यूहन्ना 16:25 - Sirmouri

²⁵ “ऐसी बख्त्ते मुँऐं ऐजी बादी बातो तुओं कैई अंनाँणें दी बुली थंई; परह् सेजा बख्त्त आँदा लागा, जबे हाँव बाबा के बारे दो अंनाँणें शो ने; परह् साफ़-साफ़ खुह्लियों बुली देऊँबा।

सिरमौरी नौवाँ नियम

²⁵ “मोऐं ऐजी बातौ तुऔं उदारणो दी बौल़ै रैई, पौरौ सैजा सौमय आए गौआ, कै हांव तुऔं खै उदारणो दौ हौजौ ना बौलदा, पौरौ खौलेयौ तुऔं पिता पौरमेशवर कै बारै मुंजी बोताऊंबा।

यूहन्ना 16:25 ပူးပေါင်းရင်းမြစ်များ

मरकुस 4:13

तबे प्रभू यीशू ऐ चैले खे बुलो, “कियो तुँऐं अनाँणों सम्झी ने? तअ तबे ऊके बादे अनाँणें किऐ-किऐ सम्झों दे?

मरकुस 4:34

बिना अनाँणें दिऐं, प्रभू यीशू तिनखे किऐ ने बुलो थिऐ, परह् ऐकलाल़े देसे आप्णे चैले कैई बादी बातो का मतल्व सम्झाँव थिऐ।

मरकुस 8:32

प्रभू यीशू ऐ ऐजी बातो तिनशी साफ-साफ बुली, ईन्दें गाशी संत्त-पतरस ऐ तिनू ज़ई नींऐं अरह् सम्झाँदा लागा।

यूहन्ना 10:24

तबे यहूदी अगवाल़ ऐ प्रभू यीशू च़फ़ेर शे घेरियों पुछ़्दे लागे, के “तुँऐं कबे तोड़ी आँमों दू-मंन्नें अरह् धोख्हें दे थंह्दे? अरह् जे तुँऐं सोत्तिखे मसीया असो, तअ आँमों कैई साफ़-साफ़ बुली दियों।”

यूहन्ना 10:6

परह् प्रभू यीशू को सेजो अनाँणों शुँण्णों वाल़े लोग, तेसी अनाँणें का किऐ भे मतल्व ने संह्म्झी, के ऐ आमों खे का बुल्णों चहाँव।

यूहन्ना 16:12

“मेरे तुँओं कैई भह्त्त-कुछ़ बुल्णों, परह् हेभी तुऐं तेथू धारण ने करी बंल्दे।

यूहन्ना 16:2

से तुँओं यहूदी-च़ौत्रें शे आगू गाड़्ले, सिर्फ ऐत्ती ने, परह् सेजा बख्त्त भे आऐ गुवा; जबे तुवाँरी हंत्त्या कर्णों वाल़ा, आप्णें कुँकंर्म खे पंण्मिश्वर की सेवा कर्णी संम्झला।

यूहन्ना 16:32

देखो! सेजी घड़ी आँदी लागी ने, परह् आऐ गऐ; ऐबे तुऐं बादे झुणें खिदर-बिदर हऐयों आपु ही मुँझी ऊल़्झीं ज़ाँदें; अरह् मुँह ऐक्ली छ़ुड़ी देंदे, परह् हाँब ऐक्लीं ने आथी; परह् मेरा बाबा मेरी गंईलो हंदा।

2 कुरिन्थियों 4:2

परह् आँमें बै-शर्मी की अरह् चुप्पी की काँम-काज़ छ़ुड़ी दिती, ना चपलुसी शे चाल्दे, अरह् ना पंण्मिश्वर के बचन दी किऐं मिलावट कर्दे; परह् सच्चाऐ पर्गट करियों, पंण्मिश्वर के साम्णें ऐक नाँम आदमी के मंन दी आप्णी भलाऐ बईठाल़ो।