यूहन्ना 16:16 - Sirmouri

¹⁶ “किऐ ही बख्त्तो दा तुँऐं मुँह ने देख्दे, अरह् किऐ ही बख्त्तो दा, तुऐं मुँह हजो पाछ़ू देख्ले।”

सिरमौरी नौवाँ नियम

¹⁶ “तैतियोड़ै तुऐं मुखै ना दैखदै, औरौ हौजौ बिस्तौड़ी मुखै दैखलै।”

यूहन्ना 16:16 ပူးပေါင်းရင်းမြစ်များ

मरकुस 16:19

जबे प्रभू यीशू मसीया ऐ तिनू आरी ऐजी बातो करी पाई, तअ तिनू स्वर्गो दे ऊबे थागे; अरह् तेथै से स्वर्गो दे पंणमिश्वर के सोऐं ढबे बऐठी गुवे।

यूहन्ना 12:35

प्रभू यीशू ऐ लोगो खे बुलो, ऐबे थोड़े ही बख्त्तो खे “जोत्त तुवाँरे बीच दी असो। अरह् जाँव तोड़ी जोत्त तुओं कैई असो, ताँव तोड़ी तुऐं ऊँजाल़े दे चाल्दे रंह्; जू कद्दी ऐशो ने हंईयों, के ईनाँरो तुँओं घेरी ने पाव; अरह् जुण्जा आदमी ईनाँरे दा चालो, तेस कैई ऐजा पता ने लागदा के से कैशे खे ज़ाँदा लागा।

यूहन्ना 13:3

प्रभू यीशू ऐजो जाँणो थिऐ, के बाबा ऐं सब-कुछ़ मेरे हाथों दो देऐ थुओ; अरह् ऐजो भे जाँणों थिऐ, के हाँव पंण्मिश्वर कैई शा आऐ रूवा, अरह् पाछ़ू पंण्मिश्वर कैई ज़ाँदा लागा।

यूहन्ना 13:33

हे, बालकों, हाँव थोड़ी ही देर खे हजो तुवाँरी गंईलो असो; हजो तुऐं मुँह जुह्ले, अरह् जेष्णों मुँऐं यहूदी अगवाल़ों खे बुलो थियो; तेष्णों ही हाँव तुँओं खे भे बुलू, के ‘जेथै हाँव ज़ाँदा लागा, तेथै तुँऐं ने आऐ सक्दे’;

यूहन्ना 16:10

धार्मिक्त्ता के बारे दो; ईन्देंखे के हाँव बाबा कैई पाछ़ू ज़ाँदा लागा, अरह् ईन्दें पाछ़ी तुँऐं मुँह हजो ने देख्ले;

यूहन्ना 16:22

तेष्णें ही तुऐं लोग भे हेभी दु:ख्हीं, अरह् शोकित्त हऐ रूऐ; परह् जेई हाँव तुओं कैई शा हजो दुज़ाल़िऐ देंखाई देऊँबा, तेई तुवाँरा मंन आँनन्दित्त हऐयों भरा ज़ाला; अरह् तबे तुवाँरी सेजी खुशी-आँनन्द कुँऐ तुओं कैई शी आगु ने करी बंल़्दा।

यूहन्ना 16:28

होर, हाँव बाबा के डेयाल़्णों, शा ही ईयों संईसारी दा आया; अरह् ऐबे मुँऐ ईयों संईसारी छ़ुड़ी लऐ, के हाँव हजो बाबा कैई पाछ़ू ज़ाँऊ।”

यूहन्ना 16:5

परह् ऐबे ‘हाँव आप्णें डेयाल़्णों वाल़े कैई पाछु ज़ाँदा लागा, परह् तुओं मुँझ्शो कुँणिंऐं ने ऐजो पुछ़ी लंई; के तुऐं कैथें ज़ाँदे लागे?’

यूहन्ना 17:13

“ऐबे हाँव तुँओं कैई आँदा लागा, ऐजो सब मुँऐ ईयों संईसारी दो रंह्दें ही बुली थो; के ऐजे लोग मेरी आनन्द-खुशी आपु दे पुरी करह्।

यूहन्ना 17:5

ईन्देंखे हे बाबा! तुऐं मेरी भे आप्णी गंईलो, तियों महाँ बंड़ियाई आरी, बड़याऐ करह्, जुण्जी बड़ियाऐ मेरी तुवाँरी गंईलो संईसारी की रंचणों कंर्णो शी आगे थी।

यूहन्ना 7:33

तेसी बख्त्ते प्रभू यीशू ऐं बुलो, “ऐबे हाँव किऐ ही बख्त्तो तोड़ी तुवाँरी गंईलो रंऊँबा; अरह् तबे हाँव तिन कैई ज़ाँऊबा, जिन्ऐं मुँह डेयाल़ी थुवा।

प्रेरितो कै काम 1:3

प्रभू यीशू ऐं आप्णें दु:ख्ह भोग्णों पाछ़ी, तिनू खास-चैले के सहाँम्णें बैजाऐ पाक्कै नंत्तिजे लंई, के हाँव जीऊँदी असो; च़ाल़ीष देसो तोड़ी से तिन कैई शे देखाई पड़े, अरह् पंण्मिश्वर के राज्य की बातो कर्दे रूऐ।

इब्रानियों 12:2

आँमें आप्णीं नंजर प्रभू यीशू दे थंह्, जुण्जे अमाँरे बिश्वाष के अगुवाल़ असो, अरह् सिद्ध कर्णो वाल़े असो; जिन्ऐं तेसी आँनन्द खे जुण्जा तिनखे आगे ही बंणाँऐ थुवा थिया; अरह् तिन्ऐं आप्णीं बैस्त्ति का किऐ भे फीकर ने करी, अरह् सेजी शुँल़ी-फ़ाँशी की मंऊँत्त संह्ऐन करी; अरह् पंण्मिश्वर के सिगाँस्णों के सुऐं ढंबै बंईठी गुऐ।