यूहन्ना 15:18 - Sirmouri

¹⁸ “जे संईसारी तुँओं आरी बईर करह्, तअ ऐजो चींत्ते थुऐ; के तुओं शो आगे ईयों संईसारी ऐं मुँह आरी भी बईर करी थो।

सिरमौरी नौवाँ नियम

¹⁸ “जै दुनिया कै लोग तुंआरी बोयर राखौ, तौ याद राखौ तिनुऐ तुऔं दा औगौड़ियौ मुंआरी बै बोयर राखा।

यूहन्ना 15:18 ပူးပေါင်းရင်းမြစ်များ

मत्ती 10:22

मेरे नाँव के कारण बादे लोग तुँवारी गईलो बईर कर्लें, परह् जुण्जा आखरी तोड़ी धीरज-सबेर थंह्ला, तेस्खे ही मुँक्त्ति भेट्ली।

मत्ती 24:9

तबे से दु:ख-कल़ेष देणों खे तुँओं थंहम्बड़ालें, अरह् तुँओं माँरी देले, मेरे नाँव के कारण सब बादी गऐर यहूदी के लोग तुँओं आरी बईर कर्लें।

मत्ती 5:11

“भागोईत असो! तुँऐं, जबे लोग तुँवारी नीदया-चुगली करह्, अरह् सताव, अरह् तुवाँरे बारे दी मेरे कारण साँत्त-भाँत्ती अफ़वा फ़ईलाँव, झूठी लाँव।

मरकुस 13:13

मेरे कारण सभें लोग तुवाँरे बऐरी बंण्दे, परह् छुट्कारा बंचाव तेस्का ही हंदा; जुण्जा मेरे नाँव शा अंन्त्त आखरी तोड़ी बिश्वाष दा धीरज-सबेर अरह् पाक्का ढंटा अंदा रंह्ला।

लूका 6:22

भाग्ईंत असो! तुँऐं जू आदमी के बैटे के ताँईऐंँ, लोग तुँओं आरी बईर कर्ले, अरह् तुवाँरी नीदया-चुगली लाँव, अरह् तुवाँरो नाँव बुरो जाँणियों काटी देले।

यूहन्ना 16:1

“मुँऐ तुँओं कैई संच्चाऐ ईन्देंखे बुली थंऐ, के तुँऐ दुरंताँणों-भरंमाँणों शे बंचीं ज़ाँव।

यूहन्ना 16:33

मुँऐं तुओं कैई ऐजो सब-कुछ़ ईन्देंखे बुलो, के तुँओं शाँण्त्ति भेटो; किन्देंखे के संईसारी दे तुओं खे सिर्फ दु:ख्ह अरह् कल़ेष असो; परह् आँनन्दित्त खुशी हुऐ, के मुँह संईसारी गाशी जींत्त भेंटी रंऐ।”

यूहन्ना 3:20

किन्देंखे के जुण्जे कुँऐं बुराऐ करह्, से ज्योति-प्रकाष शो बईर करह्; अरह् से ज्योति प्रकाष के नंजीक ईन्देंखे ने आँदे, के तियों ज्योति-प्रकाष के पैयाषे लंई, तिनके सेजे बुरे काँम-काज़ देखाई दे पड़ियों पर्गट हंदे।

यूहन्ना 7:7

संईसारी तुँओं आरी बईर ने कर्दी, परह् से मुँह आरी बईर करह्, किन्देंखे के हाँव ईयों संईसारी के बादे दी ऐजी गुवाऐ-शाज़्त्त देंऊँ, के ईनके काँम-काज़ बुरे असो।

प्रेरितो कै काम 14:22

खास-चैले ओकी चैले के मंन पाक्कै कर्दें रंह् थिऐ, अरह् तिनखे से बिश्वाष दे बड़्णों खे हिमम्त्त दियों थिऐ; अरह् से बुलो थिऐ, के आँमों भाँव बैजाऐ दुंख्ह-कल़ेष संह्ऐन कर्णें पड़ले; तबे भे आँमें पंण्मिश्वर के राज्य दे जरूर ज़ाँदे।

इब्रानियों 12:2

आँमें आप्णीं नंजर प्रभू यीशू दे थंह्, जुण्जे अमाँरे बिश्वाष के अगुवाल़ असो, अरह् सिद्ध कर्णो वाल़े असो; जिन्ऐं तेसी आँनन्द खे जुण्जा तिनखे आगे ही बंणाँऐ थुवा थिया; अरह् तिन्ऐं आप्णीं बैस्त्ति का किऐ भे फीकर ने करी, अरह् सेजी शुँल़ी-फ़ाँशी की मंऊँत्त संह्ऐन करी; अरह् पंण्मिश्वर के सिगाँस्णों के सुऐं ढंबै बंईठी गुऐ।

याकूब 4:4

ओ कू-कर्मी बिगड़े अंदे लोगो, कियों तुँऐं जाँण्दें ने, के संईसारी शी मित्रता कर्णी, पंणमिश्वर आरी बईर कर्णो असो? अरह् जुण्जा कुँऐं संईसारी का मित्र-दोस्त्त बंण्णा चाँव; से आपु आप्खे पंमिश्वर का बऐरी बाँणों।

1 यूहन्ना 3:1

बिचार करह्, के कैत्रा गऐरा पियार परंम-पिता पंण्मिश्वर आँमों आरी करह्, जिन्दें का कुँऐ भे किऐ पता नें लाऐ पाँदा, खास करियों संईसारी के लोगों कैई पंण्मिश्वर की पछ़याँण ने आथी; ईन्देंखे के से आँमों भे पंछ़याँण्दी ने, के आँमें तिनकी अलाद असो।

1 यूहन्ना 3:13

हे भाऐ-बंईणों, जे संईसारी के लोग तुँओं दे शंगाऐयों बईर करह्, तअ हरान ने हुऐ।

1 यूहन्ना 3:3

अरह् जू कुँऐं तिनू गाशी ऐजा भूर्षा थंह्, से आपु-आप्खे तैष्णा ही पबित्र थंह् जैष्णें से पबित्र असो।