यूहन्ना 15:2 - Sirmouri

² मुँह्दी लागी अंदी ऐक नाँम डाल़ी जिन्दें फ़ल़ ने लागदे, तियों से काटी दियों; अरह् जियों डाल़ी दे फ़ल़ लागो, तियों डाल़ी के से काट-छ़ाँट करह्; के तिन्दें हजो भे जादा फ़ल़ लागो।

सिरमौरी नौवाँ नियम

² सौबै शाई जू मुंदी जूड़ेयोंदी औसौ, औरौ ना फोल़ो, तौ तिनु सै काटै दैंव, औरौ जू शाई फोल़ोए, तिनु सै हौजौ छांटौ ताकि सै हौजौ बै जादा फोल़ो।

यूहन्ना 15:2 ပူးပေါင်းရင်းမြစ်များ

मत्ती 13:12

किन्देखे के जिन कैई असो ऐ, तिनखे हजो दियो ज़ालो, अरह् तिन कैई बैजाऐ भहितो हऐ ज़ालो; परह् जेस कैई किऐ ने आथी, तेस कैई जुण्जो असो ऐ, सेजो भे ऊँडो करो ज़ाँदो।

मत्ती 13:33

प्रभू यीशू ऐ हजो ऐक ऊको अनाँणों तिन कैई शो शुणाँओं: “स्वर्गो को राज्य खमीर को जियों असो, जेथू कोसी तिरोंई ऐ च़ींन पंण्सैरी आटे दो मिलाऐ दितो, अरह् सेजो बादो को बादो आटा खाटो बंणी गुओं।”

मत्ती 15:13

प्रभू यीशू ऐं तिनखे जबाब दिता, “ऐक नाँम पौधा जुण्जा मेरे स्वर्गो के पिता ऐ ने लाऐ थई, सेजो ऊडो ऊपाड़ो ज़ादों।

मत्ती 21:19

बाटो की टिराँव्टें दा ऐक तेर्मोल़ी का डाल़ दे:खियों, प्रभू यीशू तेसी डाल़ो के नंजीक हुटे, परह् तिनू पाच़ों के सुवाऐ तिन्दो ऊको किऐ ने भेंटी तबे प्रभू यीशू ऐ तेसी डाल़ो खे श्राप-फींट्कारा दिता, “ऐतलो शुभा ताँव दा किऐ फल़ ने लागो”, तबे तेख्णी सेजा डाल़ शुक्की गुवा।

मत्ती 25:29

किन्देखे के जेसी कोसी कैई असो ऐ, तेस्खे हजो दियों ज़ाँदो: अरह् तेस कैई भहितो हऐ ज़ाँदो; परह् जेस कैई आथी ने, तेस कैई शो सेजो भे ऊँडो कर्दों, जुण्जो तेस कैई असो।

मत्ती 3:10

ऐबे कुँराड़ा झ़ैठो गाशी ही असो; अरह् जुण्जा-जुण्जा डाल़ आछा फल़ ने देंदा, तेसी काटी देईदा, अरह् आगी दा फूकी देईदा।”

मत्ती 3:12

तिनको शूपो तिनके हाथो दो असो, अरह् से आप्णा खह्ल़ा खह्ल़ियाँन सुवों पुणीं-कारोऐयों साफ कर्दें, अरह् आप्णें गींऊँ कुठारी दे कठे कर्दें, परह् भुस तियों आगी दो जल़ादें जू हिष्णों वाल़ी ने आथी।”

मत्ती 7:19

जियों-जियों डाल़ी दा आछा फल़ ने लागदा, सेजी-सेजी डाल़ी काटियों आगी दी पाऐ देंई दी।

मरकुस 4:20

जू आच्छ़ी बोंन्द्री जीमी दो पड़ो, से ऐजो असो, के जुण्जे लोग पंणमिश्वर का बचन शुणी-माँनियों तिन्दा अमल करह्, सेजा बचन तिनके सासो दा फल़ो ऐ: अरह् से तीष गुँणा, षाठ गुणाँ, अरह् षोंह् गुणाँ फल़-बन्त्तं हों।”

लूका 8:13

अरह् जुण्जो बीज़ पाथरो-शगाल़ी मुँझी पड़ो, सेजो बीज़ ऐजो असो, के जुण्जे बचन शुण्दे ही तैसी बचन माँनी पाँव; परह् तैसी बचन दे से पाक्कै हऐयों जड़ ने पाक्ड़दे, से कुछ बख्तो तोड़ी तअ तैसी बचन दा बिश्वाष करह्, परह् परख के बख्ते से अट्ल़ ने रंह्दे अरह् से ऊँदे ज़ाँव।

