यूहन्ना 15:16 - Sirmouri

¹⁶ तुँऐं मुँह ने चूणीं-छ़ाँटी थंई, परह् मुँऐं तुँओं चूणी-छाँटी थुऐ; अरह् तुँओं पाक्कै ठाली थुऐ, के तुँऐं संईसारी दे ज़ाऐयों फल़ आँणों; अरह् तुवाँरा फ़ल़ ऐशा हुवा चैई, जुण्जा पाक्का बंणाँ अंदा रंह्; जिन्दें लंई तुऐं मेरे नाँव शो जुण्जो किऐ माँगों, सेजो बाबा तुओं खे देऐ दियों।”

सिरमौरी नौवाँ नियम

¹⁶ तुऐं मुखै ना चुणी, पौरौ मोऐं तुऔं चोणे राए औरौ तुऔं ठोहराए राए कै तुऐं जायौ फोल़ लांव औरौ तोंवारा फोल़ टिकैयौंदा रौंव, कै तुऐं मैरै चैलै औसौ, इथकारिए जू किछै पिता पौरमेशवर शै मांगलै, सै तुऔं दैला।

यूहन्ना 15:16 ပူးပေါင်းရင်းမြစ်များ

मत्ती 21:22

अरह् जुण्जो किऐ तुँऐं प्रार्थना दो बिश्वाष शो माँगले सेजो सब तुँओं खे भेट्लो।”

मत्ती 7:7

“माँगो, तअ तुँओं खे दियों ज़ालो; जुह्ले तअ तुँओं भेंट्लो, ठक-ठकाले, तअ तुँओं खे ऊडो खुल्ल़ों ज़ालो।

लूका 6:13

तबे झ़िषों तिन्ऐं आप्णे चैले बईदे अरह् तिनू मुझ्शे किऐ बारंह् चैले छाँटे अरह् तिनखे प्रभू यीशू के खास-चैले बुले गुऐ,

यूहन्ना 13:18

“मुँऐ तुँओं सोभी के बारे दो ऐजो ने बुली लई; हाँव ऐजो जाँणू ऐ, के मुँऐं कोसी-कोसी आदमी चुँणीं-छ़ाटी थुऐ; परह् ऐजो ईन्देंखे हंदो लागो; के पबित्र-ग्रन्थो का सेजा बचन पुरा हो: के ‘जुण्जा मेरी रोटी खाँव, तेने ही मुँखे लात्ते ऊराल़ी थंऐ।’

यूहन्ना 15:19

किन्देंखे के जे तुँऐं संईसारी के हंदे, तअ संईसारी तुओं आरी बंईर ने कर्दी थी; ऐजों जाँणिंयों के तुँऐं आप्णें ही असो; किन्देंखे के मुँऐ तुओं ईयों संईसारी मुँझ्शे च़ूणी-छ़ाँटी थुऐ, ईन्देखे संईसारी तुओं आरी बंईर कर्दी।

यूहन्ना 15:5

“हाँव दाख्ह अँगूरोह् की बाल असो: अरह् तुँऐं डाल़ी असो! जुण्जा कुँऐ मुँह्दा पाक्का बंणा अंदा रंह्, तअ हाँव तेस्दा बसा अंदा रंह्ऊ; अरह् हाँव तेस्दे बैजाऐ फ़ल देंऊँ, किन्देंखे के तुऐ मुँह शे ज़ोई रंह्ऐयों किऐ ने करी सक्दे।

यूहन्ना 6:70

प्रभू यीशू ऐ तिनखे बुलो, “कियों मुँऐं तुँओं बारंह् झोणें झुणी-छाँटी ने थई थी? तबे भे तुँओं मुँझ्षा ऐक शैतान के कंब्जे दा असो।”

प्रेरितो कै काम 1:24

तबे तिन्ऐं ऐशी प्रार्थना करी, “हे प्रभू! तू सोभी का सास-मंन जाँणें ऐ; ऐजो पर्गट करह्, के तुँऐं ईनू दुई मुंझ्षा कंसी च़ूणी-छ़ाँटी थुवा,

