ाऐयों हाँव तुओं खे जागा तियार करियों, हजो पाछ़ू आँऊबा; अरह् तुओं भे आप्णी गंईलो तेथै नींह्ऊँबा जेथै हाँव असो, अरह् तबे तुऐं भे मेरी गंईलो तैथी ही रंह्ले।

यूहन्ना 15:26

“परह् जबे सेजा मद्त्तगार मंतल्व सच्चाई की आत्त्मा आली, जियों हाँव तुओं खे बाबा कैई शी डेयाल़ूबा; तअ से मेरे बारे दी गुवाऐ-शाज़्त्त देली;

यूहन्ना 16:8

सेजी पबित्र-आत्त्माँ संईसारी के संहाँम्णें पाप, अरह् धार्मिक्त्ता अरह् नियाँव के बारे दे दोष-कसूर पर्गट करदा; जिन्दें लई कसी के किऐ बुल्णीं ने आँव।

यूहन्ना 7:39

प्रभू यीशू ऐ ऐजी बातो तियों पबित्र-आत्त्मा के बारे दी बुली, जुण्जी पबित्र-आत्त्मा तिन दा बिश्वाष कर्णों वाल़े खे भेट्दे थी; परह् तेसी बख्त्तो तोड़ी सेजी पबित्र-आत्त्मा धर्ती गाशी ने आऐ रंई थी, किन्देंखे के प्रभू यीशू हेभी तोड़ी आप्णी बड़ियाई दे ने पंह्ऊँची रंई थी।

प्रेरितो कै काम 10:34

तबे संत्त-पतरस ऐं बुल्णों शुरू करो, “ऐबे हाँव बिलकुल संहम्झीं गुवा; के पंण्मिश्वर कोसी आरी भी पक्षपात्त-अपणोंट ने करदा।

प्रेरितो कै काम 2:33

ऐबे से पंण्मिश्वर के सोऐं ढबै खास पद्-भार गाशी बंईठियों, अरह् पंरम-पिता कैई शी सेजी पबित्र-आत्त्मा भेटियों, जिन्दें का बाऐदा पंण्मिश्वरे ऐं आगे ही करी थुवा थिया; तियों पबित्र-आत्त्मा तिन्ऐं आँमों गाशी ऊँदी-पैरी दित्ती; जियों तुऐं आपु देंखी, अरह् शुँणीं लंऐ।

रोमियों 8:28

आँमें जाँणोंऐं के जू लोग पंणमिश्वर शो पियार करह्, तिनखे बादी बातो मीलियों भलाऐ पय्दा करह्; मतल्व तिनही खे जू तिनकी हिछ़या के मुँताबिक शे बय्दी थुऐ।

2 कुरिन्थियों 4:17

किन्देखे के अमाँरा ऐगड़ी का दाँणिंक जिया कल़ेष आँमों खे बैजाऐ प्रभू यीशू के अरह् हमेशा की बड़ियाऐं पय्दा करदा ज़ाँव जिन्दें बरा-बरी ने करी ज़ादी;