यूहन्ना 15:4 - Sirmouri

⁴ तुँऐं मुँह्दे पाक्कै बंणें अँदे रंह्, तअ हाँव तुँओं दा बसा अँदा रँह्ऊबा; किन्देंखे के जे बाली-शाँऐं डाल़ी दी ने जुड़ी अंदी रँह्दी, तअ तिन्दे किऐ भे फल़ ने लागी सक्दे; तेष्णें ही जे तुऐं भे मुँह्दे जुड़े अँदे ने रँह्, तअ तुओं दे भे किऐ फल़ ने लागी सँक्दे।

सिरमौरी नौवाँ नियम

⁴ तुऐं मुंदै बौणैयौंदे रौंव, औरौ हांव तुऔं दा बोणेयोंदा रौंदा। जैशै शाई जै बाली दी बौणेयौंदी ना रौंव, तौ आपी ना फोल़ सौकौ। तैशैकैई, तुऐं किछै बै आछौ ना कौर सौकौ जै तुऐं मुं दै बौणैयौंदे ना रौंव।

यूहन्ना 15:4 ပူးပေါင်းရင်းမြစ်များ

मत्ती 12:33

“जेसी डाल़ों खे तुँऐं आछा बुलो, तिन्दें के फल़ खे भे आछा हों, अरह् जे तुँऐं कोसी डाल़ो खे नि-काँम्मा बुलो तअ तेसी डाल़ो के फल़ खे भे नि-काँम्मा बुलो; किन्देखे के ऐक नाँम डाल़ तिनके फल़ शे ही पंछ़्याँणें ज़ाँव।

लूका 8:15

परह् आच्छ़ी बोंन्दरी जीम्मी दो पड़ो बीज़ सेजो असो, जू बचन शुणियों, आप्णे साच्चे मंन शा सेजा बचन सुवाँ करियों थों, आप्णें सबैर शाँण्त्ति शा तिन्दें का फ़ल़ पाँव।

यूहन्ना 14:20

तेसी देसे तुँओं कैई ऐजा पता लागला, के हाँव आप्णें बाबा दा असो; अरह् तुऐं मुँह्दें असो, अरह् हाँव तुओं दा बसा अंदा असो।

यूहन्ना 17:23

तुऐं मुँह्दे, अरह् हाँव तिनदा, जू से पुरे ढंग शे ऐक हंऐ ज़ाँव; जिन्दें लई ईयों संईसारी दो ऐजो साफ़ हंऐ ज़ाँव, के तुऐं ही मुँह डेयाल़ी थुवा थिया; अरह् तुऐं ईनू आरी भे तेष्णों ही प्यार करह्, जेष्णों प्यार तुऐं मुँह आरी करह्।

यूहन्ना 6:56

अरह् जुण्जा मेरी देह्-शरीर खाँव, अरह् मेरो लह्ऊँ पीयों, से सदा मुँदा बास करदा, अरह् हाँव तेस्दा बसा अंदा रंह्दा।

यूहन्ना 8:31

तबे: प्रभू यीशू ऐ तिनू यहूदियों लोगो खे बुलो, जिन्ऐं तिनू गाशी बिश्वाष करी थुवा थिया; के “जे तुँऐं मेरी शिक्षायों का पाल़्ण कर्दे रंह्ले; तअ तुँऐं सोत्तिखे मेरे चैले बंण्ले।

प्रेरितो कै काम 11:23

जबे बरनबास ऐ तेथै पंह्ऊँच़ियों, पंण्मिश्वर के कृपा, अरह् शाँण्त्ति देखी; तअ से बैजाऐ खुशी-आनन्दित्त हऐ गुवा: अरह् संत्त-बरनबास ऐ सोभी लोगों खे प्रभू दे पाक्कै रंहंणों खे होंस्ला-हिमम्त्त दित्ती।

प्रेरितो कै काम 14:22

खास-चैले ओकी चैले के मंन पाक्कै कर्दें रंह् थिऐ, अरह् तिनखे से बिश्वाष दे बड़्णों खे हिमम्त्त दियों थिऐ; अरह् से बुलो थिऐ, के आँमों भाँव बैजाऐ दुंख्ह-कल़ेष संह्ऐन कर्णें पड़ले; तबे भे आँमें पंण्मिश्वर के राज्य दे जरूर ज़ाँदे।