प्रेरितो कै काम 1:8

पबित्र-आत्त्मा तुँओं गाशी ऊँत्रणों गाशी, तुओं खे शक्त्ति भेट्ली; अरह् तुँऐं यरूशलेम अरह् बादे यहूदिया अरह् सामरिया दे, अरह् धर्ती के आखरी कुँणें तोड़ी मेरे गुवाह-शाज़्त्त हले।”

प्रेरितो कै काम 10:41

सोभी लोगो कैई शे ने परह् तिनू गुवाह्-शाज़्त्त कैई शे देखाई पड़े; जिनू पंण्मिश्वर ऐं च़ूणी-छ़ाँटी थुऐ थिऐ, सेजे गुवाह्-शाज़्त्त आँमें ही असो; अरह् दुज़ाल़िऐ तिन के ऊबे जीऊँणों गाशी, आँमें तिनकी गंईलो खाऐ-पीं थों।

प्रेरितो कै काम 22:14

तबे तेने बुलो, ‘अमाँरे पुराँणियाऐं के पंण्मिश्वर ऐ ताँव, ईन्देंखे छाँटी थुवा, के तू तिनकी हिछ़या जाँणें, अरह् तेसी धर्मी देखे अरह् तिनके मुँहों शी बातो शुँणें।

प्रेरितो कै काम 9:15

प्रभू ऐ हनन्याह खे बुलो, “ज़ाओ! से मेरा च़ूणाँ-छ़ाँटा अंदा असो; से गऐर यहूदी, राजाओं अरह् इस्राएलियों के सहाँम्णें मेरे नाँव का प्रचार करला।

रोमियों 1:13

हे भाऐ बंईणों, हाँव ने चहाँदा के तुँऐं ईन्दें अंण-जाँण रंह्, के मुँऐं बार-बार तुँओं कैई आँणों चहाँव, के जेष्णें ओके गऐर यहूदी मुझ़ शी बिश्वाष दे लोग आऐं, तेष्णें ही तुँओं मुझ़ शी भे लोग बिश्वाष दे आऐ चैईं थिऐ। परह् हेभी तोड़ी मुँह रूका गुवा।

रोमियों 1:5

तिनके जाँणें आँमों कृपा अरह् प्रभू यीशू के खास-चैला बंण्णों खे मुका भेटा, के तिनके नाँव के जाँणें बादी गऐर यहूदी के लोग बिश्वाष करियों तिनकी बष दे हों,

रोमियों 15:4

जेतोड़ी बातो आगे ही पबित्र-ग्रन्थों दी लिखी थई, से अमाँरी ही शिक्क्षा खे लिखी गई थी, के आँमें धीरज-सबेर अरह् पबित्र-ग्रन्थों की हिम्मत्त के जाँणें भूर्षा थों।

रोमियों 9:21

कियो कुमाँर का माँटी गाशी हंक-अधिकार आथी ने, के ऐकी ही माँटी के लेदे लई ऐक बासंण शोह् खे; अरह् दुज़ो घरे बर्तोणों खे बाँणों?

1 कुरिन्थियों 10:11

परह् ऐजी बादी बातो, जुण्जी तिनू लोगो गाशी बित्ती-पढ़ी, ऐजी बादी बातो आँमों खे चिताऊँणी असो; अरह् आँमों खे ही लिखी थई, किन्देखे के आँमें ऐसी ज़ूगौ दे असो, जू आखरी अंन्त्त के नंजीक असो,

गलातियौं 1:15

परह् पंण्मिश्वर ऐं जिन्ऐं मुँह माँई खी कुँखी शा ही मुँह छाँटी-चूणी थुवा थिया, अरह् आप्णी कृपा शा बय्दी थुवा;

इफिसियों 2:10

किन्देखे के पंण्मिश्वर ऐं अमाँरी रंचणाँ करी, अरह् तिन्ऐं प्रभू यीशू मसीया आरी बादी संईसारी की रंचणा करी; जिन्दें लंई आँमें सेजे बादे आच्छ़े काँम-काज़ पुरे कंर्दे रंह्, जुण्जे पंण्मिश्वर ऐ आगे ही आँमों खे तैयार करी थुऐ।

