यूहन्ना 15:20 - Sirmouri

²⁰ चींत्तें थुंऐ, के मुँऐ तुँओं खे का बुली थो: के दास सेंवक आप्णें माँलिक शा बड़ा ने हंदी, किन्देंखे के जबे तिन्ऐं मुँह सताँऐ थुवा; तअ से तुओं भे जरूर सताँदे ऐ; जे से मेरे बचन का पाल़्ण कर्दे, तअ से तुवाँरे बचन का भे पाल़्ण कर्दे थिऐ।

सिरमौरी नौवाँ नियम

²⁰ याद राखौ कै मोऐं तुऔं का राव थियु बौल़ै, ‘नोकर आपणै मालिक दा बौड़ा ना आथी,’ जै तिनुऐ मुखै सोताए राए, तौ सै तुऔं खै बै सतांदै, जै सै मैरी शिक्षा कै मानदै, तौ तोंवारै बै मानलै।

यूहन्ना 15:20 ပူးပေါင်းရင်းမြစ်များ

मत्ती 10:24

“चैला आप्णें गुरू शा बड़ा ने हंदा; अरह् ना दास आप्णें स्वामी शा बड़ा हंदा।

मरकुस 10:39

तिन्ऐ जबाब दिता (जरूर) प्रभू यीशू ऐ तिनखे जबाब दिता, सेजा बैलुवा जू हाँव पीऊँबा सेजा तुऐं भे पी पाँदे, किन्दें खे के तुवाँरो भे तैष्णों ही नहाँण-नुवाँईदो जैष्णों मुँह कैई शो नुहाँईदो।

लूका 2:34

तबे तेने धर्मी-भगत्त शमौन ऐ आशिष देऐयों, तेसी बालक की माँ मरियम खे बुलो, “दे:ख, ऐ तअ इस्राएल दा भहिते के रिड़ोणो, अरह् खड़ा कर्णो खे, अरह् ऐक ऐशा च़ींन हंणों खे बंणाऐ थुवा, जेस्के बीरोध दी बातो करी ज़ाली

लूका 6:40

चैला आप्णे गुरू शा बड़ा ने हंदा, परह् बादी शिक्क्षा भेट्णों गाशी से आप्णें गुरू जैष्णा बंणी ज़ाँव।

यूहन्ना 10:31

तबे यहूदी अगवाल़े ऐ प्रभू यीशू माँर्णों खे हजो पाथर थागे।

यूहन्ना 11:57

मुँख्या-याजकों, अरह् यहूदी भाट्-बाँम्णें ऐं; प्रभू यीशू थाँहम्बड़णों के मंतल्व शे सोभी खे ऐजी अज्ञाँ देऐ थंऐ थी, के जे कसी भे आदमी कैई ऐजा पता लागो; के यीशू केथै असो; तअ से तियों बातो का शुज़ा तिन कैई तेख्णी दियों; जू आँमें तेसी ऊडा थाँम्बड़ी दियों।

यूहन्ना 13:16

हाँव तुँओं खे ऐक खास बात बुलू, के दास आप्णें माँलिक शा बड़ा ने आथी, अरह् ना डेयाल़ा अंदा आप्णें डेयाल़्णों वाल़ा शा बड़ा आथी।

यूहन्ना 5:16

यहूदी अगवाल़े प्रभू यीशू ईन्देंखे सताँदे लागे, के से ऐष्णें काँम-काज़ बिषाँव के देसे करह् थिऐ।

यूहन्ना 7:32

यहूदी भाट-बाँम्णें ऐं लोगो मुँझी प्रभू यीशू के बारे दी ऐजी बातो चुप्पी-चुप्पी कर्दे शुँणी; ईन्देंखे मुँख्या याजकों, अरह् यहूदी भाट्-बाँम्णें आप्णें सपाऐ डेयाल़े।

यूहन्ना 8:51

हाँव तुँओं खे ऐक खास बात बुलू: के जे कुँऐं मेरे बचन का पाल़्ण करह्; तअ तेस्की मंऊँत्त कद्दी ने हंदी।”

यूहन्ना 8:52

यहूदी निय्म के शिखाँणों वाल़े ऐं प्रभू यीशू खे बुलो, “ऐबे आँमों पाक्का बिश्वाष हऐ गुवा, के ताँव्दो किऐ लागियों को असो; बाबा अब्राहम, अरह् बादे ऋषी भे मंरी गुऐ; परह् तू बुले, के ‘जे कुँऐ मेरे बचन का पाल्ण करला; तअ से कद्दी ने मंर्दी।’

यूहन्ना 8:59

ऐजों शुँण्दें ही लोगे ऐं प्रभू यीशू गाशी पंथराच़ देंणों खे पाथर थागे; परह् प्रभू यीशू देऊँठी कैई शे ही तिनकी नंजर शे छ़ाँई-माँई हुऐ।

प्रेरितो कै काम 14:22

खास-चैले ओकी चैले के मंन पाक्कै कर्दें रंह् थिऐ, अरह् तिनखे से बिश्वाष दे बड़्णों खे हिमम्त्त दियों थिऐ; अरह् से बुलो थिऐ, के आँमों भाँव बैजाऐ दुंख्ह-कल़ेष संह्ऐन कर्णें पड़ले; तबे भे आँमें पंण्मिश्वर के राज्य दे जरूर ज़ाँदे।

1 कुरिन्थियों 4:12

आँमें आप्णे ही हाथे टह्ल अरह् मेंह्न्त करह्। लोग अमाँरी बुराऐ करह्, परह् आँमें तिनखें आशिर्बाद दियों; आँमों सताँऐ ज़ाँव, परह् आँमें सबेर करियों सेजो बादो सहय्न करह्।

2 कुरिन्थियों 4:9

सताऐ तअ ज़ाव ऐ, परह् छुड़े ने ज़ाँदे; रिड़ोऐ तअ ज़ाँव ऐ, परह् आँमें नाँष ने हंदे।

1 थिस्सलुनीकियों 2:15

जिन्ऐं प्रभू यीशू अरह् ओके ऋषी भे माँरी दिते, अरह् आँमों भे सताऐ, अरह् पंण्मिश्वर तिन शा खुशी ने आथी, अरह् से बादे आदमी का बिरूध करह्।

2 तीमुथियुस 3:12

ऐजी तअ संच्चाऐ असो, के सेजे सोभीं लोग, जुण्जें मसीया यीशू दा संच्चाई का जीवन जीऊँणों का ईरादा करह्, तिनू सताऐं भे जरूर ज़ाले।