यूहन्ना 15:27 - Sirmouri

²⁷ अरह् तुँऐं भे मेरे बारे दी गुवाऐ-शाज़्त्त देले; किन्देंखे के तुऐं शुरू शे ही ऊँबे मेरी गईलो रंऐ रूऐ।

सिरमौरी नौवाँ नियम

²⁷ औरौ तुऐं बै गवाह औसौ जिथुकै तुऐं शुरु दै ऊबै मैरै साथै रौए रौवै।”

यूहन्ना 15:27 ပူးပေါင်းရင်းမြစ်များ

मरकुस 1:1

पंणमिश्वर का बैटा प्रभू यीशू मसीया की खुषख्बरी ऐशी दाँई शुरू हों।

लूका 24:48

अरह् तुँऐं ईनू सोभी बातो के गुवाह्-शाज़्त हंदे।

यूहन्ना 19:35

जेने सपाई ऐं ऐजो देखो, तेने गुवाऐ-शाज़्त्त दिती; अरह् तेस्की गुवाऐ-शाज़्त्त साच्ची थी; से ऐजों जाँणों थिया, के ऐने साच्चो बुली लो, जिन्दें लई तुऐं भे बिश्वाष करह्।

यूहन्ना 21:24

से सेजा ही चैला असो, जुण्जा ईन सोभी घह्टणाँ का गुवाह्-शाज़्त्त असो; अरह् जेने ऐजी बादी बातो आप्णीं आखिऐ देखी-शुँणीं अरह् लिखी थंई; अरह् आँमें भे ऐजो जाँणों ऐं, के तेस्की गुवाऐ-शाज़्त्त बिलकुल साच्ची असो।

प्रेरितो कै काम 1:8

पबित्र-आत्त्मा तुँओं गाशी ऊँत्रणों गाशी, तुओं खे शक्त्ति भेट्ली; अरह् तुँऐं यरूशलेम अरह् बादे यहूदिया अरह् सामरिया दे, अरह् धर्ती के आखरी कुँणें तोड़ी मेरे गुवाह-शाज़्त्त हले।”

प्रेरितो कै काम 13:31

अरह् तिन्ऐ भहित्ते देसो तोड़ी तिनू लोगों खे दर्षण दिते, जुण्जे तिनकी गंईलो गलील ईलाके शे यरूशलेम दे आऐ रूऐ थिऐ; अरह् ऐबे से ही बादे लोगों के साहम्णें तिनके गुवाह्-शाज़्त्त असो।

प्रेरितो कै काम 18:5

जबे सीलास अरह् तीमुथियुस मकीदुनिया शे आऐ, तबे संत्त-पौलुस बचन शुँणाँणों की लगंन दा यहूदियों खे गुवाऐ-शाज़्त्त देंदा लागा, के यीशू ही मसीया असो।

प्रेरितो कै काम 23:11

तियों ही रात्ती प्रभू ऐ संत्त-पौलुस कैई खह्ल़ियों बुलो, “हे पौलुस, दीड़-हिम्मत थो; किन्देंखे के जेष्णी तुँऐं यरूशलेम दी मेरी गुवाऐ-शाज़्त्त दिती, तेष्णी ही ताँव रोम दी भे मेरी गुवाऐ-शाज़्त्त देणी पड़ली।”

प्रेरितो कै काम 3:15

तुँऐं जीवन देंणों वाल़े माँरी दित्ते; परह् पंण्मिश्वर ऐं तिनू मँरे अँदे मुँझ्शे पाछ़ू ऊँबे जीयाल़े; जिन्दें के आँमें भे गुवाह्-शाज़्त्त असो।

प्रेरितो कै काम 4:20

किन्देंखे के आँमें जुण्जो देखी, अरह् शुँणीं थो; ईन्देका कियों आँमें बखाँण करह् ने, ऐष्णों ने हंदी।”

प्रेरितो कै काम 4:33

खास-चैले बड़ी दीड़-हिमम्त्त शे प्रभू यीशू के हजो दुज़ाल़िऐ ऊबे जीऊँणों की गुवाऐ-शाज़्त्त देंदे रंह् थिऐ; अरह् तिनू सोभी गाशी पंण्मिश्वर के बड़ी कृपा थी।

1 पतरस 5:1

तुँओं मुँझी जुण्जे ठग्ड़ै आदमी असो, हाँव, तिनू जैष्णा ठग्डा अरह् मसीया के दु:खों का गुवाह्-शाज़्त अरह् पर्गट हंणों वाल़ी बड़ियाऐं दा साजी हऐयों तिनू ऐशे सम्झाऊँ

1 पतरस 5:12

मुँऐं सिलवानुस के हाथे, जेसी हाँव बिश्वाष ज़ूगा भाऐ जाँणू, दाँणिंक लिखियों तुँओं सम्झाऐ थुऐ, अरह् ऐजी गुवाऐ-शाज़्त देऐ थऐ, के पंणमिश्वर की साची कृपा ऐजी ही असो, ईन्दी ही पाक्के डटे अंदे रूऐ।

1 यूहन्ना 4:14

आँमें ऐजो दे:खी थो, अरह् ईन्दें के गुवाऐ-शाज़्त भे असो, के पिता ऐ बैटा ईन्देंखे संईसारी दे छुट्कारे मंतल्व मुँक्त्ति देंदे डियाल़ी थुऐ थिऐ।

प्रकाशितवाक्य 1:2

संत्त-यूहन्ना ऐ ऐजा प्रमाँण देंदे बुलो, के मुँऐ जुण्जो किऐ देखो, सेजा पंण्मिश्वर का बचन अरह् यीशू मसीया के गुवाऐ-शाज़्त्त असो।

प्रकाशितवाक्य 1:9

हाँव यूहन्ना, जू तुवाँरा भाऐ अरह् प्रभू यीशू के कल़ेष अरह् राज्य अरह् धीरज दा तुवाँरा साजी असो, पंण्मिश्वर के बचन अरह् प्रभू यीशू की गुवाऐ-शाज़्त्त के कारण हाँव पतमुस नाँव के टापू दा थिया।