कुलुस्सियों 1:23

तुँओं बिश्वाष दे पाक्के अरह् अट्ल बंणों अंदो रहणों पड़ो, जू तुँओं खे खुषख्बरी के जाँणें देऐ गऐ, सेजी खुषख्बरी अस्माँनों थाईली बादी संईसारी खे शुँणाऐं गऐ, अरह् हाँव पौलुस तिनका सेवक-दास असो।

कुलुस्सियों 1:6

जू तुँओं कैई पऐची रूआ, अरह् जेष्णाँ संईसारी दा भे फल़ लेआँव अरह् से बढ़दा ज़ाँव, तेष्णा ही जेस देसो शे तुँऐं तेसी बचन शुँणा अरह् सच्चाई शी पंण्मिश्वर की कृपा जाँणी, अरह् सोत्तिखे सम्झ़ी पाऐ।

1 तीमुथियुस 2:7

ऐसी ही मंतल्व शा मुँह च़ूणाँ-छ़ाँटा गुवा प्रचार की ताँईऐं, अरह् खाँस-चैले के रूप दा, गऐर यहूदियों खे संच्चाई की शिक्क्षा देंणों खे डेयाल़ा गुवा; मुँऐ ऐजो साच्चों बुली लुओं; ऐजों झ़ूठों ने आथी।

2 तीमुथियुस 1:11

ईयों खुष्ख्बरी खे मुँह प्रचारक, अरह् खास-चैला, अरह् शिक्क्षा देणो वाल़ा भे बंणाया गुआ।

2 तीमुथियुस 2:2

अरह् जू बातो तुँऐं भहीते गुवाह्-शाज़्त्त के सहाँम्णें मुँह कैई शी शुँणी थई, तिनू बातो तेसी ईमाँनदार बिश्वाषी भाई कैई दे; जू ओकी कैई शे भे शिखाँणों ज़ूगा हों।

तीतुस 1:5

मुँऐं ताँव क्रेते दा ईन्देंखे छुड़ी थुवा थिया, के तू ऊकी बातो भे सुधारी दिऐं, अरह् मेरी अज्ञाँ के मुँताबिक शे नंगर-नंगर दे अगवाल़ सियाँणे बाँणे।

इब्रानियों 11:4

बिश्वाष के कारण हाबिल ऐ कैन की बरा-बरी दे बैजाऐ बड़ी भेंट-बल़ी चढ़ाऐ। अरह् तेसी ही बिश्वाष के कारण हाबिल ऐक धरंमाँत्त्माँ माँना गुवा, किन्देंखे के पंण्मिश्वर ऐ तेस्की भेंट-बल़ी स्वीरार करी; अरह् से मँरी गुवा, परह् तेसी ही बिश्वाष के कारण ऐत्त्लो भे आँमें ऐजी ऐक गुवाऐ-शाज़्त्त दियों।

याकूब 3:18

मिलाप कराँणों वाल़ा, जू धार्मिक्त्ता का फल़ मेल-मिलाप आरी बोंह्।

1 पतरस 3:15

परह् मसीया खे प्रभू जाँणियों आप्णे-आप्णे मंन दे पबित्र जाँणों। जू कुँऐं तुवाँरे भुर्षे के बारे दो किऐ तुँओं कैई शो पुछों, तेस्खे जबाब देणों खे सदा तिहार रंह्, परह् नीम्ताई अरह् डरह् आरी,

1 पतरस 3:2

तबे भे तुँऐं डरह् आरी पबित्र चाल-चलण के बर्तावे दे:खियों बिना बचन के आप्णी-आप्णी घरवाल़ी के चाल-चल़्ण के जाँणें तिनू आप्णें ढबे आँणी पाँदी।

1 यूहन्ना 4:10

पियार किऐ चींज ने आथी; पियार हों ऐ: पंण्मिश्वर आँमों शो पियार के जाँणें आप्णा बैटा अमाँरे पापों की पसतावे खे कुरबाँण बल़ी कराँणों खे डियाल़े—तिनू ईन्देंखे ने डियाल़ी, के आँमें पंण्मिश्वर शो पियार करी थो।

1 यूहन्ना 4:19

आँमों दा पियार-भाव ईन्देंखे असो; के आगे तिन्ऐं आँमों आरी पियार करी थो।