यूहन्ना 16:23 - Sirmouri

²³ तेसी देसे तुँऐं मुँह कैई शा किऐ सुवाल ने पुछ़्ले। हाँव तुँओं खे ऐक खास बात बुलू: के जे तुऐ मेरे नाँव शो बाबा कैई शो किऐ माँगले, तअ से तुओं खे मेरे नाँव शो देंऐ देले।

सिरमौरी नौवाँ नियम

²³ तैसी सौमय जोबै हांव तुऔं हौजौ दैखुबा तुऐं मुं कैईंदु किछै ना पूछदै। हांव तुऔं कैंई साचौ-साचौ बुलू, जै तुऐं पिता पौरमेशवर कैईंदु किछै मांगलै, तौ सै मैरै चैलै हौणौ की बौजैह शै तुऔं दैन्दा।

यूहन्ना 16:23 ပူးပေါင်းရင်းမြစ်များ

मत्ती 21:22

अरह् जुण्जो किऐ तुँऐं प्रार्थना दो बिश्वाष शो माँगले सेजो सब तुँओं खे भेट्लो।”

मत्ती 7:7

“माँगो, तअ तुँओं खे दियों ज़ालो; जुह्ले तअ तुँओं भेंट्लो, ठक-ठकाले, तअ तुँओं खे ऊडो खुल्ल़ों ज़ालो।

यूहन्ना 14:20

तेसी देसे तुँओं कैई ऐजा पता लागला, के हाँव आप्णें बाबा दा असो; अरह् तुऐं मुँह्दें असो, अरह् हाँव तुओं दा बसा अंदा असो।

यूहन्ना 14:22

ऐक ओका यहूदा! (जुण्जा इस्करियोती ने थी), तेने बुलो, “हे प्रभू! ऐष्णों का हुओं, के तुऐं आँमों कैई तअ पर्गट हंदे; परह् ईयों संईसारी के लोगो गाशी ने पर्गट हंदी, ईन्देंका कारण का असो?”

यूहन्ना 14:5

प्रभू यीशू के चैले थोमा ऐ, तिनखे बुलो, “हे प्रभू! तुऐं केथै झ़ाँदे लागे, ऐजो आँमें जाँण्दे ने; तअ तबे आँमें तेथै के बाट कैऐ-कैऐ जाँण्दे।”

यूहन्ना 15:7

जे तुँऐं मुँह्दे पाक्कै बंणें अंदे रंह्, अरह् मेरे बचन के शिक्षा तुँओं दी बंसी अंदी रंह्; तअ भाँव तुँऐं किऐ भे माँगों, तअ सेजी तुवाँरी माँग पुरी करी ज़ाँली।

यूहन्ना 16:19

प्रभू यीशू ऐजो जाँणों थिऐ, के ऐ मुँह कैई शो किऐ पुछ़णों चहाँव, तबे: तिन्ऐं बुलो; “तुऐं आपु मुँझी मेरे ऐशे बुल्णों के मतल्व गाशी का सोंच-बिचार करी लुवा, ‘किऐ बख्त्तो पाछ़ी तुऐं मुँह ने देख्ले; अरह् हजो किऐ बख्त्तो पाछ़ी तुऐं मुँह हजो देख्ले?’

यूहन्ना 16:26

तेसी देसे तुँऐं आपु मेरे नाँव शो बाबा कैई शो माँगले; मुँऐ ऐजो ने बुली लई, के मुँह ही तुवाँरे तरफ़ शी बाबा कैई अरज कर्णी पड़्ली।

यूहन्ना 16:30

ऐबे आँमें संम्झी गुऐ, के तुँऐं सब-कुछ जाँणों ऐं; अरह् ऐबे तुओं कैई शे सुवाल-जबाब कर्णो के किऐ भे जरूरत्त ने आथी, ईन्देंखे आँमें बिश्वाष करह्; के तुऐं पंण्मिश्वर की तरफ़ शे आऐ रूऐ।”

इफिसियों 2:18

किन्देंखे के तिन्ही के जाँणें आँमों दुन्नै डूँग ऐक पबित्र-आत्त्मा दे मीलियों स्वर्गो के परमं-पिता पंण्मिश्वर कैई पऊँची सको।

1 यूहन्ना 2:1

मेरे प्यारे नहाँन्ड़िया, हाँव ऐजी बातो तुँओं खे ईन्देंखे लिखू, के तुँऐं पाप ने करह्; अरह् जे कुँऐं किऐ पाप करह्, तअ स्वर्गो के परमं-पिता पंण्मिश्वर के साम्णें अमाँरे पापो शा बचाव कर्णो वाल़ा ऐक असो; अरह् सेजा असो धर्मी प्रभू यीशू मसीया।