यूहन्ना 16:19 - Sirmouri

¹⁹ प्रभू यीशू ऐजो जाँणों थिऐ, के ऐ मुँह कैई शो किऐ पुछ़णों चहाँव, तबे: तिन्ऐं बुलो; “तुऐं आपु मुँझी मेरे ऐशे बुल्णों के मतल्व गाशी का सोंच-बिचार करी लुवा, ‘किऐ बख्त्तो पाछ़ी तुऐं मुँह ने देख्ले; अरह् हजो किऐ बख्त्तो पाछ़ी तुऐं मुँह हजो देख्ले?’

सिरमौरी नौवाँ नियम

¹⁹ यीशुए ऐजौ जाणैयौ कै सैजै मुंआदा इनु बातौ का मतलब पूछणा चांव, तिनुखै बौल़ौ, “का तुऐं आपी मुंजी इनु बातौ कै बारै मुंजी शाह पूछ कौरौ, ‘तैतियोड़ै तुऐं मुखै ना दैखदै औरौ बिस्तौड़ी तुऐं मुखै दैखदै?’

यूहन्ना 16:19 ပူးပေါင်းရင်းမြစ်များ

मत्ती 6:8

ईन्देंखे तुँऐं तिनके जेष्णें नें बंणें, किन्देखे के तुवाँरा स्वर्गो का पिता तुवाँरें माँगणों शो आगे ही जाँणों, के तुवाँरे किन्दें-किन्दें की जरूरत्त असो।

मत्ती 9:4

प्रभू यीशू ऐ तिनके मंन की बात जाँणियों बुलो, “तुँऐं लोगे आप्णे मंन दा बुरा बिचार कैई करी लुवा?

मरकुस 9:32

परह् सेजी बात चैले के बै-सम्झी गऐ, अरह् से सेजो प्रभू यीशू कैई शो पुँछ़णों शे डरह् थिऐ।

यूहन्ना 13:33

हे, बालकों, हाँव थोड़ी ही देर खे हजो तुवाँरी गंईलो असो; हजो तुऐं मुँह जुह्ले, अरह् जेष्णों मुँऐं यहूदी अगवाल़ों खे बुलो थियो; तेष्णों ही हाँव तुँओं खे भे बुलू, के ‘जेथै हाँव ज़ाँदा लागा, तेथै तुँऐं ने आऐ सक्दे’;

यूहन्ना 14:19

किऐ ही बख्त्त हजो असो, जबे ऐजी संईसारी मुँह ने देखी सको; परह् तुँऐं मुँह जरूर देख्ले; के हाँव जीऊँदी असो, अरह् तुँऐं भे जीऊँदी रंह्दे।

यूहन्ना 16:16

“किऐ ही बख्त्तो दा तुँऐं मुँह ने देख्दे, अरह् किऐ ही बख्त्तो दा, तुऐं मुँह हजो पाछ़ू देख्ले।”

यूहन्ना 16:18

तबे सेजे चैले आपु मुँझी ओका ओकी शो पुछ़्दे लागे, के अमाँरे ऐजो “संम्झ ने आई; के ऐजो का असो, किऐ बंख्त्तो पाछ़ी, जिन्दें के बारे दो ईन्ऐं बार-बार बुली लो?”

यूहन्ना 16:23

तेसी देसे तुँऐं मुँह कैई शा किऐ सुवाल ने पुछ़्ले। हाँव तुँओं खे ऐक खास बात बुलू: के जे तुऐ मेरे नाँव शो बाबा कैई शो किऐ माँगले, तअ से तुओं खे मेरे नाँव शो देंऐ देले।

यूहन्ना 16:26

तेसी देसे तुँऐं आपु मेरे नाँव शो बाबा कैई शो माँगले; मुँऐ ऐजो ने बुली लई, के मुँह ही तुवाँरे तरफ़ शी बाबा कैई अरज कर्णी पड़्ली।

यूहन्ना 16:30

ऐबे आँमें संम्झी गुऐ, के तुँऐं सब-कुछ जाँणों ऐं; अरह् ऐबे तुओं कैई शे सुवाल-जबाब कर्णो के किऐ भे जरूरत्त ने आथी, ईन्देंखे आँमें बिश्वाष करह्; के तुऐं पंण्मिश्वर की तरफ़ शे आऐ रूऐ।”

यूहन्ना 21:17

प्रभू यीशू ऐ च़ीज़ाल़िऐ पुह्छ़ो; “हे शमौन यूहन्ना का बैटा, कियो तू मुँह आरी प्यार करे?” तबे शमौन-पतरस ऊदास हुआ, के प्रभू यीशू ऐ मुँह कैई शो ऐजो च़ीज़ाल़िऐं कैई पुह्छ़ो; के “कियो तू मुँह आरी प्यार करे ऐ?” तबे संत्त-पतरस ऐ, प्रभू यीशू खे जबाब दिता; “हें प्रभू! तुँऐं तअ सब-कुछ़ जाँणों ऐ; अरह् तुऐ ऐजों भे जाँणों ऐं, के हाँव तुओं आरी प्यार करू।” तबे प्रभू यीशू ऐ संत्त-पतरस खे बुलो, “मेरी भैड़ो चराओं।”

यूहन्ना 6:61

प्रभू यीशू के आप्णे सासो दो ऐजो जाँणियों, के मेरे चैले आपु मुझी ईयों बातो दे तुड़-खुड़ाऐ रूवे; तबे तिन्ऐ तिन खे बुलो, “कियों तुऐं ईयों ही बातो शुँणियों बै-चंऐन हऐ रूऐ?

यूहन्ना 7:33

तेसी बख्त्ते प्रभू यीशू ऐं बुलो, “ऐबे हाँव किऐ ही बख्त्तो तोड़ी तुवाँरी गंईलो रंऊँबा; अरह् तबे हाँव तिन कैई ज़ाँऊबा, जिन्ऐं मुँह डेयाल़ी थुवा।

इब्रानियों 4:13

पंण्मिश्वर की नंजरी शी ईयों संईसारी की किऐ भी चीज चुप्पी ने थईदी; तिनकी नंजर के सहाम्णें जिनके साम्णें आँमों बादा लेखा-ज़ौखा देणाँ पड़ो, तिनके सहाँम्णें बादी चिजो आपु खुली अरह् पर्गट हों।

प्रकाशितवाक्य 2:23

हाँव तिनके नहाँन्ड़िया माँरी देऊँबा; तबे बादी कलीसियाऐं जाँणी पाली, के दिल अरह् मंन का पर्ख्णो वाल़ा हाँव ही असो, अरह् हाँव तुँओं मुँझी शे ऐकी नाँमों खे तिनके काँम-काज़ के मुँताबिक बद्ल़ा देऊँबा।