यूहन्ना 16:1 - Sirmouri

¹ “मुँऐ तुँओं कैई संच्चाऐ ईन्देंखे बुली थंऐ, के तुँऐ दुरंताँणों-भरंमाँणों शे बंचीं ज़ाँव।

सिरमौरी नौवाँ नियम

¹ “मोऐं ऐजी बातौ तुऔं कै इथकारिए बुली कै तुऐं कोसी पांदी बिशवाश कौरेयौ धौखा नै खांव।

यूहन्ना 16:1 ပူးပေါင်းရင်းမြစ်များ

मत्ती 11:6

अरह् भागोईत असो सेजे जू मेरे कारण ढैस-ठूकर ने खाँव।”

मत्ती 13:21

परह् ईन्देंखे के तेने तेसी बचन दी जड़ ने सारी पाका ने हई, से ठीके ही बख्त्तो खे टीकी सको; परह् जेई तेस गाशी बचन के कारण दु:ख सताव पड़ो, तेई से तेसी ही बख्ते तेसी मंत्त-ज्ञाँन शा भट्की ज़ाँव।

मत्ती 13:57

तबे से प्रभू यीशू खे घीप्पै, तबे प्रभू यीशू ऐ तिनखे बुलो, “आप्णें नंगर अरह् कुँड़बे परिबार के सुवाऐ पंणमिश्वर की बरंम्बाणीं कर्णो वाल़ा ऋषी कैथी बेईंजत्त ने हंदा। ईयों ही जाँणकारी के कारण यहूदी लोग प्रभू यीशू के बारे दे धोखे दे रूऐ”!

मत्ती 24:10

तेसी ही बख्त्ते कंऐयों लोग बिश्वाष शे हटी ज़ाँदे, अरह् बिश्वाष करणा छ़ूड़ी देंदे; से ओका ओकी आरी बिश्वाषघात कर्दे, अरह् से ओका ओकी आरी बंईर कर्दे।

यूहन्ना 15:11

मुँऐं ऐजो तुँओं कैई ईन्देंखे बुली थो, के मेरी खुशी-आनन्द तुँओं दी बंणी अंदी रंह्; अरह् तुँवारी खुशी-आनन्द पुरी हऐ ज़ाँव।

यूहन्ना 16:4

परह् मुँऐं ऐजी संच्चाऐ तुँओं कैई ईन्देंखे बुली, के जबे ऐजो सब हंदो लागलो; तअ तुवाँरे ऐजो चींत्ते आँव, के ईन्देके बारे दो मुँऐ तुओं कैई आगे ही बुली थो थियों; “मुँऐ ऐजो तुओं कैई शुरूवात्त दो ईन्देंखे ने बुली थोंह्, के तेसी बंख्त्ते हाँव आपु तुवाँरी गंईलो थिया।

रोमियों 14:21

भलो तअ ऐजो असो, के ना तू माँस खाँऐं अरह् ना अंगुरोह् का रंस पीऐ; अरह् तू ऐशो किऐं ने करे जिन्दें लई तेरे भाऐ-बंईण पाप दे पढ़ो।

फिलिप्पियों 1:10

ऐथे तोड़ी के तुँऐं आच्छ़ी शी आच्छ़ी बातो प्यारी जाँणो, अरह् मसीया के देसो तोड़ी साच्चै अरह् बै-कसूर बणे अँदें रंह् अरह् तुऐं ढैस-ठूकर ने खाँव,

1 पतरस 2:8

अरह् से बंणा: “ऐक पाथर जिन्दे शा लोगो के ढैस लागो, अरह् ऐशी कऐड़ जिन्दे गाछ़ै लोग ऊँदे रंड़को;” लोगो के ढैस लागो, किन्देंखे के से पंणमिश्वर के बचन का पाल़्ण ने कर्दे, अरह् बस ऐजो ही तिनखे बाँणी थो।