2 कुरिन्थियों 13:5

आपु-आप्खे जाँच्चो-पर्खो के तुँऐं बिश्वाष दे असो ऐ के आथी ने। आपु-आप्खे जाँच्चो-पर्खो। कियो तुँऐं आप्णें बारे दो ऐजो जाँण्दें ने, के यीशू मसीया तुँओं दे असो? ना तअ तुँऐं जाँच्च-परख दे नि-काँम्में निक्ल़ी रूऐ।

गलातियौं 2:20

किन्देंखे के मुँह मसीया की गईलो शुँल़ी-फ़ाँशी चड़ाया गुआ, परह् ऐबे हाँव जीऊँदी ने आथी, परह् मसीया मुँह्दें जीऊँदी असो; अरह् हाँव देह्-शरीर दा ऐबे जू जीऊँदा असो, तअ सिर्फ तेसी बिश्वाष दा जीऊँदा असो; जू पंण्मिश्वर के बैटे गाशी असो, जिन्ऐं मुँह शो पियार करह्; अरह् मेरी ताँईऐं आप्णी जीयाँन दिती।

इफिसियों 3:17

अरह् बिश्वाष के जाँणें मसीया तुवाँरे दिल-सासो दे बंसो, अरह् हाँव तुवाँरी ताँईऐं ऐजी प्रार्थना करू, के तुँऐं प्यार दे ज़ड़ पाक्ड़ियों आप्णी पह्-नींव पाक्की करह्,

फिलिप्पियों 1:11

प्रभू यीशू मसीया के कृपा लऐयों, तुँऐं प्रभू के नंजर दे बैजाऐ आच्छ़ै काँम-काज़ करह्, जिन्दें लंई पंण्मिश्वर के बड़ियाऐ हों, अरह् तिनकी संत्तुति हों।

कुलुस्सियों 1:23

तुँओं बिश्वाष दे पाक्के अरह् अट्ल बंणों अंदो रहणों पड़ो, जू तुँओं खे खुषख्बरी के जाँणें देऐ गऐ, सेजी खुषख्बरी अस्माँनों थाईली बादी संईसारी खे शुँणाऐं गऐ, अरह् हाँव पौलुस तिनका सेवक-दास असो।

कुलुस्सियों 1:27

जिन कैई पंण्मिश्वर ऐ पर्गट करणा चाया, के तिन कैई ऐजा ज्ञाँन हों, के गऐर यहूदी कैई तेसी भेद् की बड़ियाऐ का मोल का असो, अरह् से ऐजो असो, के मसीया जेस्दा बड़ियाऐ का भूर्षा असो, से तुँओं दे बास करह्।

कुलुस्सियों 2:6

ईन्देंखे के तुऐं जेष्णाँ मसीया यीशू धारण करी थुवा; तअ तुऐं आप्णाँ जीवन भे तिनही आरी जीयों।

1 थिस्सलुनीकियों 3:5

ईन्देंखे के जबे मेरे ठहरी ने, तअ तुवाँरे बिश्वाष के बारे दो जाँण्णों की ताँईऐ तीमुथियुस डेयाल़ा, के कद्दी ऐशो ने हईयों के पर्ख्णों वाल़े ऐ तुँवारी परख करी हली, अरह् अमाँरी मेंह्न्त बै-कार हऐ गऐ हली।

इब्रानियों 10:39

आँमें तिनू लोगो मुँझ़्शे ने आथी, जुण्जे पाछ़ू फीरियों नाँष हंऐ ज़ाँव; परह् आँमें तिनू लोगों मुँझ़्शे असो, जिनखे आप्णें बिश्वाष के कारण जीवन भेंटो।

1 यूहन्ना 2:6

जू कुँऐं ऐजो बुलो, के हाँव पंण्मिश्वर दा पाक्का असो, तअ तेसी प्रभू यीशू जैष्णाँ जीवन जीऊँणा पड़ो।

2 यूहन्ना 1:9

जुण्जा कुँऐं मसीया की शिक्क्षा के दाएरे दा ने रंह्दा, अरह् तैसी दाएरे शा बाऐरा ज़ाँव, तैसी कद्दी भे पंण्मिश्वर ने भेट्दी, परह् जुण्जा कुँऐं तियों शिक्क्षा के दाएरे दा रंह्; तैस कैई स्वर्गो का पिता भे असो, अरह् तिनका बैटा भे असो।