यूहन्ना 16:10 - Sirmouri

¹⁰ धार्मिक्त्ता के बारे दो; ईन्देंखे के हाँव बाबा कैई पाछ़ू ज़ाँदा लागा, अरह् ईन्दें पाछ़ी तुँऐं मुँह हजो ने देख्ले;

सिरमौरी नौवाँ नियम

¹⁰ औरौ धार्मिकता कै बारै मुंजी यकीन दिलांदा कै हांव पिता पौरमेशवर कै धोरे चालै रौआ, औरौ तुऐं मुखै हौजौ ना दैखदै।

यूहन्ना 16:10 ပူးပေါင်းရင်းမြစ်များ

यूहन्ना 16:28

होर, हाँव बाबा के डेयाल़्णों, शा ही ईयों संईसारी दा आया; अरह् ऐबे मुँऐ ईयों संईसारी छ़ुड़ी लऐ, के हाँव हजो बाबा कैई पाछ़ू ज़ाँऊ।”

यूहन्ना 16:5

परह् ऐबे ‘हाँव आप्णें डेयाल़्णों वाल़े कैई पाछु ज़ाँदा लागा, परह् तुओं मुँझ्शो कुँणिंऐं ने ऐजो पुछ़ी लंई; के तुऐं कैथें ज़ाँदे लागे?’

यूहन्ना 3:14

अरह् जेष्णाँ ऋषी-मूसा ऐ जाँगल़ों दा शंगाव ऊगला टाँगा थिया, तेष्णाँ ही आदमी का बैटा भे ऊँबा ऊगल़ा टाँगंणाँ जरूरी ही असो।

यूहन्ना 5:32

परह् ऐक ओका असो, जुण्जा मेरा गुवाह्-शाज़्त्त असो; अरह् हाँव ऐजो जाँणू ऐं के से मेरे बारे दी पाक्की गुवाऐ-शाज़्त्त देंदा जुण्जी साच्चीं असो।

यूहन्ना 7:33

तेसी बख्त्ते प्रभू यीशू ऐं बुलो, “ऐबे हाँव किऐ ही बख्त्तो तोड़ी तुवाँरी गंईलो रंऊँबा; अरह् तबे हाँव तिन कैई ज़ाँऊबा, जिन्ऐं मुँह डेयाल़ी थुवा।

प्रेरितो कै काम 17:31

किन्देंखे के तिन्ऐ सेजो ऐक देस पाक्को करी थुओं, के जबे बादे आदमी संईसारी का नियाव के रूप दा बिचार करह्; किन्देंखे के पंण्मिश्वर ऐं तेसी आदमी हजों पाछ़ू ऊबा जीऊँदा करियों ईन्दे का परमाँण भे देऐ थुवा।”

प्रेरितो कै काम 2:32

पंण्मिश्वर ऐ तिन्ही यीशू हजो ऊबे जियाल़े, अरह् आँमें बादे ईयों बातो के गुवाह्-शाज़्त्त असो।

प्रेरितो कै काम 3:14

तुँऐं लोगे ऐं ऐक पबित्र अरह् धरमाँत्त्मा जंण माँनी ने; परह् ऐक हत्त्यारा छ़ुड़ोणों के माँग करी।

प्रेरितो कै काम 7:52

कियो तुवाँरे पुराँणिऐं ऐ ऋषियों गाशी अंत्त्याचार करी ने? तिन्ऐं तिनू ऋषी लोग माँरी दित्ते, जिन्ऐं आगे ही तेसी धर्मी जंण के आँवणीं की घोष्णाँ करी थी; तुओं लोगों खे स्वर्गदूत्त के जाँणें, रित्ती-रूवाज निय्म भेंटी ने? परह् तुऐं लोगें ऐं तिन्दें का पाल़्ण ने करी, अरह् ऐबे तेसी धर्मी जंण के थंहम्बड़ाणों वाल़े अरह् हत्त्यारे बंणी गुऐ।

रोमियों 1:17

किन्देंखे के पंणमिश्वर के नंजरी दें लोग बै-कसूर बंणाँऐं गुऐं, यीशू मसीया की खुषख्बरी लई: जू बिश्वाष शी पर्गट हों; जेष्णों लिखी थो, “बिश्वाष शा पंणमिश्वर की नंजरी दा बै-कसूर ज़ण जीऊँदा रंह्दा।”

1 कुरिन्थियों 1:30

परह् तेस्की ही ढबे शे तुँऐं मसीया यीशू के असो, जू पंणमिश्वर की ढबे शा आँमों खे ज्ञाँन बंणा, मतल्व धर्म, अरह् पबित्रता, अरह् मुँक्त्ति;

2 कुरिन्थियों 5:21

जू पाप शा अजाँण्दा थिया, तेसी ही तेने अमाँरी ताँईऐं पापी बंणाँऐया, के आँमें तिन के जाँणें धार्मिक्त्ता बंणी ज़ाँव।

गलातियौं 5:5

किन्देंखे के पबित्र-आत्त्मा के जाँणें, आँमें बिश्वाष का करियों धार्मिक्त्ता के बाट जुहणों खे आप्णी बैजाऐ हिछा करह्।

1 तीमुथियुस 3:16

ईदा किऐ षक-शुभा ने आथी, के भगत्ति का भेद् गऐरा असो: मंतल्व से जू देह्-शरीर दे पर्गट हुऐ, अरह् पबित्र-आत्त्मा दे धर्मी बंणें; अरह् से स्वर्गदूत्तो कैई शे ऊडे देखाई पडे, अरह् गंऐर यहूदियों मुँझ़ी तिनका प्रचार हुआ; अरह् संईसारी दा तिनू गाशी बिश्वाष करा गुवा, अरह् बड़ियाऐ आरी तिनू स्वर्गो दे ऊबै टीपै गुऐ।

1 पतरस 3:18

किन्देंखे के मसीया ऐ भी अमाँरे पापों की ताँईऐं ऐकी बंई दु:ख भूगा, मतल्व जू बै-कसूर थिऐ, तिन्ऐं आँमों पापियों की ताँईऐं ऐकी बई मंऊँत्त कबूल करी, जू आँमों पंणमिश्वर के साम्णें नीयों, शरीर के भाव शे तअ से माँरी गुऐ, परह् पबित्र-आत्त्मा के भाव शे तिनू ऊबे जीयाल़े गुऐं।