यूहन्ना 15:1

“हाँव साच्ची दाख्ह की बैल असो; अरह् मेरा बाबा जींम्मदार असो।

यूहन्ना 15:16

तुँऐं मुँह ने चूणीं-छ़ाँटी थंई, परह् मुँऐं तुँओं चूणी-छाँटी थुऐ; अरह् तुँओं पाक्कै ठाली थुऐ, के तुँऐं संईसारी दे ज़ाऐयों फल़ आँणों; अरह् तुवाँरा फ़ल़ ऐशा हुवा चैई, जुण्जा पाक्का बंणाँ अंदा रंह्; जिन्दें लंई तुऐं मेरे नाँव शो जुण्जो किऐ माँगों, सेजो बाबा तुओं खे देऐ दियों।”

यूहन्ना 15:3

तिनू बचन के कारण, जुण्जे मुँऐ तुँओं कैई बुली थुऐ, तिन्दें लई तुऐ शुद्ध हंऐ गुऐ।

यूहन्ना 15:6

ईन्देंखे जे कुँऐ मुँदा ने बंणा अंदा रंह्दा, तअ तेसी तियों च़ूट्टी अंदी डाल़ी के जेष्णाँ फैरकाया ज़ाँव; अरह् तबे से शुक्की ज़ाँव, अरह् लोग तिनू शुक्की अंदी डाल़ी कंट्ठी करियों आगी आँऊड़ो दी पाऐयों जल़ाऐ दियों।

यूहन्ना 15:8

तुवाँरे फल़ की बड़ोत्री दे मेरे बाबा के बड़ियाऐ हों, अरह् तुवाँरा मेरे चैले बंण्णों का ऐजा पाक्का सबुत्त हंदा।

यूहन्ना 17:12

जाँव तोड़ी हाँव ईनकी गंईलो रूवा, ताँव तोड़ी मुँऐं ईनू लोग तुवाँरे तेसी नाँव शे, जुण्जा तुऐं मुँखें देऐ थुवा थिया; तिन्दें बंचाऐयों थुऐ, अरह् ईन की रक्षा करी; ईनू मुँझ्शा कोसी का भे नाँष ने हंणों दिती, सुवाऐ छ़त्तिया-नाँष के बैटे का; सेजा भे ईन्देंखे के पबित्र-ग्रन्थों का सेजा बचन पुरा हों।

रोमियों 11:17

जे किऐं डाल़ी च़ूड़ियों ज़ई करी थंई, अरह् तुँऐं लोग जू बाड़ूई तेरमोंल़ी जेष्णें असो, अरह् जे तुँवारी तिनू डाल़ी के जागें दी कलंम लाईली, जू तुँऐं भे तेरमोंल़ी के पाचै तेरमोंल़ों के हिस्सेदार बंणों।

रोमियों 11:22

ईन्देंखे पंणमिश्वर के कृपा अरह् शक्त्ताऐ दे:ख! जू ऊदे रिड़े तिनू गाशी शक्त्ताऐ; परह् ताँव गाशी कृपा करी, जे तू तिन्दा संमाऐ अंदा रंऐं, तबे ही, ना तअ ताँव भे काटियों फेरकाऐ देंईदा।

रोमियों 8:28

आँमें जाँणोंऐं के जू लोग पंणमिश्वर शो पियार करह्, तिनखे बादी बातो मीलियों भलाऐ पय्दा करह्; मतल्व तिनही खे जू तिनकी हिछ़या के मुँताबिक शे बय्दी थुऐ।

1 कुरिन्थियों 13:1

जे हाँव आदमी अरह् स्वर्गदूत्तो की बुली बुलू, परह् पियार ने करू, तअ हाँव ठंणठणाँदों पीतल, अरह् छण-छणाँदी खाँजरी असो।

तीतुस 2:14

जिन्ऐं आपु-आप्खे अमाँरी ताँईऐं देऐ दिता, के आँमें हर प्रकार के पाप-अ-धर्म शे छुढ़ोऐ दियों, अरह् शुद्ध करियों आप्खे ऐक ऐशे लोग बाँणों, जू भले-भले काँम-काज़ खे तैयार रंह्।

इब्रानियों 12:15

ईयों बातो का ख्याल थुऐ, के पंण्मिश्वर के कृपा शा कुँऐं भे छुटा ने चेंई, अरह् तेस्के मंन के कड़वाट तुँवारा बिरूध अरह् झगड़ा खह्ड़ा करह्, अरह् ओके भे बैजाऐ लोग तेसी आरी मीलियों तेष्णें ही अशुद्ध बंणी ज़ाँव।

1 यूहन्ना 2:19

मसीया का बिरोधी आँमों ही मुँझ्शा असो, परह् से सोतिखे अमाँरा साथी ने, किन्देंखे के जे से सोतिखे अमाँरा साथी हंदा, तअ अमाँरी गईलो रंह्दा। परह् तेने आँमों छुड़ी दिते, जू से ऐजो दे:खाऐ सको, के तिन मुँझ्शा कुँऐं भे सोतिखे अमाँरा साथी ने आथी।

प्रकाशितवाक्य 3:19

हाँव जिनू-जिनू आरी प्यार करू, तिनू सोभी खे मंत्त-शीख अरह् डाँट देऊँ; ईन्देंखे तेज-तराड़ बंण अरह् आप्णा मंन बद्ल़।